Дар вилояти Суғд ҳаҷми истеҳсоли маҳсулоти саноатӣ ба 11,1 млрд сомонӣ расонида шуд
ДУШАНБЕ, 20.07.2022 /АМИТ «Ховар»/. Дар шаш моҳи соли равон ҳаҷми истеҳсоли маҳсулоти саноатӣ дар вилояти Суғд ба 11,1 млрд сомонӣ ва суръати афзоиш бо назардошти индекси нархҳо ба 123,8 фоиз расонида шуд, зикр намуд Раиси вилояти Суғд Раҷаббой Аҳмадзода 19 июл зимни нишасти матбуотӣ.
Тавре АМИТ «Ховар» бо истинод ба Хадамоти матбуоти Раиси вилояти Суғд хабар медиҳад, таваҷҷуҳи асосӣ ба истеҳсоли маҳсулоти воридотивазкунанда ва ба содирот нигаронидашуда равона гардида, дар ин давра ба миқдори 646,1 ҳазор тонна семент ва 695,3 ҳазор тонна ангишт истеҳсол карда шудааст. Ҳамзамон нисбат ба ҳамин давраи соли 2021 суръати афзоиши истеҳсоли нахи пахта 144,9 фоиз ва газвори пахтагини тайёр 105,7 фоиз таъмин гардид.
Давоми шаш моҳи соли равон 9 корхонаю коргоҳи нави дӯзандагӣ бо 194 ҷойи нави корӣ ва коргоҳи истеҳсоли пойафзол бо 30 ҷойи корӣ таъсис дода шуда, дар корхонаҳои дӯзандагии вилоят дар ин давра ба маблағи 152,4 млн сомонӣ маҳсулот истеҳсол шудааст, ки нисбат ба ҳамин давраи соли қаблӣ ба маблағи 23,1 млн сомонӣ зиёд аст. Барои дар соли таҳсили 2022-2023 бо сарулибоси мактабӣ таъмин намудани муассисаҳои таълимии шаҳру ноҳияҳои вилоят аз ҷониби корхонаҳои дӯзандагӣ дар ин давра 392 ҳазору 536 дона либоси мактабӣ дӯхта шуда, суръати афзоиш нисбат ба ҳамин давраи соли қаблӣ 138,1 фоиз таъмин гардидааст.
Дар моҳҳои январ-июни соли равон 10 корхонаю коргоҳи пойафзолдӯзӣ истеҳсоли пойафзолро ба 254,7 ҳазор ҷуфт расониданд, ки нисбат ба ҳамин давраи соли гузашта 72,2 ҳазор ҷуфт зиёд аст.
Дар нишаст зикр шуд, ки ҳаҷми истеҳсоли маҳсулоти кишоварзӣ дар ҳамаи шаклҳои хоҷагидории вилоят ба 3 миллиарду 365,2 млн сомонӣ расонида шуд, ки ба 112,1 фоизи нишондиҳандаи ҳамин давраи соли 2021 баробар мебошад.
Содироти маҳсулот аз вилоят дар ин давра 519,8 млн долларро ташкил намуд, ки нисбат ба ҳамин давраи соли сипаришуда 243,9 млн доллар ё 1,9 фоиз зиёд мебошад.
Раъно НУСРАТУЛЛОЕВА,
АМИТ «Ховар»
АКС: Хадамоти матбуоти Раиси вилояти Суғд
Тавсеаи ҳамкории иқтисодӣ, молиявӣ ва сармоягузории Тоҷикистон бо Амороти Муттаҳидаи Араб баррасӣ гардид
Ҳамкории Тоҷикистон ва Амороти Муттаҳидаи Араб дар соҳаи сайёҳӣ густариш меёбад
Дар ноҳияи Ҷалолиддини Балхӣ ҳаҷми истеҳсоли маҳсулоти кишоварзӣ 946 миллион сомониро ташкил дод
Рушди ҳамкорӣ дар самти заминсозӣ ва кадастри замин баррасӣ гардид
Ҳаҷми гардиши мутақобили мол байни Тоҷикистон ва Амороти Муттаҳидаи Араб беш аз 2 баробар афзудааст
Корхонаҳои саноатии вилояти Хатлон ба маблағи беш аз 5 миллиард сомонӣ маҳсулот истеҳсол намудаанд
Ҳамкории Тоҷикистон ва Амороти Муттаҳидаи Араб дар соҳаи авиатсияи гражданӣ баррасӣ шуд
Агентии рейтингии байналмилалии «Standard & Poor’s» ба дастовардҳои иқтисодии Тоҷикистон баҳои сазовор дод
Ҳамкории Тоҷикистон ва Русия дар соҳаи нафту газ тақвият меёбад
Гузариш ба гардиши ҳуҷҷатҳои электронӣ қадами муассир дар самти беҳтарнамоии фаъолияти сохторҳои давлатӣ аст
Тоҷикистон ва Британияи Кабир дар соҳаи инноватсия ва технологияҳои иттилоотӣ ҳамкорӣ менамоянд
Тоҷикистон ва Иттиҳоди Аврупо ҳамкориро дар бахшҳои мошинсозӣ, дорусозӣ ва истихроҷи маъдан густариш медиҳанд
