Дар ноҳияи Дӯстӣ ҷамъоварии шолӣ оғоз гардид
ДУШАНБЕ, 04.10.2026 /АМИТ «Ховар»/. Имсол кишоварзони ноҳияи Дӯстии вилояти Хатлон дар 331 гектар шолӣ кишт намуданд, иттилоъ медиҳад мухбири минтақавии АМИТ «Ховар».
Сардори Раёсати кишоварзии ноҳия Рустам Достиев иброз намуд, ки дар як гектар 120-150 килограмм тухмӣ барои кишт истифода бурда мешавад. Давраи нашъунамои шолӣ 130 — 150 рӯзро дар бар мегирад. Кишти шолӣ пас аз ҷамъоварии ҳосили гандум гузаронида мешавад.
«Яке аз омилҳои фаровонҳосилӣ омода намудани замини мувофиқ ва обёрии он мебошад. Замин бояд ҳамвор бошад, то барои обёрии доимӣ мувофиқ бошад. Дар ҳолати парвариши дуруст, риояи қоидаҳои агротехникӣ, танзими сатҳи об, нурипошӣ ва алафчинӣ, мубориза бо ҳашарот ва касалиҳо ва анҷоми дигар корҳо, ки дар раванди парвариши зироат ба миён меоянд, имкон аст, ки аз як гектар аз 60 то 70 сентнер ҳосили баланду дилхоҳ гирифта шавад»,- таъкид намуд ҳамсуҳбати мо.
Таъкид гардид, ки дар оғози кишт об ба таври доимӣ то 10 сантиматр нигоҳ дошта мешавад. Зардшавии хӯшаҳо аз пухта расидани ҳосил дарак медиҳад.
Ҷамъоварии ҳосили шолӣ аз моҳҳои сентябр-октябр оғоз мегардад. Кишоварзон бо комбайнҳои хурди шолидаравӣ ҳосилро ҷамъоварӣ намуда, дар анборҳои махсус нигоҳ медоранд. Бо мақсади самаранок истифода бурдани замин кишоварзон баъди ҷамъ овардани ҳосили шолӣ боз гандум кишт мекунанд.
АКС: АМИТ «Ховар»
ПАХТАПАРВАРӢ. Кишти дер, нархи пасти пахта ва норасоии техникаи муосир мушкилоти асосии соҳа маҳсуб мешаванд
Дар мавзуи «Иттиҳоди Давлатҳои Мустақил: самтҳо ва дурнамои рушд» конференсияи байналмилалии илмӣ-амалӣ баргузор шуд
Тоҷикистон ва Узбекистон дар соҳаи идоракунии захираҳои об таҷрибаи якдигарро меомӯзанд
Дар Душанбе ҷаласаи 20-уми Комиссияи байниҳукуматии Тоҷикистону Қазоқистон оид ба ҳамкории иқтисодӣ баргузор шуд
Дар Форуми ҷаҳонии сармоягузорӣ самтҳои афзалиятноки рушди иқтисоди Тоҷикистон муаррифӣ гардиданд
Намояндагони Хадамоти гумруки Тоҷикистон таҷрибаи Нидерландияро дар истифодаи зеҳни сунъӣ омӯхтанд
Байни Хадамоти алоқа ва «Хуавей технологии Тоҷикистон» Ёддошти тафоҳум оид ба рушди технологияҳои 5G-A ва 6G ба имзо расид
Дар ноҳияҳои Тоҷикобод ва Лахш оид ба пешгирии амалҳои коррупсионӣ вохӯриҳо баргузор шуданд
Тоҷикистон ва Қатар ҳамкориро дар самти фаъолияти хайриявӣ ва башардӯстона тақвият медиҳанд
Форум оид ба алоқаи мобилии насли панҷум– 5G баргузор шуд
СТРАТЕГИЯИ РУШДИ ИҚТИСОДИ «САБЗ». Дар доираи амали он беш аз 500 ҳазор ҳисобкунаки электронии барқ насб гардидааст
Ҷаласаи навбатии Шурои ҷамъиятиву машваратӣ доир ба фаъолияти гумрукӣ баргузор шуд
