Тоҷикистон ва Швейтсария муносибатҳои муросилотиро дар низоми бонкӣ ба роҳ хоҳанд монд
ДУШАНБЕ, 05.07.2022 /АМИТ «Ховар»/. Ба роҳ мондани муносибатҳои муросилотӣ дар низоми бонкӣ бо Швейтсария ва дигар давлатҳои Аврупо дар мулоқоти Раиси Бонки миллии Тоҷикистон Ҳоким Холиқзода бо ҳамтояш аз Швейтсария Томас Йордан дар шаҳри Бад-Рагаз баррасӣ гардид, хабар медиҳад АМИТ «Ховар» бо истинод ба Бонки миллии Тоҷикистон.
Мулоқот дар доираи баргузории ҷаласаҳои солонаи Гурӯҳи Электорати Хазинаи Байналмилалии Асъор, ки аз 3 то 6 июл дар шаҳри Бад-Рагази Швейтсария мегузарад, доир шуд.
Мусоҳибон масъалаҳои густариши ҳамкорӣ дар самти баланд бардоштани тахассусияти кормандони Бонки миллии Тоҷикистон тавассути табодули таҷриба ва ташкили семинарҳои омӯзишӣ аз ҷониби Бонки миллии Швейтсария, махсус дар мавзуъҳои сиёсати пулию қарзӣ ва асъорӣ, комплаенс таваҷҷуҳ зоҳир намуданд.
Раиси Бонки миллии Швейтсария Томас Йордан аз сатҳи ҳамкории дуҷониба изҳори қаноатмандӣ намуда, барои тавсеаи онҳо, аз ҷумла дар самти устувории низоми бонкӣ ва дигар бахшҳои иқтисодиёти Ҷумҳурии Тоҷикистон омодагии худро баён намуд. Мавсуф мутахассисони Бонки миллии Тоҷикистонро ҷиҳати иштирок дар семинари омӯзишии муштараки Бонкҳои миллии Швейтсария ва Полша, ки моҳи ноябри соли ҷорӣ дар назар аст, даъват намуд.
Ҳоким Холиқзода даъвати Томас Йорданро бо хушнудӣ пазируфта, барои тақвияти ҳамкории минбаъда омодагияшро баён дошт.
АКС: Бонки миллии Тоҷикистон
Корхонаҳои саноатии ноҳияи Мастчоҳ ба маблағи беш аз 356 миллион сомонӣ маҳсулот истеҳсол намудаанд
Татбиқи барномаҳои электронии идоракунӣ ва истифодаи технологияҳои рақамӣ дар фаъолияти соҳаи об баррасӣ шуд
Байни Хадамоти алоқаи Тоҷикистон ва ширкати «Jinda Anbang»-и Чин Ёддошти тафоҳум ба имзо расид
Шуруъ аз 1 феврали соли 2026 дар Тоҷикистон тарифҳои нави барқу гармӣ ҷорӣ карда мешавад
КАРТОШКАПАРВАРӢ. Кишоварзони вилояти Хатлон дар 8 ҳазор гектар картошка кишт менамоянд
ҚУРБИ АСЪОР: 1 рубли русӣ аз 0.1185 то 0.1192 сомонӣ муқаррар шудааст
Ба «Трести чарогоҳу мелиоративӣ»-и Вазорати кишоварзии Тоҷикистон ду мошини махсуси чорвокашонӣ дастрас шуд
Кабк «Парандаи сол-2026» интихоб гардид
ИСТИФОДАИ САМАРАНОКИ ЗАМИН. Дар ноҳияи Ҷайҳун ҷамъоварии ҳосили сабзӣ аз кишти такрорӣ идома дорад
Дар Бонки миллии Тоҷикистон масъалаи сифати аудити берунаи ташкилотҳои суғуртавӣ баррасӣ гардид
Дар Душанбе татбиқи лоиҳаҳои муҳими стратегӣ дар соҳаи нақлиёт байни Тоҷикистон ва Чин баррасӣ гардид
«Саноатсодиротбонк» барои дастгирии соҳибкорӣ ва иқтисоди «сабз» «Иқдоми нав дар Соли нав»-ро роҳандозӣ менамояд
