Барномаи рушди иҷтимоию иқтисодӣ ба беҳтар намудани сатҳи зиндагии мардуми ноҳияи Дарвоз мусоидат менамояд
ДУШАНБЕ, 08.08.2022 /АМИТ «Ховар»/. Барномаи рушди иҷтимоию иқтисодии ноҳияи Дарвоз барои солҳои 2020-2025, ки мавриди амал қарор дорад, ба рушди иҷтимоию иқтисодии ноҳия ва беҳтар намудани сатҳи зиндагии мардум мусоидат менамояд. Ин матлаб 6 август зимни вохӯрии Вазири рушди иқтисод ва савдо Завқӣ Завқизода ва Раиси ноҳияи Дарвоз Саидбурҳон Абдураҳмонзода баён гардид.
Тавре ба АМИТ «Ховар» дар Вазорати рушди иқтисод ва савдо хабар доданд, дар татбиқи барномаи мазкур 106 чорабиниҳо ба маблағи 405,3 млн сомонӣ, аз ҷумла аз ҳисоби маблағҳои буҷети ҷумҳуриявӣ 26,8 млн сомонӣ ё 6,6 фоиз, буҷети маҳаллӣ- 860 ҳазор сомонӣ (0,2 фоиз), бахши хусусӣ- 4,9 млн сомонӣ (1,2 фоиз), буҷети вилоятӣ- 4,7 млн сомонӣ (1,1 фоиз) ва аз ҳисоби сармояи хориҷӣ 364,8 млн сомонӣ (90,0 фоиз) пешбинӣ шудааст.
Татбиқи бомарому самараноки барномаи мазкур самтҳои афзалиятнок ва рушди иҷтимоию иқтисодии ноҳияро барои давраи дарозмуҳлат муайян намуда, барои ноил шудан ба рушди устувори иқтисодӣ, дастрасии аҳолӣ ба хизматрасониҳои муосири иҷтимоӣ, инфросохтори замонавӣ, таъсиси ҷойҳои нави корӣ, коҳиш додани сатҳи камбизоатӣ ва ба ин васила беҳтар намудани сатҳи зиндагии мардуми ноҳия заминаи мусоид мегузорад.
Дар мулоқот масъалаи тақвият додани ҳамкорӣ барои рушди иҷтимоию иқтисодии ноҳия мавриди баррасӣ қарор гирифт.
АКС: Вазорати рушди иқтисод ва савдои ҶТ
Дар Бангкок тавсеаи ҳамкории Тоҷикистон бо ЭСКАТО баррасӣ гардид
Ҳайати Тоҷикистон дар конфронси ҷаҳонии Сеул оид ба корхонаҳои давлатӣ иштирок намуд
СТРАТЕГИЯИ РУШДИ СОҲАИ АЛОҚА. Қабули ин санади стратегӣ кафолати рушди босуботи соҳа мебошад
Дар Тоҷикистон 87 лоиҳаи сармоягузории давлатӣ ба маблағи 51,6 миллиард сомонӣ амалӣ мегардад
Гурӯҳи кории байниидоравӣ оид ба рақамикунонии соҳаи буҷет ва молия таъсис дода мешавад
Раиси Кумитаи рушди сайёҳии Ҷумҳурии Тоҷикистон дар ҷаласаи СҲШ иштирок намуд
Президенти Тоҷикистон таъмини амнияти озуқавориро масъалаи стратегӣ ва ҳаётан муҳим номиданд
Сарвари давлат Эмомалӣ Раҳмон дар маҷлиси Ҳукумат ба масъулон барои коҳиши фоизи қарзҳо ва рушди пардохтҳои ғайринақдӣ дастур доданд
Тоҷикистон ба ҷомеаи рақамии пешрафта бо иқтисоди инноватсионии рақобатпазир табдил меёбад
Дар Барселона имконоти сармоягузории Тоҷикистон муаррифӣ гардид
Фармони Президенти Ҷумҳурии Тоҷикистон «Дар бораи танзими музди меҳнат ва пардохти иловапулӣ ба музди меҳнати кормандони соҳаи технологияҳои иттилоотию коммуникатсионӣ» ба имзо расид
Муқовимат ба коррупсия омили муҳими рушди устувори Тоҷикистон аст
