Дар Душанбе лоиҳаи «такмили таълими илмҳои табиӣ, технологӣ, муҳандисӣ ва математика дар мактабҳои миёна» баррасӣ шуд
ДУШАНБЕ, 23.07.2022. /АМИТ «Ховар»/. Зимни вохӯрии Вазири маориф ва илми Ҷумҳурии Тоҷикистон Раҳим Саидзода бо намояндаи Бонки Осиёии Рушд (БОР) ва роҳбари лоиҳаи (STEM) Шин Лонг лоиҳаи панҷсолаи «Такмили таълими илмҳои табиӣ, технологӣ, муҳандисӣ ва математика дар мактабҳои миёна» (STEM)-и солҳои 2023-2028 татбиқшаванда муҳокима гардид. Дар ин бора ба АМИТ «Ховар» дар маркази матбуоти Вазорати маориф ва илм хабар доданд.
«Мавзӯи лоиҳаи STEM хеле аҳамиятнок буда, ба афзалияти аз ҳама асосии соҳаи маориф ва илми Ҷумҳурии Тоҷикистон, яъне тавсияи омӯзиши илмҳои табиатшиносӣ, технологӣ, муҳандисӣ ва риёзӣ дар муассисаҳои таҳсилоти умумӣ ҷавобгӯй аст. Аз тарафи дигар, таҳия ва иҷрои чунин лоиҳа дар масъалаи ба ҳаёт татбиқ намудани ҳуҷҷатҳои муҳими давлатӣ, аз ҷумла Стратегияи миллии рушди Ҷумҳурии Тоҷикистон барои давраи то соли 2030, Стратегияи миллии рушди маорифи Ҷумҳурии Тоҷикистон барои давраи то соли 2030 ва Стратегияи омӯзиш ва рушди фанҳои табиатшиносӣ, дақиқ ва риёзӣ (ё ба истилоҳи байналмилалӣ STEM) кумак мерасонад. Инчунин лоиҳаи мазкур ба афзалияти нави иқтисодиёти миллии кишвар, ки аз тарафи Ҳукумати Тоҷикистон муайян шудааст, яъне саноатикунонии кишвар ва эълон гардидани Бистсолаи омӯзиш ва рушди фанҳои табиатшиносӣ, дақиқ ва риёзӣ хеле мувофиқ аст», — зикр гардид зимни суҳбат.
Бояд гуфт, ки татбиқи лоиҳаи «Такмили таълими илмҳои табиӣ, технологӣ, муҳандисӣ ва математика дар мактабҳои миёна» (STEM) дар истифодаи васеътари усулҳои муосири таълим барои беҳтар намудани таҷрибаи таълим ва баланд бардоштани дастрасӣ ба таҳсилот, аз ҷумла равиши илмӣ-технологӣ ва муҳандисию риёзӣ ва беҳтар намудани сифати инфрасохтори мактабҳои таҳсилоти умумӣ ва таҳкими низоми идоракунӣ дар системаи маориф ва илм мусоидат мекунад.
АКС: Маркази матбуоти Вазорати маориф ва илми Ҷумҳурии Тоҷикистон
МАСЛИҲАТИ РАВОНШИНОС. Чӣ тавр кӯдакро ба таҳсил ҳавасманд кардан мумкин аст?
«НАЗМУ ТАРТИБ ҲАР КУҶОЕСТ ПОЙДОР». Таҳти чунин унвон дар Донишгоҳи технологии Тоҷикистон ҳамоиш доир шуд
Бахшида ба Рӯзи Рӯдакӣ дар Донишгоҳи давлатии Кӯлоб ҳамоиш доир шуд
Гулнора Сулейманова дар даври шаҳрии Озмуни ҷумҳуриявии «Омӯзгори сол» сазовори ҷойи якум гардид
«ОМӮЗГОРИ СОЛИ ТОҶИКИСТОН-2024». Даври шаҳрии озмуни ҷумҳуриявӣ оғоз гардид
Хонандагони тоҷик дар Олимпиадаи кушоди ҷаҳонии астрономия иштирок доранд
Дар ноҳияи Рашт иншооти соҳаи маориф ба истифода дода шуданд
«ФУРӮҒИ СУБҲИ ДОНОӢ КИТОБ АСТ». Соли 2025 маблағи озмун 100 фоиз зиёд карда мешавад
«ЗАБОН ДОНӢ-ҶАҲОН ДОНӢ». Донишгоҳи байналмилалии забонҳои хориҷии Тоҷикистон таҳти ин унвон озмун эълон менамояд
ХАТИ ЗЕБО НИШОНАИ ДАРКИ МАСЪУЛИЯТ. Имрӯз дар бисёре аз муассисаҳои таълимӣ ба ин масъала чандон эътибори ҷиддӣ намедиҳанд
КВОТАИ ПРЕЗИДЕНТӢ. Тавассути он 118 нафар аз водии Рашт ба таҳсил фаро гирифта шуд
КВОТАИ ПРЕЗИДЕНТӢ. Тибқи он имсол аз ноҳияи Сангвор 11 духтар ба муассисаҳои олии Тоҷикистон дохил шуданд
