ДАР ҚАЗОҚИСТОН ШУМОРАИ ҲОЛАТҲОИ ГИРИФТОРӢ БА КОРОНАВИРУС ЯКБОРА ЗИЁД ШУД. Маълумот оид ба вазъи сирояти COVID-19 дар кишварҳои Осиёи Марказӣ
ДУШАНБЕ, 13.07.2022 /АМИТ «Ховар»/. Дар Қазоқистон дар давоми шабонарӯзи гузашта 820 ҳолати нави сирояти коронавирус ба қайд гирифта шуд. Дар ин бора имрӯз, 13 июл АБИ «Казинформ» бо истинод ба Комиссияи байнидоравӣ оид ба пешгирии паҳншавии COVID-19 хабар дод.
Дар Қазоқистон ҳамагӣ 1 311 190 ҳолат тасдиқ гардидааст. Дирӯз иттилоъ расид, ки дар як шабонарӯз дар кишвар 482 ҳолати нави сирояти коронавирус ба қайд гирифта шуда, 343 нафар аз сирояти коронавирус шифо ёфтаанд.
Тавре Вазорати тандурустии Узбекистон хабар дод, ба ҳолати 12 июл, дар кишвар шумораи умумии гирифторони COVID-19 аз оғози пандемия ба 241 814 нафар расида, дар як шабонарӯзи охир 76 ҳолати нав сабт гардидааст.
Аксари гирифторон дар вилоятҳои Тошканд (19), Самарқанд (8) ва Сурхондарё (7) ба қайд гирифта шудаанд.
Дар як шабонарӯз 67 нафар гирифторони коронавирус (238 756 нафар аз оғози пандемия) шифо ёфтаанд.
Бино ба маълумоти Вазорати тандурустии Узбекистон, то имрӯз дар кишвар 60 264 895 воя ваксина истифода шудааст, ки аз ин миқдор 20 685 580 нафар вояи якум, 17 053 235 нафар вояи дуюм, 9 964 107 нафар ҷузъи сеюм (ваксинаи чинӣ-узбекии ZF-UZ-VAC2001 дар се вояи ворид карда мешавад) ва 12 551 973 нафар аҳолии Узбекистон вояи бустериро гирифтаанд.
Қаблан хабар дода шуда буд, ки дар Узбекистон аҳолӣ ба шаш ваксина, аз ҷумла «AstraZeneca», «ZF-UZ-VAC2001», «Sputnik V», «Moderna», «Pfizer» ва «Sinovac» дастрасӣ доранд. 3 августи соли 2021 дар ин кишвар қонун қабул карда шуд, ки заминаи ҳуқуқии эмкунии ҳатмии аҳолии қобили меҳнатро муқаррар мекунад.
Дар Қирғизистон, бино ба иттилои Раёсати пешгирии бемориҳо ва назорати давлатии санитарию эпидемиологӣ, дар давоми як шабонарӯз 39 ҳолати нави гирифторӣ ба COVID-19 ба қайд гирифта шудааст. Тибқи иттилои ин ниҳод, аз миёни ҳолатҳои ошкоршуда 27 нафар бо сабаби пайдо шудани аломатҳо муроҷиат кардаанд, 2 нафар аз хориҷа ворид гардидаанд (аз ИМА ва Қазоқистон омадаанд) ва 10 нафар ҳангоми санҷиши ПТР дар робита ба парвоз муайян карда шудаанд.
Ба ҳолати 13 июли соли 2022, тибқи матритсаи арзёбии хатар, ҳама вилоятҳои Қирғизистон дар минтақаи сабз қарор доранд. Аммо шумораи самараноки репродуктивӣ дар ҳафтаи охир зиёда аз 1 аст, ки аз оғози афзоиши беморӣ шаҳодат медиҳад.
Дар маҷмӯъ, аз оғози пандемия дар кишвар 201 282 ҳолати гирифторӣ ба қайд гирифта шуда, беморӣ ба 100 000 нафар аҳолӣ 3039,8 ҳолат ва 1,5 фоиз сатҳи фавтро ташкил медиҳад.
