ДАР ЛАХШ ПЕШ АЗ СОЛИ НАВИ ТАҲСИЛ БАРОИ ОМӮЗГОРОН КОРВОНИ САЛОМАТӢ ДОИР КАРДА МЕШАВАД. Роҳбарияти ноҳия пешниҳоди хабарнигори минтақавии АМИТ «Ховар»-ро пазируфт
ЛАХШ, 25.07.2022 /АМИТ «Ховар»/. Ноҳияи Лахш кӯҳистон буда, масофа миёни баъзе ҷамоатҳои деҳоташ то 100 километр дурӣ дорад. Аз ҳамин сабаб барои 1019 нафар омӯзгорони ноҳия мушкил аст, ки пеш аз оғози соли нави таҳсил аз ҳисоби худ аз нуқтаи назари табибон гузашта, дафтарчаи тиббӣ омода намоянд.
Аз ин хотир Раиси ноҳияи Лахш Файзулло Баротзода пешниҳоди хабарнигори минтақавии АМИТ «Ховар» Субҳониддини Маҳмудро ҷиҳати гузаронидани корвони саломатӣ барои омӯзгорон дар ҷамоатҳои деҳоти ноҳия ва пеш аз оғози соли нави таҳсил бо дафтарчаи тиббии санитарӣ таъмин гардидани омӯзгоронро қабул намуда, ба роҳбарияти сохтори тандурустии ноҳия барои сари вақт гузаронидани корвони саломатии омӯзгорон супоришҳои мушаххас дод.
Дар ин бора дар нишасти матбуотӣ иттилоъ дода шуд.
Дар нишасти матбуотӣ Раиси ноҳия Файзулло Баротзода зикр намуд, ки ҳаҷми умумии даромади кишоварзии ноҳияи Лахш дар шаш моҳи соли равон 32 миллиону 997 ҳазор сомониро ташкил дод, ки нисбат ба ҳамин давраи соли гузашта 109,8 ҳазор сомонӣ зиёд мебошад.
Бино ба гуфти Раиси ноҳия, соли равон картошкапарварони ноҳия дар заминҳои хоҷагии ёрирасон, наздиҳавлигӣ ва заминҳои сохтори кишоварзию хоҷагиҳои деҳқонӣ дар майдони умумии 5402 гектар картошка кишт намудаанд, ки айни замон нашъунамои хуб дорад.
Дар нишаст зикр шуд, ки дар асоси дастуру супоришҳои Пешвои миллат муҳтарам Эмомалӣ Раҳмон ҷиҳати дастгирии соҳибкорону кишоварзон ва эҳтиёҷмандон аз тарафи ҶСП «Аввалин бонки молиявии хурд», ФҚҲ «Эҳёи кӯҳистон», шуъбаи БДА «Амонатбонк» ва ФҚҲ «Боршуд» ба 1001 нафар сокинони ноҳия 10 миллиону 330,3 ҳазор сомонӣ қарзҳои бонкӣ дода шудаанд.
АКС: АМИТ «Ховар»
Дар Суғд ба муносибати Рӯзи дониш ҳамоиш доир гардид
Дар Рӯзи дониш бо иштироки муовини Сарвазири Тоҷикистон ҳамоиши тантанавӣ баргузор гардид
Вакили Маҷлиси намояндагон бо хонандагони муассисаҳои таълимии шаҳри Ҳисор вохӯрӣ намуд
РӮЗИ ДОНИШ ВА ДАРСИ СУЛҲ. Он падидаи иҷтимоӣ-фарҳангӣ ва омили таҳкими рушди устувори маориф аст
«БА ХОНАНДАГОН АХЛОҚИ НЕК ВА ОДОБУ РАФТОРИ НАМУНАВӢ МЕОМӮЗОНЕМ!». Бардошт аз оғози соли нави таҳсил
Дар ҳамаи муассисаҳои таълимии Тоҷикистон занги аввал садо дод
ИЛМ ОМӮЗЕД, СОҲИБКАСБУ ЗАБОНДОН ШАВЕД! Иқтибосҳо аз суханрониҳои Президенти Тоҷикистон ба муносибати таҷлили Рӯзи дониш
«МАКТАБ САБАБИ ҲАЁТ БОШАД…». Имрӯз дар тамоми муассисаҳои таълимӣ соли нави таҳсили 2025-2026 оғоз гардид
Дар Тоҷикистон то соли 2027 фарогирии кӯдакон ба таҳсили томактабӣ ба 33 фоиз расонида мешавад
Бо мақсади таъмин намудани рушди минбаъдаи муассисаҳои таҳсилоти ибтидоӣ ва миёнаи касбӣ 300 миллион сомонӣ ҷудо карда мешавад
Академияи сайёҳии Донишгоҳи байналмилалии сайёҳӣ ва соҳибкории Тоҷикистон таъсис дода мешавад
Дастаи Донишгоҳи техникии Тоҷикистон дар Чемпионати ҷаҳонии касбӣ сазовори ҷойи якум гардид
