БА ИСТИҚБОЛИ 35-СОЛАГИИ ИСТИҚЛОЛИЯТИ ДАВЛАТӢ. Дар ноҳияи Темурмалик сохтмони бинои шуъбаи маориф шурӯъ гардидааст
ТЕМУРМАЛИК, 04.08.2022 /АМИТ «Ховар»/. Бахшида ба 35-солагии Истиқлолияти давлатии Ҷумҳурии Тоҷикистон дар ноҳияи Темурмалики вилояти Хатлон сохтмони бинои шуъбаи маорифи ноҳия шурӯъ гардида, бинокорон ба омода намудани таҳкурсии иншоот машғуланд.
Тавре дар мақомоти иҷроияи ҳокимияти давлатии ноҳия ба хабарнигори минтақавии АМИТ «Ховар» иттилоъ доданд, бинои мазкур аз се ошёна иборат буда, дар он барои кормандони маориф шароити зарурӣ муҳайё карда мешавад.
Сохтмони бинои муассисаи таҳсилоти миёнаи умумии рақами 18 пурра ба охир расида, корҳои рангуборкунӣ ва ободонии атроф идома доранд. Бино аз 10 синфхона, ду утоқи корӣ, 4 озмоишгоҳ ва китобхона иборат мебошад. Синфхонаҳо бо мизу курсӣ ва таҷҳизоту лавозимоти хониш, аз ҷумла компютерҳои насли нав муҷаҳҳаз гардонида шудаанд.
Инчунин дар варзишгоҳи марказии ноҳия бо дастрасӣ ба масолеҳи сохтмонӣ корҳои таъмиру навсозӣ идома доранд. Ҳоло сохтмончиён ба омода сохтани ҷойҳои нишаст дар қисмати шарқии варзишгоҳ машғуланд.
Дар Беморхонаи марказӣ таъмиру навсозии шуъбаи таваллуд ва кӯдакона бомаром ҷараён дорад. Дар корҳои сохтмонии иншооти мазкур Ҷамъияти дорои масъулияти маҳдуди «Ёхсу» сохтмончиёни маҳаллиро ҷалб намудааст. Барои бо сифати баланд ва ҷавобгӯ ба меъёрҳои бинокорӣ анҷом додани корҳо роҳбарияти ҶДММ «Ёхсу» сохтмончиёнро бо масолеҳи хушсифати сохтмонӣ, се вақт хӯроки гарм, либос ва маоши хуб таъмин кардааст.
Имрӯзҳо дар дигар иншооти ҷашнӣ низ корҳои сохтмонӣ бомаром идома доранд.
АКС: АМИТ «Ховар»
РУШДИ ДЕҲОТ. Сокинони деҳаи Навдеи шаҳри Норак 750 метр роҳро мумфарш намуданд
Дар шаҳри Кӯлоб 1300 метр роҳ мумфарш карда мешавад
Озмуни «Роғун – нурбахши роҳи фардои Ватан» баргузор мегардад
35-СОЛАГИИ ИСТИҚЛОЛИ ДАВЛАТӢ. Дар 25 иншооти ҷашнии ноҳияи Тоҷикобод корҳои сохтмонӣ идома доранд
Дар Бохтар бинои нави Беморхонаи бемориҳои дил ва маркази эндокринология сохта мешавад
35-СОЛАГИИ ИСТИҚЛОЛИЯТИ ДАВЛАТӢ. Дар Варзишгоҳи миллии Тоҷикистон зиёда аз 30 ҳазор ҷойи нишаст пешбинӣ шудааст
35-СОЛАГИИ ИСТИҚЛОЛИЯТИ ДАВЛАТӢ. Дар Чойхонаи миллӣ барои дар як шабонарӯз қабули 5000 мизоҷ шароит фароҳам оварда мешавад
Дар ноҳияҳои Рашту Тоҷикобод «Маркази ҷавонон» ва майдончаҳои варзишӣ бунёд карда мешаванд
Президенти Ҷумҳурии Тоҷикистон Эмомалӣ Раҳмон бо рафти сохтмони роҳи мошингард аз дарвозаи Ғарбӣ то маҳаллаи Чортути шаҳри Душанбе шинос шуданд
Сарвари давлат Эмомалӣ Раҳмон бо корҳои сохтмонӣ дар Варзишгоҳи миллии Тоҷикистон дар шаҳри Душанбе шинос шуданд
Пешвои миллат Эмомалӣ Раҳмон дар ноҳияи Синои шаҳри Душанбе бо корҳои сохтмонӣ дар Чойхонаи миллӣ шинос шуданд
35-СОЛАГИИ ИСТИҚЛОЛИ ДАВЛАТӢ. Дар ноҳияи Фархор бинои нави маъмурии Ҷамоати деҳоти «Фархор» сохта мешавад
