РАВАНДИ ОБИ ДУШАНБЕ. Имрӯз дар пойтахти Тоҷикистон бахшида ба Конфронси оби СММ-2023 брифинг доир шуд

Июнь 8, 2022 15:13

ДУШАНБЕ, 08.06.2022 /АМИТ «Ховар»/. Имрӯз, 8 июн дар шаҳри Душанбе дар доираи Конфронси дуюми байналмилалии сатҳи баланд бахшида ба Даҳсолаи байналмилалии амал «Об барои рушди устувор, солҳои 2018-2028» таҳти унвони «Пешбурди амал ва шарикӣ дар соҳаи захираҳои об дар сатҳҳои маҳаллӣ, миллӣ, минтақавӣ ва ҷаҳонӣ» бахшида ба Конфронси оби Созмони Миллаи Муттаҳид- 2023, ки онро Ҷумҳурии Тоҷикистон ва Подшоҳии Нидерланд ҳамраисӣ мекунанд, брифинг баргузор гардид, хабар медиҳад мухбири АМИТ «Ховар» аз «Кохи Сомон».

Дар нишаст роҳбари котиботи конфронс, раиси Кумитаи иҷроияи Фонди байналмилалии наҷоти Арал Султон Раҳимзода ва Намояндаи вижаи Подшоҳии Нидерланд оид ба ҳамкории байналмилалии об Ҳенк Овинк дар бораи нақшаву ҳадафҳои Конфронси дуюми Душанбе ва Конфронси оби СММ-2023 маълумот пешниҳод намуданд.

«Ташаббуси чоруми Президенти Ҷумҳурии Тоҷикистон оид ба Даҳсолаи байналмилалии амал «Об барои рушди устувор, барои солҳои 2018-2028» дар сатҳи миллӣ, минтақавӣ ва ҷаҳонӣ амалӣ мегардад. Мақсади ниҳоии мо ҷаҳонро барои об муттаҳид кардан аст», — иброз намуд Султон Раҳимзода.

«Суоле ба миён меояд, ки чаро дар Конфронси оби СММ-2023 соли оянда маҳз Тоҷикистон ва Нидерланд ҳамраисӣ мекунанд? Чунки Тоҷикистон мамлакати кӯҳсор аст ва ҳамчунин кишвари дорои зиёди пиряхҳо мебошад. Недерланд бошад дар навбати худ мамлакатест, ки дар соҳили баҳр ҷой гирифтааст ва моро тамоман ду масъалаи гуногун ба ҳам меорад. Ин ду кишвар бо фарҳанги мухталиф, тараққиёти гуногунро танҳо масъалаи об бо ҳам наздик кард, то ки ба манфиати мардум ва об ҳамкорӣ намоянд. Мо ин равишро «From South to sea» номидем, ки барои раванди об муҳим мебошад», — афзуд Султон Раҳимзода.

«Ҳукумати Подшоҳии Нидерланд дар масъалаҳои об ва ташкили конфронси дуюм бо Ҷумҳурии Тоҷикистон ҳамкории зич дорад. Дар давраи пандемия зарурати обро ҳама бори дигар ҳис карданд, зеро тавсияи духтурон, пеш аз ҳама, аз шустани дастон ва тозагӣ иборат буд. Мо бояд дар доираи ин ташаббусҳо оид ба тағирёбии иқлим ва мутобиқшавӣ ба он, аз ҷумла барои ноил шудан ба Ҳадафҳои рушди устувор амал кунем. Аз ҳамин лиҳоз зарур аст, ки мо дар масъалаи об муттаҳид бошем ва барои ҳалли ин масъалаи ҷаҳонӣ кушиш ба харҷ диҳем. Танҳо бо ин роҳ мо метавонем ҳадафҳои пешгирифтаамонро амалӣ намоем. Албатта, ин кори осон нест, зеро об ҳаёт аст ва саломатии мо ҳам аз он вобастагӣ дорад», — гуфт Намояндаи махсуси Подшоҳии Нидерланд оид ба ҳамкории байналмилалии об Ҳенк Овинк .

Ёдовар мешавем, ки Конфронси оби СММ 22-24 марти соли 2023 дар шаҳри Ню-Йорк таҳти раисии Тоҷикистон ва Нидерланд баргузор хоҳад шуд.

София ШОИК,
АМИТ «Ховар»

АКС: АМИТ «Ховар»

Июнь 8, 2022 15:13

Хабарҳои дигари ин бахш

Фарҳод Раҳимӣ: «Дар тўли сад соли охир дар ҳудуди Тоҷикистон заминларзаҳои сахти шиддаташон зиёда аз 7,5 бал рух надодааст ва эҳтимоли ба амал омаданашон низ кам аст»
Имрӯз гурӯҳи кории Ҳукумати Ҷумҳурии Тоҷикистон таҳти роҳбарии Сарвазири мамлакат Қоҳир Расулзода ба мавзеи офати табиӣ дар ноҳияи Кӯҳистони Мастчоҳ сафар намуд
23 МАРТ — РӮЗИ УМУМИҶАҲОНИИ ОБУҲАВОШИНОСӢ. Ҳар се соат ба Хадамоти ҷаҳонии ҳавошиносӣ доир ба вазъи об ва боду ҳавои Тоҷикистон маълумот пешниҳод мегардад
«ҲАФТ СИН». Ин анъанаи неки Наврӯз рамзи фаровонҳосилӣ, файзу баракат ва фардои дурахшон ҳисобида мешавад
22 МАРТ-РӮЗИ УМУМИҶАҲОНИИ ОБ. Тоҷикистон сарзамини саршор аз об ва ташаббусҳои глобалист
ХУШ ОМАДӢ, НАВРӮЗ! Тибқи ҳисобҳои астрономӣ, соати 02:30-и 21 март Наврӯз ба Тоҷикистон фаро расид
НАВРӮЗ, МОДАРИ ТОҶИК ВА СИМОИ МИЛЛӢ. Дар ин баҳори хуҷастапай на фақат табиат, балки ҳунар низ гул кардааст
НАВРӮЗ — ҶАШНИ СУЛҲУ ВАҲДАТ. Одамони сайёра ба ин оини воқеан ва моҳиятан фарҳангию инсонпарварона эҳтиром доранд
Наврӯз дар боғҳои фарҳангӣ-фароғатии Тоҷикистон бо шукуҳу шаҳомати хосса таҷлил карда мешавад
«Нашунидам нагӯед, Наврӯз омад!». Корвони идона ба сокинони шаҳри Душанбе навиди фарорасии иди аҷдодиро мерасонад
Бо дастури Пешвои миллат ба шаҳри Кӯлоб ва шаҳру ноҳияҳои Вилояти Мухтори Кӯҳистони Бадахшон автобусҳои мусофирбар фиристода шуд
Имрӯз дар Душанбе Рӯзи матбуоти тоҷик пуршукуҳ таҷлил гардид