Хонандагони тоҷик дар Олимпиадаи байналмилалии «ISTEM GRAND FINAL – 2022» соҳиби 11 медал шуданд
ДУШАНБЕ, 25.07.2022. /АМИТ «Ховар»/. 6 нафар хонандагони МДТ «Литсей барои хонандагони болаёқат» дар шаҳри Хуҷанд дар олимпиадаи байналмиллалӣ аз фанҳои дақиқ — табиатшиносӣ, математика ва технологияи иттилоотӣ дар шаҳри Франкфурти кишвари Олмон иштирок намуда, 4 медали тилло, 4 нуқра, 3 биринҷӣ ва 1 ҷойи ифтихорӣ ба даст оварданд, иттилоъ медиҳад АМИТ «Ховар» бо истинод ба маркази матбуоти Раиси шаҳри Хуҷанд.
Тавре АМИТ «Ховар» қаблан иттилоъ дода буд, хонандагони литсейи мазкур ҳамагӣ муҳассили синфи 9 буда, дар асоси фармоиши Вазири маориф ва илми Ҷумҳурии Тоҷикистон 19 июл ҷиҳати иштирок дар олимпиадаи байналмилалӣ ба шаҳри Франкфурт сафарбар гардида буданд.
Дар натиҷаи озмун онҳо маҳорати хуб нишон дода, Ҳасанов Сафархон, Аҳророва Ясминахон, Негматуллоев Акмалҷон аз фанни математика ва Мамадҷонов Меҳроҷ аз фанни табиатшиносӣ — ҷойи аввал ва медали тилло, Маъсумова Фарина ва Саидаҳматзода Салимбек аз фанни математика ва табиатшиносӣ — ҷойи 2-ю ва медалҳои нуқра, Ҳасанов Сафархон, Аҳророва Ясмина, Мамадҷонов Меҳроч аз фанни табиатшиносӣ — ҷойи 3-юм, медали биринҷӣ ва Негматуллоев Акмалҷон аз фанни табиатшиносӣ ҷойи ифтихориро соҳиб шуданд.
Дар умум дастаи олимпии Тоҷикистон дар ин олимпиадаи фаннии сатҳи ҷаҳонӣ 12 ҷойи ифтихориро соҳиб гардид, ки ин натиҷаи беҳтарин миёни 93 кишвари олам ва қариб 8 ҳазор иштирокчиёни озмун ба шумор меравад.
Ёдовар мешавем, ки Олимпиадаи мазкур 19-24 июл дар шаҳри Франкфурти кишвари Олмон миёни хонандагони синфҳои 3-11 гузаронида шуда, хонандагони Литсей дар категорияи хонандагони синфҳои болоӣ дар ин олимпиада иштирок намуданд.
Ин хонандагони боистеъдод — ғолибони олимпиадаи байналмилалӣ инчунин 25-27 июли соли равон дар Форуми математикони ҷавони ҷаҳон, ки дар шаҳри Парижи кишвари Фаронса баргузор мегардад, иштирок ва Тоҷикистонро муаррифӣ мекунанд.
Олимпиадаи байналмилалии фаннии «ISTEM — GRAND FINAL 2022» 20 сол қабл аз ҷониби ҷоизадори Ҷоизаи Нобел- физики машҳури амрикоӣ Карл Вейман ва Донишгоҳи Колорадои Штатҳои Муттаҳидаи Амрико созмон дода шуда, ба ҳаракати олимпии ин олимпиадаи фаннии байналмилалӣ беш аз 93 кишвари олам шомиланд.
АКС: Хадамоти матбуоти Раиси шаҳри Хуҷанд
Аҳлиддин Ибодуллозода: «Тарбияи насли нави ваҳдатофару ваҳдатсаро аз омӯзгорон – меъморони руҳи инсон вобаста аст»
«БЕҲТАРИН ОМӮЗГОР». Фотима Сайдализода дар Озмуни байналмилалии таҳқиқотӣ сазовори дипломи дараҷаи I гардид
Марҳалаи якуми озмуни довталабон барои дарёфти Стипендияи байналмилалии «Дурахшандагон» доир гардид
Байни Донишгоҳи давлатии Бохтар ва Донишгоҳи забонҳои хориҷии Сиани Чин Ёддошти тафоҳум ба имзо расид
Ҳамкорӣ байни муассисаҳои таҳсилоти олии Тоҷикистон ва Узбекистон таҳким меёбад
Дар шаҳри Хуҷанд ғолибони олипиадаҳо ва омӯзгорони беҳтарин қадршиносӣ шуданд
Донишгоҳи давлатии ҳуқуқ, бизнес ва сиёсати Тоҷикистон бо Донишгоҳи давлатии забонҳои хориҷии Сиани Чин лоиҳаҳои инноватсиониро амалӣ менамоянд
Устодони Донишгоҳи техникии Тоҷикистон дар Форуми табодули истеъдодҳои Осиёи Марказӣ иштирок доранд
«Барномаи давлатии рушди таҳсилоти томактабӣ дар Ҷумҳурии Тоҷикистон барои солҳои 2026–2030» муҳокима гардид
Таҳти унвони «Эмомалӣ Раҳмон — қаҳрамони ваҳдати тоҷикон» дар Донишгоҳи давлатии омӯзгории Тоҷикистон ҳамоиш доир шуд
Маркази таълимии забони кореягии Донишгоҳи технологии Тоҷикистон мутахассисони забондонро омода менамояд
35-СОЛАГИИ ИСТИҚЛОЛИ ДАВЛАТӢ. Дар Бадахшон сохтмони 17 бинои муассисаи таълимӣ идома дорад
