Азим Иброҳим, Вазири нақлиёт: Тоҷикистон ба кишвари транзитӣ табдил меёбад
ДУШАНБЕ, 06.08.2022 /АМИТ «Ховар»/. Тоҷикистон дар оянда ба яке аз кишварҳои транзитӣ дар минтақаи Осиёи Марказӣ табдил меёбад. Дар ин бора Вазири нақлиёти Ҷумҳурии Тоҷикистон Азим Иброҳим дирӯз, 5 август зимни нишасти матбуотӣ иброз намуд.
Вазир гуфт, ки ҳоло дар соҳаи нақлиёт 11 лоиҳаи сармоягузорӣ ба маблағи 10,4 миллиард сомонӣ, муодил ба 828,2 миллион доллари амрикоӣ амалӣ мегарданд. Аз 11 лоиҳа 5-тои он ба маблағи 4,9 миллиард сомонӣ пурра ба анҷом расида, дар ҳолати кафолат қарор доранд. Инчунин 6 лоиҳа ба маблағи 5,5 миллиард сомонӣ дар ҳоли татбиқ мебошанд.
Азим Иброҳим иброз намуд, ки корҳои сохтмонӣ дар қитъаи роҳи мошингарди Данғара–Оқмазор (28,6 км), Душанбе –Қулма, қитъаи Қалъаи Хумб–Ванҷ -сарҳади маъмурии ноҳияи Рӯшон бо тӯли 93 км бо ду нақб, ки бо иштироки намояндагони ҳукумати мамлакат, роҳбарияти Вазорати нақлиёт ва ширкати чиноии «Чайна Роуд», ки 23 июни соли равон оғоз ёфт, ҷараён дошта, дар сурати пурра ба анҷом расонидани корҳо ин қитъаҳо ҷавобгӯ ба меъёрҳои байналмилалӣ мегарданд.
Бо натиҷагирӣ аз фаъолияти Вазорати нақлиёти ҷумҳурӣ дар ин давра Азим Иброҳим зикр намуд, ки тавассути ҳамаи намуди нақлиёт беш аз 47,1 миллион тонна бор бо гардиши 4,6 миллиард тонна –км ва қариб 407 миллион мусофир бо гардиши 4,7 миллиард-мусофир –км интиқол дода шуданд, ки нисбат ба ҳамин давраи соли гузашта боркашонӣ 18,7 фоиз, гардиши бор 20,9 фоиз, мусофирбарӣ 11,1 фоиз ва гардиши мусофирон 13,1 фоиз афзоиш ёфтааст.
Инчунин зикр шуд, ки дар ин давра дар соҳаи нақлиёти мамлакат 1000 ҷойи кор таъсис дода шуда, саҳми соҳаи нақлиёти кишвар дар Маҷмӯи маҳсулоти дохилии /ММД/ ҷумҳурӣ 6,8 фоизро ташкил дод.
Марзия САИДЗОДА,
АМИТ «Ховар»
АКС: АМИТ «Ховар»
Дар Душанбе масоили технологияҳои молиявӣ ва навовариҳо ҳамчун муҳаррики сармоягузорӣ баррасӣ гардид
Афзалияти стратегии Тоҷикистон дар самтҳои идоракунии устувори молияи давлатӣ, молияи «сабз» ва иқлим дар Амрико баррасӣ гардид
Ҳайати Тоҷикистон дар ҷаласаи пленарии VIII Форуми байналмилалии «Ҳафтаи энергетикии Русия» иштирок намуд
Меҳргон иди кишоварзону олимон, иди фаровонӣ, шодию нишот, дӯстӣ, ваҳдату ягонагӣ ва меҳру садоқат аст
Дар шаҳри Гулистон Форуми сеюми ҷавонони ҳавзаи дарёи Сир баргузор гардид
Рушди ҳамкории Тоҷикистон ва Бонки ҷаҳонӣ дар доираи Стратегияи нави шарикӣ баррасӣ карда шуд
Валиаҳди Шоҳигарии Негери-Сембилани Малайзия: «Таваҷҷуҳи Роҳбарияти олии Тоҷикистон ба татбиқи лоиҳаи НБО-и «Роғун» шоистаи таҳсин аст»
Татбиқи лоиҳаҳои муштарак дар самтҳои афзалиятноки Тоҷикистон бо Корпоратсияи байналмилалии молиявӣ баррасӣ шуд
Тоҷикистон ва Ҷопон ҳамкориро дар самти рушди энергетикаи «сабз» густариш медиҳанд
«ДУШАНБЕ ИНВЕСТ-2025». Соҳибкор аз Аморати Муттаҳиддаи Араб Марям Алшинасӣ: «Тоҷикон воқеан мардуми меҳмоннавоз, самимӣ ва дорои таъриху фарҳанги қадимӣ мебошанд»
Сулаймон Зиёзода дар Муколамаи Рим оид ба масъалаҳои об-2025 мавқеи Тоҷикистонро дар самти истифодаи устувори захираҳои об таъкид намуд
Ҳайати Тоҷикистон бо муовини директори иҷроияи Хазинаи байналмилалии асъор вохӯрӣ намуд