Дар 6 моҳу 12 рӯзи соли 2022 ҳамагӣ 16 534 ҳолати гирифторӣ ба COVID-19 ба қайд гирифта шудааст, ки аз онҳо 14 540 (87,9%) аз ҷиҳати лабораторӣ ва 1994 (12,1%) аз лиҳози клиникӣ ва эпидемиологӣ тасдиқ гардидаанд.
Дар Тоҷикистон дар шабонарӯзи охир ягон ҳолати сироятёбӣ ошкор нашудааст. Ба ҳолати 13 июл, дар маҷмӯъ 17 388 ҳолати беморӣ (+0), 124 фавт аз коронавирус (+0) ва 17 264 нафар шифоёфта (+0) ба қайд гирифта шудаанд.
5 263 527 нафар (94,0%) вояи аввал, 5 158 348 нафар (92,2%) вояи дуюм ва 4 104 007 нафар (73,3%) вояи сеюми ваксинаро аҳолии Тоҷикистон гирифтаанд.
Акрамхоҷа АКБАР,
АМИТ «Ховар»
26 СЕНТЯБР-РӮЗИ МАҶЛИСИ ОЛӢ. 24 Паёми Президенти Тоҷикистон «Дар бораи самтҳои асосии сиёсати дохилӣ ва хориҷии ҷумҳурӣ» ба ин мақоми олии намояндагӣ ва қонунгузор ироа гардидаанд
Имрӯз маҷлиси Ҳукумати Ҷумҳурии Тоҷикистон баргузор шуд
ТАЪРИХИ ПАЙДОИШИ МАМНУЪГОҲИ «БЕШАИ ПАЛАНГОН». Дар Осиёи Марказӣ нахустин шуда, маҳз дар Тоҷикистон мамнуъгоҳҳо ва парваришгоҳҳо ташкил шуданд
Ба Феҳристи мероси ҷаҳонии ЮНЕСКО ворид гардидани «Бешаи палангон» бозгӯи баланд гардидани мавқеи Тоҷикистон дар раддабандиҳои байналмилалӣ аст
МАЗРААИ ИФТИХОР: «Ҷангали туғайи мамнуъгоҳи Бешаи палангон» ба Феҳристи мероси умумиҷаҳонии ЮНЕСКО ворид карда шуд
Таъкидҳои муҳим аз суханронии Президенти Тоҷикистон Эмомалӣ Раҳмон дар мубоҳисаҳои умумии Иҷлосияи 78-уми Маҷмаи Умумии Созмони Милали Муттаҳид ба хотири таъмини сулҳ, амният, пешрафт ва тараққиёти байналмилалӣ
Абдухалил Ғафурзода: «Суханронии Президенти Тоҷикистон дар мубоҳисаҳои умумии иҷлосияи 78-уми Маҷмаи умумии СММ дастурамали мукаммал баҳри баҳамоӣ, ҳамгироӣ ва ҳамзистии кулли башарият аст»
ЧЕҲРАЕ МУНАВВАР ДАР САМОИ СИЁСАТИ ДАВРОН. Дар сиёсати хориҷии Тоҷикистон таҳким ва густариши ҳамкорӣ бо давлатҳои хориҷӣ бо номи Президенти мамлакат алоқаманд аст
Сарвари давлат: «Тоҷикистон барои истифодаи имкониятҳои логистикии худ, аз ҷумла шаш пул дар сарҳад, ҷиҳати идомаи расонидани кумакҳои башардӯстона ба мардуми Афғонистон шароити заруриро фароҳам овардааст»
Президенти Ҷумҳурии Тоҷикистон: «Обшавии босуръати пиряхҳо пажӯҳиш, ҷамъоварию коркарди маълумот ва ҳамкории амиқи байналмилалиро тақозо менамояд»
ХУШХАБАР! «Ҷангали туғайи мамнуъгоҳи Бешаи палангон» ба Феҳристи мероси умумиҷаҳонии ЮНЕСКО ворид гардид
