Дар Швейтсария тадбирҳои Ҳукумати Тоҷикистон дар самти пешгирии таъсири хавфҳои эҳтимолӣ ба иқтисоди миллӣ муаррифӣ шуданд
ДУШАНБЕ, 06.07.2022 /АМИТ «Ховар»/. Дар шаҳри Бад-Рагази Швейтсария дар ҳошияи ҷаласаҳои солонаи Гурӯҳи Электорати Хазинаи байналмилалии асъор (ХБА) нишасти асосии Гурӯҳи Электорат баргузор гардид, ки дар он ҳайати расмии Ҷумҳурии Тоҷикистон иштирок намуд. Дар ин бора ба АМИТ «Ховар» дар Бонки миллии Тоҷикистон иттилоъ доданд.
Нишасти мазкурро раиси Шӯрои мудирон ва ҳамзамон раиси Бонки миллии Швейтсария ҷаноби Томас Йордан, директори ХБА хонум Кристалина Георгиева, ноиби Президенти Бонки ҷаҳонӣ хонум Анна Бйерде ҳусни ифтитоҳ бахшиданд.
Гурӯҳи Электорат ва ҳозирин бештар дар атрофи омилҳои кӯтоҳмуддат ва дарозмуддат ва таъсири онҳо ба иқтисоди ҷаҳонӣ, низоми молиявӣ ва тиҷорат, рушди устувор, беҳтар кардани сатҳи накуаҳволии аҳолӣ мубодилаи афкор намуданд.
Ҳозирин ҳамзамон масоили таъсири кишварҳои ҷудогона ба иқтисоди ҷаҳонӣ, интизориҳои таваррумӣ ва роҳҳои пешгирӣ кардани хавфҳои иқтисодиро мавриди баррасӣ қарор доданд.
Дар нишасти Гурӯҳи Электорати ХБА Раиси Бонки миллии Тоҷикистон Ҳоким Холиқзода доир ба вазъи иқтисодӣ ва низоми бонкӣ ва тамоюлҳои ҷойдошта, тадбирҳои андешидаи Ҳукумати мамлакат дар самти пешгирии таъсири хавфҳои эҳтимолӣ ба иқтисоди миллӣ, таъсири омилҳои беруна ба устувории молиявӣ ва низоми бонкӣ, лаппишҳои қурбӣ ва хавфҳои асъорӣ сухан намуд.
Ҳоким Холиқзода Гурӯҳи Электоратро барои ҳамкории самаранок ва дастгирии кишварҳои узви Электорат миннатдорӣ намуда, изҳори умед намуд, ки мулоқоти мазкур барои тақвияти ҳамкории судманди тарафайн такони ҷиддӣ хоҳад бахшид.
Мавсуф аз Гурӯҳи Электорат барои доир кардани Ҷаласаҳои солонаи ХБА ва Гурӯҳи Бонки ҷаҳонӣ дар соли 2026 дар Ҷумҳурии Тоҷикистон даъват кард.
Гурӯҳи Электорати ХБА имсол 30-солагии худро таҷлил мекунад. Чун қоида, аъзои Гурӯҳи Электорати Бреттон Вудси Швейтсария ҳар ду сол берун аз ҷаласаҳои муқаррарии мудирони ХБА ва Бонки ҷаҳонӣ дар як кишвари ҳавза ҷамъ меоянд. Дар баробари Швейтсария ба ин гурӯҳ Озарбойҷон, Қазоқистон, Қирғизистон, Лаҳистон, Сербия, Тоҷикистон, Туркманистон ва Узбекистон шомил мебошанд.
АКС: Бонки миллии Тоҷикистон
Истеҳсоли барқ дар Тоҷикистон ба ҳаҷми оби дарёҳо, шароити ҳаво ва дигар омилҳои табиӣ вобаста аст. Шарҳи коршинос дар ин маврид
ЯХОБМОНӢ-ЗАХИРАИ НАМӢ БАРОИ СОЛИ ОЯНДА. Ин тадбири муҳим дар Тоҷикистон аз охири моҳи ноябр то моҳи феврал гузаронида мешавад
НОРАСОИИ НЕРУИ БАРҚ-МУШКИЛИИ МИҚЁСИ ҶАҲОНӢ. Сабаби асосии он тағйироти иқлим ба ҳисоб меравад
Ҳунарманди муҳрабоф Заррина Сайфиддинова бо маблағи гранти президентӣ маркази омӯзишӣ таъсис медиҳад
Бо масъулони соҳаи молия ва андоз дар шаҳри Бохтар ҷаласа баргузор шуд
Панелҳои офтобӣ дар таъмини энергияи «сабз» чӣ аҳамият доранд?
Дар Тоҷикистон «Барномаи миллии бехатарии авиатсияи гражданӣ барои солҳои 2025-2030» татбиқ мегардад
Ҳайати Тоҷикистон дар Конфронси дуюми ҷаҳонӣ оид ба истифодаи маълумот барои таҳкими чораҳои зиддикоррупсионӣ иштирок намуд
Дар Вазорати молияи Тоҷикистон бахшида ба Рӯзи кормандони мақомоти молия ҳамоиши идона доир шуд
Барои татбиқи лоиҳаи «Кам намудани талафоти неру» созишномаҳои қарзӣ ва грантӣ ба имзо расиданд
ҚУРБИ АСЪОР: 1 рубли русӣ аз 0.1200 то 0.1180 сомонӣ муқаррар шудааст
Доир ба Форуми дуюми байналмилалии соҳаи саноати маъданҳои кӯҳӣ-металлургии Тоҷикистон брифинг баргузор шуд
