Дабири кулли СММ иштирокчиёни форум оид ба иқлимро аз хатари «худкушии дастҷамъона» ҳушдор дод
ДУШАНБЕ, 21.07.2022 /АМИТ «Ховар»/. Дабири кулли СММ Антониу Гутерриш ба иштирокчиёни Муколамаи Петерсберг оид ба иқлим муроҷиат намуда, онҳоро аз таҳдиди «худкушии дастҷамъӣ» ҳушдор дод, хабар медиҳад АМИТ «Ховар» бо истинод ба Маркази хабарии СММ.
«Мо интихоб дорем, — гуфт ӯ. – Амали дастҷамъона ё худкушии дастҷамъона. Ҳама дар дасти мост».
Муколамаи Петерсберг оид ба иқлим бо ширкати вазирони ҳудуди 40 кишвари ҷаҳон рӯзи душанбе, 18 июл дар Берлини Олмон ифтитоҳ шуд. Суханронии Дабири кулли СММ бо ҳарорати рекордии баланд ва сӯхторҳои шадиди ҷангал дар бисёре аз кишварҳои Аврупо рост омад.
«Нисфи башарият зери хатари обхезиҳо, хушксолӣ, тӯфонҳои шадид ва сӯхторҳои ҷангал қарор дорад. Ҳеҷ кишваре аз ин эмин нест. Бо вуҷуди ин, мо вобастагии худро аз сӯзишвории истихроҷшаванда ҳанӯз ҳам нигоҳ медорем»,- гуфт Гутерриш дар паёми видеоӣ ба ҳозирин.
Антонио Гутерриш зикр кард, ки ҳашт моҳ пеш КС26 — Конфронси СММ оид ба иқлим ба поён расид — ва аз он вақт инҷониб вазифаи нигоҳ доштани гармшавии глобалӣ дар ҳудуди 1,5 дараҷа зери таҳдид қарор дорад.
Гутерриш аз роҳбарони ҷаҳон даъват кард, ки барои коҳиш додани партовҳои сӯзишвории истихроҷшуда неруҳоро муттаҳид кунанд ва аз кишварҳои пешрафта хост, ки ваъдаҳои худро барои маблағгузории тағйирёбии иқлим ва мутобиқ шудан ба таъсири он дар кишварҳои камдаромад иҷро намоянд.
«Маро бештар он нигарон кардааст, ки мо баробари рӯ ба рӯ шудан ба ин буҳрони ҷаҳонӣ наметавонем ҳамчун ҷомеаи байналмилалӣ якҷоя кор кунем. Кишварҳо ба ҷои ба уҳда гирифтани масъулият барои ояндаи дастҷамъонаи мо бозии айбдоркуниро идома медиҳанд. Мо наметавонем дар ҳамин руҳия корро идома диҳем»,- гуфт Дабири кулли СММ.
Акс: СММ
Ҳамкории Тоҷикистон бо ширкатҳои амрикоӣ дар соҳаи инноватсия ва технологияҳои рақамӣ вусъат меёбад
Тоҷикистон ҷонибдори рушди ҳамкории байниминтақавӣ дар соҳаи захираҳои гидроэнергетикӣ аст
Сертификатсияи стандартҳои ESG барои кормандони Вазорати молия бо намояндаи Nasdaq баррасӣ гардид
Дурнамои таҳкими ҳамкории дуҷониба байни Тоҷикистон ва Русия дар соҳаҳои энергетика ва нафту газ баррасӣ шуд
Дар Душанбе масоили технологияҳои молиявӣ ва навовариҳо ҳамчун муҳаррики сармоягузорӣ баррасӣ гардид
Афзалияти стратегии Тоҷикистон дар самтҳои идоракунии устувори молияи давлатӣ, молияи «сабз» ва иқлим дар Амрико баррасӣ гардид
Ҳайати Тоҷикистон дар ҷаласаи пленарии VIII Форуми байналмилалии «Ҳафтаи энергетикии Русия» иштирок намуд
Меҳргон иди кишоварзону олимон, иди фаровонӣ, шодию нишот, дӯстӣ, ваҳдату ягонагӣ ва меҳру садоқат аст
Дар шаҳри Гулистон Форуми сеюми ҷавонони ҳавзаи дарёи Сир баргузор гардид
Рушди ҳамкории Тоҷикистон ва Бонки ҷаҳонӣ дар доираи Стратегияи нави шарикӣ баррасӣ карда шуд
Валиаҳди Шоҳигарии Негери-Сембилани Малайзия: «Таваҷҷуҳи Роҳбарияти олии Тоҷикистон ба татбиқи лоиҳаи НБО-и «Роғун» шоистаи таҳсин аст»
Татбиқи лоиҳаҳои муштарак дар самтҳои афзалиятноки Тоҷикистон бо Корпоратсияи байналмилалии молиявӣ баррасӣ шуд
