Барои ғолибони Чемпионати ҷаҳон оид ба варзиши сабук дар ИМА ҷоизапулӣ ба миқдори калон гузошта мешавад

Июль 14, 2022 17:13

ДУШАНБЕ, 14.07.2022 /АМИТ «Ховар»/. Тавре қаблан хабар додем, аз 15 то 24 июли соли 2022 дар шаҳри Юҷини штати Орегони Иёлоти Муттаҳидаи Амрико Чемпионати ҷаҳон оид ба варзиши сабук-2022 баргузор мегардад. Барои ғолибони Чемпионати ҷаҳон оид ба варзиши сабук ҷоизапулӣ дар ҳаҷми калон гузошта мешавад. Дар ин бора шореҳи варзиш Муродалӣ Тешаев ба хабарнигори АМИТ «Ховар» Меҳрони Қурбон иттилоъ дод.

Ҷоизапулӣ барои ғолибон ба тариқи зайл хоҳад буд:

Мусобиқаҳои инфиродӣ

Тилло: 70 000 доллари ИМА

Нуқра: 35 000 доллари ИМА

Биринҷӣ: 22 000 доллари ИМА

Ҷойи чорум: 16,000 доллари ИМА

Ҷойи панҷум: 11,000 доллари ИМА

Ҷойи шашум: 7000 доллари ИМА

Ҷойи ҳафтум: 6000 доллари ИМА

Ҷойи ҳаштум: 5000 доллари ИМА

Эстафетаҳо (дастаӣ)

Тилло: 80 000 доллари ИМА

Нуқра: 40 000 доллари ИМА

Биринҷӣ: 20 000 доллари ИМА

Ҷойи чорум: 16,000 доллари ИМА

Ҷойи панҷум: 12 000 доллари ИМА

Ҷойи шашум: 8000 доллари ИМА

Ҷойи ҳафтум: 6000 доллари ИМА

Ҷойи ҳаштум: 4000 доллари ИМА

Илова бар ин варзишгароне, ки рекорди ҷаҳонӣ мегузоранд, 100 000 доллари ИМА ҷоиза мегиранд.

Ёдовар мешавем, ки Чемпионати ҷаҳон аз рӯи 49 мусобиқа (48 мусобиқа миёни мардон, 48 мусобиқа миёни бонувон ва 1 мусобиқаи омехта) баргузор мешавад, ки дар он 1900 варзишгар аз 200 давлати дунё ширкат мекунанд.

Мавриди зикр аст, ки Ҷумҳурии Тоҷикистонро дар ин чемпионат иштирокчии Бозиҳои олимпии Токио-2020 Илдар Аҳмадиев дар дав ба масофаи 100 метр намояндагӣ мекунад. Мусобиқаи дав ба масофаи 100 метр миёни мардҳо дар Юҷин рӯзҳои 15-16 июли соли равон доир мегардад.

АКС: КМО Тоҷикистон

Июль 14, 2022 17:13

Хабарҳои дигари ин бахш

Сафири Тоҷикистон бо ҳайати Ассотсиатсияи варзишии ҳамбастагии исломӣ мулоқот намуд
Дастаи мунтахаби Тоҷикистон оид ба футзал ба қисми ниҳоии Ҷоми Осиё-2026 роҳхат гирифт
ҶОМИ ОСИЁ-2026. Имрӯз дастаи мунтахаби Тоҷикистон оид ба футзал бо тими Ҷопон бозӣ мекунад
Тоҷикистонро дар Бозиҳои сеюми кишварҳои ИДМ 142 варзишгар муаррифӣ менамояд
Мусобиқаи байналмилалӣ оид ба теннис барои дарёфти «Ҷоми Президенти Ҷумҳурии Тоҷикистон» ҷамъбаст гардид
ҶОМИ ОСИЁ-2026. Имрӯз дастаи мунтахаби Тоҷикистон оид ба футзал бо Камбоҷа бозӣ мекунад
Дар рӯзи охирини Ҷоми ҷаҳон оид ба самбо варзишгарони тоҷик соҳиби 6 медал шуданд
ҶОМИ ОСИЁ-2026. Дастаи мунтахаби Тоҷикистон оид ба футзал дар оғози марҳилаи интихобӣ тими Макаоро мағлуб намуд
Варзишгарони Тоҷикистон дар Бозиҳои ИДМ-2025 иштирок менамоянд
ҶОМИ ҶАҲОН ОИД БА САМБО. Варзишгарони тоҷик дар рӯзи якуми мусобиқа се медал ба даст оварданд
ҶОМИ ОСИЁ-2026. Имрӯз дастаи мунтахаби Тоҷикистон оид ба футзал бо дастаи Макао бозӣ мекунад
Мусобиқаи 15-уми байналмилалӣ оид ба теннис дар Душанбе идома дорад