Кумитаи андоз ба блогерон: андоз супоред!

Июль 16, 2022 13:25

ДУШАНБЕ, 16.07.2022 /АМИТ «Ховар»/. Аксари блогерони тоҷик дидаву дониста аз пардохти андоз саркашӣ мекунанд. Дар ин бора 14 июл зимни нишасти матбуотӣ сардори Раёсати ташкили андозбандии Кумитаи андози назди Ҳукумати Ҷумҳурии Тоҷикистон Шамсулло Кабирзода изҳор дошт.

Ба гуфтаи ӯ, «ситораҳои интернет» аз мушкилоти қонунгузорӣ истифода мекунанд, аммо вақти вақти онҳо низ ба зудӣ фаро мерасад.

Кабирзода таъкид кард, ки мақомот хуб медонанд, кӣ чӣ қадар даромад ба даст меорад, аммо санадҳои меъёрии ҳуқуқӣ имкон намедиҳанд, ки блогеронро дуруст андозбандӣ намоянд.

«Мо ҳоло таҷрибаи кишварҳои дигарро дар ин замина омӯхта истодаеи ва қонунҳоро такмил хоҳем дод. Чаро як кас бояд [барои даромадҳояш андоз] пардохт кунаду дигаре не?!» – иброз намуд намояндаи Кумитаи андози Тоҷикистон.

Ӯ инчунин тазаккур дод, ки блогерҳо аллкай миллионҳо сомонӣ андоз пардохт кардаанд. Аз аввали соли 2022 дар кишвар 32 нафар «ситораҳои интернетӣ» ба унвони шахси воқеӣ сабти ном шуда, ба хазина маблағи калон ворид кардаанд.

«Гузоришҳои блогерон то муҳлати охирини пешниҳоди эъломия 18 миллион сомонӣ даромади андозбандишавандаро нишон доданд», — афзуд Кабирзода.

Ёдовар мешавем, ки «ситораҳо»-и шабакаҳои иҷтимоии Тоҷикистон муваззаф буданд, то 1 апрел ҳуҷҷатҳоро ба идораи андоз пешниҳод кунанд. Дар эъломияи онҳо бояд маблағи даромадро нишон медоданд. Инчунин бояд зикр кард, ки ҳама гуна даромаде, ки шахсони воқеӣ ба даст меоранд, новобаста аз намуди фаъолият, андозбандӣ мешавад.

Тавре ба хабарнигори АМИТ «Ховар» маълум гардид, акнун ҳар кас метавонад дар YouTube, Instagram ва дигар шабакаҳои иҷтимоӣ блог таъсис диҳад ва дар он ҷо бо аудиторияи худ муошират кунад. Инро аксарият медонанд.

Тавре блогерони тоҷик ба хабарнигори АМИТ «Ховар» иброз намуданд, даромади воқеие, ки ҳар як блогери навкор метавонад ба он умед кунад, дар як моҳ аз чандсад то ҳазор доллари амрикоиро ташкил медиҳад, аммо барои расидан ба ин сатҳи даромад на кам аз як сол лозим аст.

Вале блогерҳои «ситора» шартномаҳои таблиғотӣ мебанданд, тариқи барномаҳои шарикӣ пул кор мекунанд, маҳсулотро таҳти тамғаи шахсӣ мефурӯшанд ва дар як моҳ аз 5 то чандсад ҳазор доллар ба даст меоранд. Дуруст аст, ки чунин даромадро устувор номидан нашояд, зеро агар мавод ёфта натавонед ва теъоди муштариёни ъхудро аз даст додед, даромад ҳам аз даст мероавад…

АКС барои шарҳ аз бойгонӣ

Июль 16, 2022 13:25

Хабарҳои дигари ин бахш

Вазири кишоварзии Тоҷикистон вобаста ба тақвияти корҳои саҳроӣ бо деҳқонони шаҳри Конибодом суҳбат намуд
Дар шаҳри Хоруғ корхонаи истеҳсоли ҳасиб бунёд мегардад
Дар Суғд барои дарёфти грантҳои раиси вилоят озмун баргузор мешавад
Дар Эстония Хонаи савдои Тоҷикистон таъсис дода мешавад
Намояндагони Тоҷикистон дар «Аirspace world 2024» дар Женева иштирок намуданд
Роҳбари хоҷагии деҳқонии «Бобои Носир»: «Истифодаи оқилонаи 7,5 гектар замин ва даромад аз он дар баланд гардидани сатҳи зиндагии 5 оила мусоидат намуд»
Деҳқонони ноҳияи Мастчоҳ имсол дар майдони зиёда аз 23 ҳазор гектар кишту парвариши зироати кишоварзиро ба нақша гирифтаанд
Дар шаҳри Хуҷанд Намоишгоҳи X байналмилалии савдо «Суғд-2024» доир мегардад
«РОҲ БА СӮИ ТИЁНШОН». Душанбе охири моҳи май мизбони конфронси байналмилалӣ мегардад
Соли 2023 ба буҷети шаҳри Гулистон аз ҳисоби хизматрасонии сайёҳӣ ва табобатӣ зиёда аз 40 миллион сомонӣ ворид шуд
Ҳоҷагидорони Кооперативи истеҳсолии «Сомон-Бохтар»-и ноҳияи Кӯшониён майдони парвариши лимӯро васеъ менамоянд
Сардхонаи муосири деҳоти «Файзи Истиқлол»-и ноҳияи Кӯшониён ба аҳолӣ хизмат мерасонад