Дар Ҳисор машварати ҷумҳуриявӣ таҳти унвони «Як рӯз дар саҳро» баргузор гардид

Июль 7, 2022 15:49

ҲИСОР, 07.07.2022. /АМИТ «Ховар»/.  Бо ибтикори Вазорати кишоварзии Ҷумҳурии Тоҷикистон дар заминаи Ҷамъияти саҳомии шакли пӯшидаи «Агротехсервис»-и шаҳри Ҳисор бо иштироки намояндагони ду кишвари ба ҳам дӯст —  Беларус ва Тоҷикистон дар шаҳри Ҳисор машварати ҷумҳуриявӣ таҳти унвони «Як рӯз дар саҳро» доир гардид. Дар он Сафири Фавқулода ва Мухтори Ҷумҳурии Беларус дар Тоҷикистон Виктор Денисенко, муовини Вазири кишоварзии Тоҷикистон Зеваршоҳ Зеваршоев, муовини раиси шаҳри Ҳисор Нусратулло Аюбзода ва сардори ҶСП «Агротехсервис» Ҷалолиддин Нуралиев иштирок намуданд.  Дар ин бора ба хабарнигори АМИТ «Ховар» котиби матбуоти раиси  шаҳри Ҳисор Ҳидоятулло Холзода иттилоъ дод.

Меҳмонону роҳбарони сохторҳои кишоварзӣ, ки  бо иштироки намояндагони хоҷагиҳои ғаллапарварии вилояти Суғд, шаҳру ноҳияҳои Турсунзода, Ҳисор, Ваҳдат, Шаҳринав ва Рӯдакӣ дар Ҷамъияти дорои масъулияташ маҳдуди ба номи Латиф Муродов машварати намоиширо доир намуданд,  ҳамчунин  аз корхонаи истеҳсолии «Агротехсервис» дидан намуда, бо техникаю мошинолотҳои замонавии соҳаи кишоварзӣ шинос шуданд.

Дар доираи кори амалии семинар аз ҷониби мутахасисони Ҷумҳурии Беларус намоиши техникаи ғалладарави GS 200 истеҳсоли корхонаи «GOMSELMASH»  ва тарзи истифода намудани  он  барои ҷамъоварии ҳосили зироатҳои ғалладонагӣ ва хӯроки чорво намоиш дода шуд. Техникаи мазкур нисбат ба  комбайнҳои ғалладарави қаблӣ  хурдтар буда, барои истифода дар заминҳои хурду талу теппаҳо ва доманакӯҳ муфид мебошад.


Тибқи иттилои ихтирокорони беларусӣ,  ин намуд комбайн дар корхона ҳамагӣ ду адад истеҳсол шуда, як ададаш ба Тоҷикистон оварда шудааст ва дуюмаш дар Беларус мавриди санҷиш қарор дорад. Техникаи мазкур аз ҷиҳати хароҷоти сӯзишворӣ ва сифатнокии ҷамъоварии зироатҳо нисбат ба  техникаҳои қаблӣ бартариятҳои зиёд дошта, идоракунии он тариқи дастгоҳҳои замонавии электронӣ роҳандозӣ шудааст.

Иштирокчиёни машварат ба зарфиятҳои техникии комбайни нав баҳои баланд дода, истифодаи онро барои шароити Тоҷикистон манфиатовар маънидод карданд.

Бо шарофати сиёсати хирадмандонаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Беларус муҳтарам Александр Лукашенко муносибатҳо ба сатҳи сифатан нав баромада, ҳамкории тиҷоратии дуҷониба байни ду кишвар густариш меёбанд.

Дар доираи ҳамкорӣ  бо Ҷумҳурии Беларус ва иҷрои супориши Сарвари давлат ҷиҳати пурра ба таври механикакунонӣ гузаронидани  сохтори кишоварзӣ ҳамкорӣ  бо ширкатҳои истеҳсолии техника ва мошинолоти кишоварзии кишварҳои ҷаҳон, бахусус Ҷумҳурии Беларус таҳким меёбанд.

АКС: Мақомоти иҷроияи ҳокимияти давлатии шаҳри Ҳисор

Июль 7, 2022 15:49

Хабарҳои дигари ин бахш

Ҳамкории Тоҷикистон бо Фонди ОПЕК дар самти ҳифзи муҳити зист густариш меёбад
Дар Кӯлоб таҳти роҳбарии муовини Сарвазири Тоҷикистон Усмоналӣ Усмонзода ҷаласаи гурӯҳи корӣ доир шуд
Тоҷикистон ва ИМА таъсиси Шурои муштараки кориро баррасӣ намуданд
Дар Павилиони миллии Тоҷикистон дар COP31 чорабинии минтақавӣ баргузор гардид
ПАРЧАМИ ТОҶИКИСТОН — РАМЗИ ОЗОДӢ, ШАРАФ ВА ИФТИХОРИ МИЛЛАТ. Мулоҳизаҳо дар ин маврид
Дар Душанбе ҳамкории молиявии байналмилалӣ баррасӣ шуд
Байни сохторҳои мониторинги молиявии Тоҷикистону Русия ду санади ҳамкорӣ ба имзо расид
Дар доираи COP31 Тоҷикистон, Умон ва Непал роҳҳои ҳалли мушкилоти обу иқлимро баррасӣ карданд
Соли 2027 дар гузаргоҳи гумрукии ноҳияи Спитамен сохтмон ва насби таҷҳизоти сканкунии борҳо оғоз мегардад
Ҷаласаи 45-уми пленарии Гурӯҳи Авруосиё ба таъмини амнияти иқтисодию молиявӣ мусоидат менамояд
Ҳайати Тоҷикистон дар чорабинии сатҳи баланди вазирони Осиёи Марказӣ оид ба тағйирёбии иқлим иштирок намуд
Дар Фурудгоҳи байналмилалии Душанбе беш аз 3,5 кило маснуоти тиллоӣ мусодира карда шуд