Беш аз 60 дарсади ҳиссаи муомилоти молии Тоҷикистон ба кишварҳои минтақаи СҲШ рост меояд
ДУШАНБЕ, 17.08.2022 /АМИТ «Ховар»/. Беш аз 60 дарсади ҳиссаи муомилоти молии Ҷумҳурии Тоҷикистон ба кишварҳои минтақаи СҲШ рост омада, бузургтарин шарикони тиҷоратии Тоҷикистон маҳз давлатҳои узви СҲШ, аз ҷумла Русия, Чин, Қазоқистон, Узбекистон, Покистон ва Ҳиндустон мебошанд. Дар ин бора зимни баргузории Форуми иқтисодии Созмони ҳамкории Шанхай (СҲШ), ки дар шаҳри Тошканди Ҷумҳурии Узбекистон баргузор гардид, иттилоъ дода шуд.
Тавре ба АМИТ «Ховар» дар Вазорати рушди иқтисод ва савдои Тоҷикистон хабар доданд, 16-17 август ҳайати Ҷумҳурии Тоҷикистон таҳти роҳбарии муовини якуми Вазири рушди иқтисод ва савдои Ҷумҳурии Тоҷикистон Ашурбой Солеҳзода дар Форуми иқтисодии Созмони ҳамкории Шанхай (СҲШ), ки дар шаҳри Тошканди Ҷумҳурии Узбекистон баргузор гардид, иштирок намуд.
Дар форуми мазкур намояндагони кишварҳои аъзои СҲШ, аз ҷумла Тоҷикистон, Чин, Эрон, Покистон, Қазоқистон, Қирғизистон, Ҳиндустон, Узбекистон ва Русия иштирок намуданд.
А. Солеҳзода зикр намуд, ки бо шарофати сиёсати оқилона ва дурандешонаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва роҳбарони кишварҳои СҲШ муносибатҳои кишварҳо пайваста рушд ёфта, ба сатҳи олӣ баромадаанд.
Дар натиҷаи иҷрои дастуру супоришҳои сарони давлатҳо ва таваҷҷуҳи хоссаи онҳо ба тақвияти муносибатҳои бисёрҷониба гардиши савдои хориҷӣ миёни Тоҷикистон ва кишварҳои СҲШ дар шашмоҳаи аввали соли 2022 68 фоизро ташкил додааст.
Ҷонибҳо ҳамчунин дар вохӯрӣ масъалаҳои густариши ҳамкорӣ дар соҳаҳои рақамикунонӣ, тиҷорати электронӣ, «иқтисоди сабз», кишоварзӣ, афзоиши ҳаҷми содирот, пеш аз ҳама, маҳсулоти кишоварзии аз ҷиҳати экологӣ тозаи Тоҷикистон ба кишварҳои СҲШ, рушди минбаъдаи робитаҳо дар бахши нақлиёт ва логистикаро баррасӣ намуданд.
Ҳамзамон зикр гардид, ки дар тӯли беш аз 20 сол дар маҷмӯъ дар чаҳорчӯби СҲШ ҳамкории мутақобила ба роҳ монда шуд, ки ба таҳкими иқтидори иқтисодии созмон нигаронида шудааст.
Ёдовар бояд шуд, ки Ҷумҳурии Тоҷикистон яке аз кишварҳои асосгузори СҲШ мебошад. Дар анҷоми вохӯрӣ ҷонибҳо омодагии худро ҷиҳати густариши ҳамкории мутақобилан судманд ва татбиқи масъалаҳои зикршуда изҳор намуданд.
АКС: Вазорати рушди иқтисод ва савдои ҶТ
Тоҷикматлубот сокинони пойтахтро бо маҳсулоти мавриди ниёзи аввал таъмин менамояд
Дар минтақаи Кӯлоб қисми даромади буҷет 106 фоиз иҷро гардид
ТАЪМИНИ АМНИЯТИ ОЗУҚАВОРӢ. Кишоварзони ноҳияи Лахш дар 5457 гектар картошка кишт намудаанд
«Ноқили Талко» сазовори баландтарин ҷоизаи ИДМ – «Дастовардҳо дар соҳаи сифат ва хизматрасонӣ» гардид
НИШАСТИ МАТБУОТӢ. Дар ноҳияи Рашт коргоҳи истеҳсоли маҳсулоти гӯштӣ ба истифода дода мешавад
МАҲСУЛОТИ ЗУДВАЙРОНШАВАНДА. Бо баланд шудани ҳарорат «Тоҷикстандарт» дар бозорҳои Тоҷикистон санҷиш мегузаронад
Дар ноҳияи Мастчоҳ корхонаи истеҳсоли макарони навъи олӣ ба истифода дода мешавад
Чаро корхонаҳои хишти пухта, истеҳсоли маҳсулоти ширӣ ва парандапарварии ноҳияи Нуробод аз фаъолият боз мондаанд?
Нисбат ба 24 корманди Корхонаи фаръии давлатии «Бақайдгирии молу мулки ғайриманқул» парвандаи ҷиноятӣ кушода шуд
Ҳамкории тиҷоратию иқтисодии вилояти Суғд бо корхонаҳои саноатии Русия тақвият меёбад
РУШДИ СОҲАИ ЗАНБӮРПАРВАРӢ. Дар Тоҷикистон дар шаш моҳи аввали соли равон 659 тонна асал истеҳсол шудааст
Фурудгоҳи байналмилалии Душанбе дар шаш моҳи соли равон ба зиёда аз 1,1 милллион мусофир хизмат расонидааст
