Вазири корҳои дохилӣ Рамазон Раҳимзода: «Сатҳи ҷинояткорӣ дар Тоҷикистон коҳиш ёфтааст»

Июль 19, 2022 14:50

ДУШАНБЕ, 19.07.2022 /АМИТ «Ховар»/. «Теъдоди ҷиноятҳои дорои хусусияти террористӣ ва экстремистӣ дар ҷумҳурӣ соли равон нисбат ба ҳамин давраи соли гузашта ба иллати содир шудани якчанд амалҳои дорои хусусияти терорристӣ ва экстремистӣ дар шарқи Тоҷикистон- Вилояти Мухтори Кӯҳистони Бадахшон афзоиш ёфтааст».

Дар ин бора имрӯз Вазири корҳои дохилии Ҷумҳурии Тоҷикистон Рамазон Раҳимзода зимни посух ба саволи хабарнигори АМИТ «Ховар» дар нишасти матбуотӣ  иттилоъ дод. 

Зимни натиҷагирӣ аз фаъолияти мақомоти корҳои дохилии ҷумҳурӣ дар шашмоҳаи якуми соли 2022  Рамазон Раҳимзода афзуд, ки дар маҷмӯъ дар ин давра сатҳи ҷинояткорӣ дар ҷумҳурӣ коҳиш ёфтааст. Имсол дар миқёси кишвар 12 ҳазору 482 ҷиноят ба қайд гирифта шудааст, ки нисбат ба ҳамин давраи соли гузашта (2021- 13878) 1396 ҷиноят  кам мебошад.

Зикр гардид, ки дар ин давра  аз ҷониби кормандони мақомоти корҳои дохилии кишвар 8 ҳазору 316 ҷиноят ошкор  карда шудааст. Аз ҷумла, 22 ҷинояти одамкушӣ ва суиқасд ба он, 64 ҷинояти қасдан расонидани зарари вазнин ба саломатӣ, 16 ҷинояти таҷовуз ба номус, 8 ҷинояти савдои одамон, 21 ҷинояти роҳзанӣ, 65 ҷинояти ғоратгарӣ 2858 дуздӣ, 1144 ҷинояти қалобӣ, 544 ҷинояти авбошӣ, 20 ҳолати  тамаъҷӯӣ ва 223 ҳолати  ғайриқонунӣ  тайёр кардан, нигоҳ доштан ва  интиқоли воситаҳои  нашъадор ба қайд гирифта шудаанд.

Дар ин давра якчанд ҷиноятҳо, аз ҷумла,  ҷиноятҳои марбут ба дуздӣ  2858 (соли 2021-  3566), қаллобӣ 1144 (соли 2021-1481), тамаъҷӯӣ 20 (2021-25),  ғайриқонунӣ  тайёр кардан, нигоҳ доштан ва  интиқоли воситаҳои  нашъадор 223 (2021- 257) тамоюли коҳишёбӣ касб намудаанд, ки ин ба тақвияти корҳои пешгирикунанда, тарғибу ташвиқ миёни аҳолӣ, баланд бардоштани маърифати ҳуқуқии шаҳрвандон ва корҳои тарғиботӣ дар ҷомеа марбут аст.

Хамчунин Вазири корҳои дохилии мамлакат афзуд, ки дар ин  давра  зимни гузаронидани   чорабиниҳои фаврӣ-ҷустуҷӯӣ аз ҷониби ҷузъу томҳои   мақомоти корҳои дохилии ҷумҳурӣ  1447 нафар ҷинояткорони  дар ҷустуҷӯ қарордошта  муайян ва дастгир  гардиданд.

Соли равон аз сӯи кормандони мақомоти корҳои дохилии  кишвар  1 тонна маводи мухаддир аз гардиши ғайриқонунӣ  мусодира гардида, 2605 адад ҳабҳои синтетикии мадҳушкунанда аз муомилот боздошта шуданд. Бо дахли содиршавии ҷиноят аз тарафи ноболиғон Рамазон Раҳимзода гуфт, ки  ин омор  соли равон 431 ададро ташкил дода, инчунин аз тарафи ҷавонон 1944 ҳолати ҷиноят содир шудааст, ки нисбат ба ҳамин давраи соли гузашта 874 ҷиноят кам мебошад.

   Марзия САИДЗОДА,
АМИТ «Ховар»

АКС: АМИТ «Ховар»

Июль 19, 2022 14:50

Хабарҳои дигари ин бахш

Дар ноҳияи Бобоҷон Ғафуров ва шаҳри Хуҷанд афсарону сарбозон аёдат карда шуданд
«МО БОЯД ЭҲТИЁТ ШАВЕМ». Раиси Кумитаи давлатии амнияти миллии Тоҷикистон Саймумин Ятимов гуфт, ки ташкили муносибатҳо танҳо дар заминаи ҳуқуқӣ сабаби сулҳ, ваҳдат ва ҳамсоягии нек мегардад
Кумитаҳои давлатии амнияти миллии Тоҷикистон ва Қирғизистон протоколи қатъи муноқишаи марзиро ба имзо расониданд
ҲАМЛАИ ТАҶОВУЗКОРОНАИ ҚИРҒИЗИСТОН. Коршинос дар бораи мусоҳибаи дирӯзаи Садир Жапаров изҳори назар кард ва оҳанги гуфтори ӯро «сиёҳ» хонд
ҲАМЛАИ ТАҶОВУЗКОРОНАИ ҚИРҒИЗИСТОН. Прокуратураи генералии Тоҷикистон нисбат ба гурӯҳи низомиён ва шаҳрвандони қирғиз парвандаи ҷиноятӣ оғоз кард
ҲАМЛАИ ТАҶОВУЗКОРОНАИ ҚИРҒИЗИСТОН. Дар шаклу шеваи бархӯрди кишвари ҳамсоя ҳадафу мақсадҳои дигар ниҳонанд,- Рустам Латифзода
«ҶОН БА РАҲИ ВАТАН НИСОР, МАН НАКУНАМ, КӢ МЕКУНАД?». Дар Вазорати мудофиа ҷаласаи комиссияи даъвати ҷумҳуриявӣ доир шуд
ПРОТОКОЛ БА ИМЗО РАСИД. Мулоқоти навбатии гурӯҳҳои кории Тоҷикистон ва Қирғизистон баргузор гардид
ОҚИБАТИ ҲАМА ГУНА ҶАНГ СУЛҲ АСТ. Коршиноси масоили сиёсӣ Зубайдулло Давлатов ҳамлаи таҷовузкоронаи Қирғизистонро маҳкум сохт
ҲАМЛАИ ТАҶОВУЗКОРОНАИ ҚИРҒИЗИСТОН. Шаҳрвандони солимфикри қирғиз аз иқдомоти саркардагони ҳодисаҳои марзӣ розӣ нестанд
ҚАМЧИБЕК ТАШИЕВ КИСТ? Посухи дипломати тоҷик ба ин суол
ҲАМЛАИ ТАҶОВУЗКОРОНАИ ҚИРҒИЗИСТОН. Бо дастури Пешвои миллат барои табобати сокинон ва низомиёни дар муноқишаҳои марзӣ зарардида табибони варзида ҷалб гардиданд