Ректори ДДОТ Аҳлиддин Ибодуллозода: Таваҷҷуҳи духтарон ба ихтисосҳои омӯзгорӣ натиҷаи сиёсати хирадмандонаи Пешвои миллат аст
ДУШАНБЕ, 22.07.2022 / АМИТ «Ховар»/. Имсол Донишгоҳи давлатии омӯзгории Тоҷикистон ба номи Садриддин Айниро тибқи маълумоти омории Маркази миллии тестии назди Президенти Ҷумҳурии Тоҷикистон аз рӯи интихоби якум 4 ҳазору 341 нафар довталаб интихоб намудаанд, ки дар қиёс ба солҳои қаблӣ зиёдтар мебошад. Ин дар ҳолест, ки нақшаи қабули соли таҳсили 2022-2023 дар донишгоҳ 2405 нафар мебошад. Дар ин бора ба АМИТ «Ховар» дар донишгоҳи мазкур хабар доданд.
Ректори Донишгоҳи давлатии омӯзгории Тоҷикистон Аҳлиддин Ибодуллозода иброз дошт, ки «махсусан духтарон ҳангоми интихоби ихтисосҳо бартариро ба ихтисосҳои омӯзгории ин донишгоҳ додаанд, ки ин шаҳодати боло рафтани мақому мартабаи омӯзгор дар ҷомеа ва таваҷҷуҳи бештари ҷавонон, хусусан духтарон ба касби омӯзгорӣ дониста мешавад».
Аҳлиддин Ибодуллозода таваҷҷуҳи бештари духтаронро ба ихтисосҳои омӯзгорӣ натиҷаи сиёсати хирадмандонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон нисбат ба занону духтарон ва дастгирии ин қишри муҳими ҷомеа аз сиёсати маорифпарваронаи Сарвари давлат арзёбӣ намуд.
Бартарии ихтисосҳои омӯзгорӣ бозгӯи нуфузи бештар пайдо намудани Донишгоҳи давлатии омӯзгории Тоҷикистон миёни довталабон ва дигар муассисаҳои таҳсилоти олии касбии мамлакат аст. Дар натиҷа имсол донишгоҳро ду баробар бештар нисбат ба нақшаи қабул довталабон интихоб намудаанд.
Ҳоло дар муассисаҳои таҳсилоти миёнаи умумии мамлакат омӯзгорон намерасанд.
Тавре қаблан АМИТ «Ховар» иттилоъ дод, зимни ҷаласаи навбатии Ситод оид ба таъмини муассисаҳои таҳсилоти умумӣ бо омӯзгорони касбӣ дар толори Вазорати маориф ва илми Ҷумҳурии Тоҷикистон Вазири маориф ва илм Раҳим Саидзода аз дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон дар самти таъмини муассисаҳои таълимӣ бо кадрҳои соҳибихтисос ёдовар шуда, зикр кард, ки таъмини муассисаҳои таълимии ҷумҳурӣ бо кадрҳои омӯзгорӣ яке аз масъалаҳои асосӣ дар соҳаи маориф маҳсуб шуда, ба раванди бомаром ва муваффақонаи таълиму тарбия ва баланд бардоштани сатҳи дониши хонандагон алоқамандии ногусастанӣ дорад.
Тавре вазир гуфт, «ба ҳолати 1 май дар муассисаҳои таҳсилоти умумӣ барои соли таҳсили 2022-2023 эҳтиёҷ ба кадрҳои омӯзгорӣ барои 3406 нафар пешниҳод гардида буд. Шурӯъ аз моҳи май ва баъд аз баргузории ҷаласаҳои доимии ситод 2537 нафар ба кор ҷалб шуда, айни ҳол ба 869 нафар омӯзгор эҳтиёҷ боқӣ мондааст».
АКС: АМИТ «Ховар»/манобеи боз
Дар Донишгоҳи давлатии Хуҷанд вобаста ба рушди иқтисодиёти рақамӣ ва саноатикунонии Тоҷикистон ҳамоиш баргузор шуд
АРЗЁБИИ ХОНИШ-ЯКЕ АЗ ҲАДАФҲОИ СТРАТЕГИИ СОҲАИ МАОРИФ. Дар ҳошияи Паёми Президенти Тоҷикистон ба Маҷлиси Олӣ
Байни Донишгоҳи байналмилалии сайёҳӣ ва соҳибкории Тоҷикистон ва Донишгоҳи Лакноуи Ҳиндустон шартномаи ҳамкорӣ ба имзо расид
Донишгоҳи техникии Тоҷикистон бо Донишгоҳи давлатии Лакнави Ҳиндустон ҳамкориро тақвият мебахшад
ТОҶИКОН ҶАҲОНРО ТАСХИР МЕНАМОЯНД! Барномаи «Дурахшандагон» ба ҷавонони лаёқатманди Тоҷикистон кумак мерасонад
Дар солҳои соҳибистиқлолӣ дар Тоҷикистон 22 маротиба музди меҳнати кормандони соҳаи маориф зиёд карда шуд
Дар ноҳияи Фирдавсии шаҳри Душанбе Муассисаи таҳсилоти томактабии хусусии «Боғи Мурод» ифтитоҳ ёфт
Барои таҳқиқоти илмӣ то 35 ҳазор сомонӣ мукофотпулӣ муайян гардид
РУШДИ ТАҲСИЛОТИ ТОМАКТАБӢ. Давоми 7 соли охир дар Душанбе 22 кӯдакистон ба истифода дода шуд
Китобҳои дарсии синфҳои 8 ва 9 «Асосҳои давлат ва ҳуқуқи Ҷумҳурии Тоҷикистон» ба забони туркманӣ нашр шуданд
Дар ноҳияи Рашт оид ба иҷрои дастуру супоришҳои Сарвари давлат вобаста ба рушди соҳаи маориф вохӯрӣ доир шуд
35-СОЛАГИИ ИСТИҚЛОЛИ ДАВЛАТӢ. Дар Хуҷанд бинои иловагии муассисаи таълимӣ барои 1280 хонанда сохта мешавад
