«РОҲНАМОИ КИТОБДОР». Таҳти чунин унвон аз силсилакитобҳои «Илм-фурӯғи маърифат» маводи роҳбарикунанда ба нашр расид

Июль 18, 2022 14:31

ДУШАНБЕ, 18.07.2022 /АМИТ «Ховар»/. Бори аввал дар давраи соҳибистиқлолии Тоҷикистон аз силсилакитобҳои «Илм-фурӯғи маърифат» (барориши 1) таҳти унвони «Роҳнамои китобдор» маводи роҳбарикунанда ба нашр расид. Ин дастури муҳимро Муассисаи нашриявии «Ирфон»-и Вазорати фарҳанги Ҷумҳурии Тоҷикистон дар матбааи ҶДММ «Сифати чоп» нашр намудааст. Мураттиби китоб номзади илмҳои педагогӣ, дотсент Қурбон Ғуломзода мебошад.

Тавре аз Муассисаи нашриявии «Ирфон» ба мухбири АМИТ «Ховар» хабар доданд, китоби «Роҳнамои китобдор» роҳбалади хуб ва такмили ихтисос барои шиносоӣ бо санадҳои меъёрии ҳуқуқии марбут ба мафҳумҳои асосӣ, мақсаду вазифаҳо, ҳуқуқу уҳдадориҳои китобхонаҳо ва муассисаҳои интишорӣ, вижагиҳои ҷамъоварӣ, коркарду ҷобаҷогузорӣ ва ҳифзу нигаҳдории фонди китобхонаҳо мебошад. Ҳамчунин он ба ҳифзи ҳуқуқи моликияти зеҳнӣ, низоми интиқоли нусхаҳои ҳатмӣ, навъҳои дигари санадҳои меъёриву ҳуқуқӣ, аз қабили оинномаву низомномаҳо, қоидаву тартибот ҷиҳати танзими фаъолияти китобхонаҳо ва муассисаҳои дигари интишорӣ мусоидат менамояд.

Маҷмӯаи мазкур имкон медиҳад, ки китобхонаҳо дар шароити нав бо назардошти  талаботи даврони соҳибистиқлолӣ ва вижагиҳои воридшавии технологияи муосири иттилоотию иртиботӣ фаъолияташонро ба роҳ монанд. Баҳри дар амал татбиқ намудани ин ташаббуси нек аз ҷониби Ҳукумати Ҷумҳурии Тоҷикистон якчанд тадбирҳои амалишаванда андешида шудаанд. Аз ҷумла, таҳия ва қабули силсилаасноди расмӣ, аз қабили қарору қонунҳои нав ва татбиқи 5 барномаи давлатӣ доир ба соҳаи китобдорӣ барои беҳтар роҳандозӣ намудани хизматрасонии китобдорӣ, мукаммал намудани захираи китобхонаҳои мамлакат бо адабиёти нав, таъмини китобхонаҳо бо компютер ва дигар технологияи муосир мусоидат менамояд.

Китоби «Роҳнамои китобдор» дастури илмиест, ки имкон медиҳад китобхонаҳои Ҷумҳурии Тоҷикистон аз шакли абстракт баромада, ба давраи нави рушд ворид шаванд. Албатта, дар рушду нумӯи соҳаи китобдорӣ саҳми Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон беназир аст. Маҳз таваҷҷуҳи пайвастаи Сарвари давлат имкон медиҳад, ки ҳамасола аз ҳисоби хазинаи Президенти мамлакат барои чопи китобҳо маблағҳои махсус ҷудо гардида, китобхонаҳо соҳиби биною таҷҳизоти нав ва барои дӯстдорони адабиёт озмуну фестивалҳои китоб баргузор шаванд.

Муассисаи нашриявии «Ирфон» дар навбати худ маҷмӯаи минбаъдаро аз силсилакитобҳои «Илм-фурӯғи  маърифат» (барориши 2) сари вақт ва бо сифати баланд мураттаб намуда, пешкаши хонандагони нуктасанҷ мегардонад.

АКС: АМИТ «Ховар»

Июль 18, 2022 14:31

Хабарҳои дигари ин бахш

Намоишгоҳи байналмилалии «Китоби Душанбе» оғоз гардид
Шоҳҷоизаи Синамоҷашнвораи дуюми байналмилалии «Тоҷи Сомон»-ро коргардони тоҷик Муҳиддин Музаффар соҳиб шуд
«КИТОБИ ДУШАНБЕ». Пагоҳ дар Душанбе намоиши сенздаҳуми байналмилалӣ оғоз мегардад
Эмомалӣ Раҳмон: «Таҷлили Меҳргон далели эҳтиром ба фарҳанги қадима ва суннатҳои созандаи миллати тоҷик аст»
Имрӯз дар Фестивали «Оши палов» намудҳои гуногуни ин таоми миллӣ омода карда шуданд
СЕБҲОИ ТОҶИКИСТОН БО ТАМЪИ ЛАЗИЗАШОН МАШҲУРАНД. Дар Душанбе Иди себ ва ангур таҷлил гардид
Дар Душанбе Иди Меҳргон ба таври тантанавӣ таҷлил гардид
Имрӯз ҷашни Меҳргон бо баргузории Фестивал-намоиши маҳсулот ва техникаи кишоварзӣ оғоз мегардад
Даври ҷамъбастии Фестивал-озмуни ҷумҳуриявии телевизионии эҷодиёти халқ «Андалеб-2025» баргузор мегардад
Сокинони ноҳияи Муъминобод соҳиби туҳфаи арзишманди Пешвои миллат — «Шоҳнома» мегарданд
МЕҲРГОН ОМАД, МУБОРАК, МЕҲРГОН ОМАД! Пагоҳ дар Душанбе Иди Меҳргон бо шукуҳу шаҳомати хосса таҷлил мегардад
СИТОРАИ ТОБНОК ДАР САМОИ СИНАМО. Офаридаҳои баландмазмун ба Бахтиёр Худойназаров шуҳрати ҷаҳонӣ бахшид