Нархи чипта барои аввалин қатора аз Тоҷикистон ба Русия эълон гардид
ДУШАНБЕ, 20.07.2022 /АМИТ «Ховар»/. Нархи чиптаи қатора аз Душанбе ба Волгоград тақрибан 1,4-1,5 ҳазор сомониро ташкил медиҳад. Дар ин бора муовини сардори Хадамоти бехатарии қатораҳои вилояти Хатлон Зоиршо Файзуллоев зимни нишасти матбуотӣ хабар дод, иттилоъ медиҳад АМИТ «Ховар» бо истинод ба Агентии «Sputnik».
«Агар чипта як моҳ пештар харида шавад, 200-300 сомонӣ арзонтар мешавад»,-зикр кард ӯ. Ба гуфтаи Файзуллоев, рӯзҳои наздик фурӯши чиптаҳои қатора аз Душанбе ба Волгоград оғоз мегардад.
Қаблан аз маркази матбуоти Корхонаи воҳиди давлатии «Роҳи оҳани Тоҷикистон» ба АМИТ «Ховар» иттилоъ доданд, ки аз 30 август ҳаракати қатораҳои мусофирбарӣ миёни Тоҷикистон ва Русия роҳандозӣ мешавад. Дар ин рӯз аввалин қатора аз Душанбе ба Волгоград меравад. Мусофирон рӯзҳои сешанбе аз ин самт истифода бурда метавонанд ва бозгашт аз шаҳри Русия ба пойтахти Тоҷикистон рӯзҳои ҷумъа имконпазир мешавад.
Дарозии роҳ тақрибан 2,5 шабонарӯзро дар бар мегирад. Сафар ҳар ҳафта сурат хоҳад гирифт. Ғайр аз ин, қатора дар самти Волгоград ва Хуҷанд ҳаракат мекунад. Он тирамоҳ, 7 сентябр ба роҳ монда мешавад. Корхонаи воҳиди давлатии «Роҳи оҳани Тоҷикистон» тавзеҳ дод, ки пас аз танаффуси дусола ҳаракати қатораи мусофирбар ба роҳ монда мешавад. «Ин тасмим дар ҷараёни сафари раиси КВД РОТ ба Русия ва мулоқоти ӯ бо роҳбарияти «Роҳи оҳани Русия» гирифта шудааст», — гуфтанд дар ин ниҳод.
Ёдовар мешавем, ки ҳаракати қатораи мусофирбар миёни Русия ва Тоҷикистон шурӯъ аз 16 марти соли 2020 бинобар хатари паҳншавии коронавирус муваққатан манъ гардида буд.
Акс: «Роҳи оҳани Тоҷикистон»
ПУЛИ САРМОЯГУЗОРӢ. Дар чорабинии канорӣ роҳҳои ҷалби захираҳои молиявӣ баррасӣ карда шуданд
Дар ноҳияи Деваштич дар 7070 гектар картошка кишт карда мешавад
Нигина Анварӣ: «Фонди махсуси навсозии системаҳои ирригатсионии Осиёи Марказӣ ташкил карда шавад»
Олег Кобяков: «Конфронси Душанбе ба таҳияи барномаи нави Созмони озуқаворӣ ва кишоварзӣ мусоидат мекунад»
Дар Душанбе оид ба Стратегияи рақамии дигаргунсозии системаҳои агроозуқаворӣ ҷаласа доир шуд
Раймунд Йелле: «Тоҷикистон дар масъалаҳои обу иқлим нақши муҳим дорад»
Директори Агентии инноватсия ва технологияҳои рақамӣ бо намояндагони пешбари ширкатҳои технологии чинӣ вохӯрӣ намуд
Дар ноҳияи Ҷайҳун ҷамъоварии ҳосили пиёзи барвақтӣ идома дорад
Доир ба робитаи байни захираҳои обӣ, энергетика, озуқаворӣ ва экосистемаҳо дар Аврупо ва Осиёи Марказӣ ҷаласа баргузор шуд
Дар Брюссел ҳамкории Тоҷикистон ва Белгия дар соҳаи андоз баррасӣ гардид
Мудири кулли ФАО: «Дар самти истифодаи самараноки захираҳои табиии обу замин бояд оқилона муносибат кард»
