Дар шаҳри Бӯстон филиали Агентии амнияти ядроӣ ва радиатсионӣ кушода мешавад
ДУШАНБЕ, 29.07.2022 /АМИТ «Ховар»/. Ҳафриёт ҷиҳати баррасии вазъи радиатсионии табиӣ дар минтақа аз ҷониби экспедитсияи Помир-Чақалтай идома меёбад ва умед ба он мебандем, ки сатҳи зиёнҳои радиатсионии минтақа ба аҳолӣ мавриди пажӯҳиш қарор бигирад. Аз ин хотир ба наздикӣ дар шаҳри Бӯстон филиали Агентии амнияти ядроӣ ва радиатсионӣ кушода мешавад, ки ҳадафи он насби таҷҳизоти муосири озмоишист. Дар замони муосир бидуни таҷҳизоти навин озмоишгоҳҳои илмӣ натиҷа намедиҳанд, иттилоъ дод имрӯз зимни нишасти матбуотӣ президенти Академияи миллии илмҳои Тоҷикистон Фарҳод Раҳимӣ.
Ба гуфтаи Ф. Раҳимӣ, аксар олимони тоҷик дар айни замон дар экспедитсияҳои таҳқиқотӣ қарор доранд. Дар масъалаи ҳафриёт бояд тазаккур дод, ки дар ҳафриёти Карон бозёфтҳои нодир дастрас шуданд ва бостоншиносон дар Фархор, Кангурттут, Тахти Сангин ва соири манотиқи кишвар ҳафриёти илмӣ анҷом медиҳанд.
Дар нишаст зикр шуд, ки дар шашмоҳаи якуми соли 2022 олимони Академияи миллии илмҳо таҳқиқотро аз рӯйи 111 мавзӯъ, аз ҷумла 68 мавзӯи илмӣ-таҳқиқотии бунёдӣ, 15 мавзӯи илмӣ-таҳқиқотии амалӣ ва 28 мавзӯи илмӣ-таҳқиқотии бунёдию амалӣ идома дода, натиҷаҳои назаррас ба даст оварданд. Дар давраи ҳисоботӣ аз тарафи олимони Академияи миллии илмҳо 10 нахустпатенти Ҷумҳурии Тоҷикистон ва 4 шаҳодатномаи бақайдгирии давлатии захираи иттилоотӣ ба даст оварда шуд.
Дар соҳаи астрофизика бо истифода аз технологияҳои муосири компютерӣ мушоҳидаҳои метеорҳо, кометаҳо, астероидҳо ва пораҳои ҳамсафарҳои сунъии Замин гузаронида шуданд. Астероидҳои наздизаминии дорои табиати кометавӣ ошкор карда шуданд. Натиҷаҳои ин таҳқиқот барои ҳал кардани масъалаҳои хатари астероидҳову кометаҳо ба Замин ва киштиҳои кайҳонӣ муҳим мебошанд.
Аз тарафи олимони зилзилашинос (сейсмологҳо) бо истифодаи технологияҳои навтарини системаҳои иттилоотии географӣ (ГИС) харитаи арзёбӣ кардани хатарнокии сейсмикии марзи Тоҷикистон тартиб дода шудааст, ки ба ошкор намудани ҷойи пайдоиши фурӯравиҳо ва ярч ҳангоми заминҷунбиҳо имкон медиҳад.
Дар ин давра аз тарафи олимони Академияи миллии илмҳо 10 нахустпатенти Ҷумҳурии Тоҷикистон ва 4 шаҳодатномаи бақайдгирии давлатии захираи иттилоотӣ ба даст оварда шуд.
Раъно НУСРАТУЛЛОЕВА,
АМИТ «Ховар»
АКС: АМИТ «Ховар»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
Дар Озмуни байналмилалии «Санъати китоб» «Шоҳнома»-и Абулқосим Фирдавсӣ сазовори Шоҳҷоиза гардид
35 СОЛИ СОҲИБИСТИҚЛОЛӢ. Дар Тоҷикистон соли 1991 танҳо 15 театр фаъолият мекард
«Эмомалӣ Раҳмон — муаррифгари таърихи ниёгон ва тамаддуни навини тоҷикон». Таҳти ин унвон китоб ба нашр расид
Дар шаҳри Душанбе маҳфили «Шоҳномахонӣ» баргузор шуд
«ТОҶИ СОМОН». Қабули филмҳо барои иштирок дар синамоҷашнвораи миллӣ то 15 сентябр идома меёбад
«МОДАРНОМА». Дар Осорхонаи миллӣ намоиши асарҳои Рассоми халқии Тоҷикистон Сабзаалӣ Шариф ифтитоҳ ёфт
СОТИМ УЛУҒЗОДА ВА ҚАДРШИНОСИИ ПЕШВОИ МИЛЛАТ. Эҳдо ба 115-солагии Нависандаи халқии Тоҷикистон Сотим Улуғзода
Дар Душанбе китоби «Президент сказал: Любите!…» рӯнамоӣ гардид
