Таҳти раёсати Сарвазири Тоҷикистон ва муовини Дабири кулли СММ қисмати дуюми Конфронси Душанбе оид ба об идома ёфт
ДУШАНБЕ, 07.06.2022 /АМИТ «Ховар»/. «Пешбурди ҳамкорӣ ва шарикӣ дар соҳаи об дар сатҳи маҳаллӣ, миллӣ, минтақавӣ ва ҷаҳонӣ» зери чунин унвон қисмати дуюми Конфронси дуюми байналмилалии сатҳи баланд оид ба татбиқи Даҳсолаи байналмилалии амал «Об барои рушди устувор, солҳои 2018-2028» таҳти раёсати Сарвазири Ҷумҳурии Тоҷикистон Қоҳир Расулзода ва муовини Дабири кулли СММ Лю Женмин доир гардид, хабар медиҳад АМИТ «Ховар».
Қоҳир Расулзода зимни суханронӣ таъкид дошт, ки Конфронси дуюми Душанбе платформаи муттаҳидсозӣ ва дарёфти иттилооти зарурӣ оид ба об гардида, механизмеро таҳия хоҳад кард, ки ҳукуматҳо, СММ ва дигар шарикон нақшаву ҳадафҳои неки худро тавассути он амалӣ хоҳанд намуд.
Конфронс аз ҷониби Хукумати Ҷумҳурии Тоҷикистон дар ҳамкорӣ бо СММ ва дигар шарикон ташкил гардида, он ба Конфронси СММ оид ба баррасии миёнамӯҳлати Даҳсолаи об, ки 22-24 марти соли 2023 дар Ню-Йорк гузаронида мешавад, занҷираи марказӣ хоҳад буд.
Муовини Дабири кулли СММ оид ба масъалаҳои иқтисодӣ ва иҷтимоӣ Лю Женмин доир ба нақши муассири ташаббусҳои ҷаҳонии Ҷумҳурии Тоҷикистон, хоссатан Президенти мамлакат Эмомалӣ Раҳмон дар масъалаи захираҳои обӣ суханронӣ намуда, изҳор дошт, ки тақвияти ҳамкорӣ аз сатҳи маҳаллию миллӣ то сатҳи минтақавию ҷаҳонӣ аз масъалаҳои асосии баррасишавандаи конфронс дониста шудааст.
Сафири Олмон дар Тоҷикистон Андреас Протманн оид ба Муколамаи оби Бонн, намояндаи Синегал Абдулло Сене оид ба натиҷаҳои Форуми 9-уми умумиҷаҳонии об дар Дакар, муовини Вазири корҳои хориҷӣ оид ба умури парлумонии Ҷопон Хонда Таро оид ба натиҷаҳои 4-умин Саммити оби Осиё ва Уқёнуси Ором дар Кумамото суханронӣ намуданд.
Пас аз он роҳбарони ҳайатҳои созмону ниҳодҳои байналмилалӣ ва минтақавӣ, инчунин кишварҳои иштироккунанда, аз ҷумла Ҳиндустон, Русия, Эрон, Баҳрайн, Ҳабашистон, Индонезия ва дигар давлатҳо оид ба нақши об дар ҳаёти инсон ва устувор намудани ҳамкорӣ ҷиҳати татбиқи ҳадафҳои даҳсола суханронӣ карданд
Таъкид карда шуд, ки ҳамкории густурда аз сатҳи маҳаллию миллӣ то сатҳи минтақавию ҷаҳонӣ метавонад дар татбиқи пурраи ҳадафҳои Даҳсолаи нави «Об барои рушди устувор, солҳои 2018-2028» нақши арзишманд гузорад. Суръат бахшидан ба ҳамкорӣ ҷиҳати ноил шудан ба ҳадафҳои оби Рӯзномаи рушди 2030 масъалаи меҳварии Конфронси дуюми байналмилалии сатҳи баланд оид ба татбиқи Даҳсолаи байналмиллалии «Об барои рушди устувор, солҳои 2018-2028» ташкил медиҳад.
АКС: АМИТ «Ховар»
35 тавсифи пурарзиши Президенти Тоҷикистон дар ситоиши Истиқлолияти давлатӣ
ИСТИҚЛОЛИЯТ — РАМЗИ САОДАТ ВА АСОЛАТИ МИЛЛАТ. Тавсифҳои истиқлолият аз суханҳои пурарзиши Президенти Тоҷикистон
НУРИ ХУРШЕДИ ИСТИҚЛОЛ ТО АБАД РАВШАНГАРИ ҲАЁТИ ҶОМЕАИ МО БОД! Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛУ ОЗОДӢ — РАМЗИ ВОҚЕИИ ИФТИХОР АЗ ВАТАНУ ВАТАНДӮСТӢ. Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛИЯТ — МАРҲАЛАИ СИФАТАН НАВИ РУШДИ ТОҶИКИСТОН. Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛИЯТ — РАМЗИ БАРҶАСТАИ ПОЙДОРИИ ДАВЛАТ. Андешаҳои Президенти Ҷумҳурии Тоҷикистон муҳтарам Эмомалӣ Раҳмон доир ба Истиқлолияти давлатӣ
ҶОИЗАИ БАЙНАЛМИЛАЛИИ ПРЕЗИДЕНТИ ТОҶИКИСТОН ДАР СОҲАИ ОБ–ВАСИЛАИ ТАҲКИМИ ДИПЛОМАТИЯИ ОБ ДАР ҶАҲОН. Андешаҳо дар ин маврид
ТИРГОН ШЕБУ ФАРОЗИ САДСОЛАҲОРО ГУЗАШТА, ТО БА РӮЗГОРИ МО РАСИДААСТ. Иқтибосҳо аз суханрониҳои Президенти Тоҷикистон ба муносибати ин ҷашн
Соли 2027 дар Тоҷикистон Конфронси байналмилалӣ доир ба Даҳсолаи байналмилалӣ оид ба таҳкими сулҳ барои наслҳои оянда баргузор мешавад
Фиристодаи махсуси СММ: «Давлатҳо бояд сиёсатҳо ва амалҳоро тағйир дода, сармоягузорӣ ва татбиқи лоиҳаҳоро дар соҳаи идораи захираҳои обӣ ба роҳ монанд»
Ҷоизаи байналмилалии Президенти Ҷумҳурии Тоҷикистон дар соҳаи об таъсис дода шуд
Сарвазири Бурунди: «Тоҷикистон ба маркази муколамаи глобалӣ оид ба масъалаҳои об табдил ёфтааст»
