ЭҲТИЁТ БОШЕД, ФАЪОЛНОКИИ ОФТОБӢ! Даври баландтарини он ба солҳои 2022-2023 рост меояд

Август 4, 2022 14:02

ДУШАНБЕ, 04.08.2022 /АМИТ «Ховар»/. Авҷи нави тибқи ҳисобҳо 25-ум аз давраи оғози мушоҳидаҳо марҳилаи фаъолнокии офтобӣ ба солҳои 2022-2023 рост меояд. Тавре АМИТ «Ховар» хабар медиҳад, дар ин бора ба ТАСС ходими калони илмии расадхонаи Пулково Юрий Наговитсин иттилоъ додааст.

Қаблан расонаҳо пешгӯии таҳлилгарони бонки сармоягузории Дания «Saxo Bank»-ро нашр карда буданд, ки дар он коршиносон бадтарин барномаи рушди иқтисоди ҷаҳониро дар соли 2019 арзёбӣ намуда буданд. Дар он, аз ҷумла, гуфта мешавад, ки бо cap шудани давраи 25-уми фаъолнокии Офтоб тӯфони пурзӯри офтобӣ ба амал меояд, ки моҳвораҳои нимкураи ғарбиро нобуд хоҳад сохт. Ин дар навбати худ, бино ба таҳлили коршиносон ба бесарусомонӣ дар самти GPS оварда, тақрибан 2 триллион доллар зиён мерасонад.

«Он чи ки ба оғози давраи офтобӣ дахл дорад, он метавонад соли 2019, вале ба эҳтимоли зиёд соли 2020 оғоз шавад. Аммо ин танҳо оғози давраи офтобӣ буда, ҷараёни бузурги геомагнитиеро, ки аз фаъолияти Офтоб ба вуҷуд меояд, интизор набояд шуд. Авҷи давраи офтобӣ, замоне ки дурахши пурқувват дар Офтоб воқеан ҳам имконпазир мегардад, ба солҳои 2022-2023 рост меояд»,- иброз дошт Наговитсин ба ТАСС.

Ба ҳар ҳол, дар сурати сар задани шуълаи начандон шадидтарин инфрасохтори Замин метавонад осеб бинад ва ҳам хадамоти изтирорӣ ва ҳам сокинони одӣ бояд ба ин омода бошанд. «Дар тӯли давраи мушоҳидашаванда ду-се шуълаи шадиде ба вуқӯъ омадааст. Ҳамин гуна дар солҳои 60-уми асри XIX дар вақти ба амал омадани шуълаи шадид телеграф дурахшид ва дар асри XX дурахши офтобӣ музофоти Квебеки Канадаро ба муддати 6 соат бидуни қувваи барқ гузошт»,-зикр намуд Наговитсин.

Дар бораи давраҳои фаъолияти офтобӣ

Давранокии фаъолияти Офтобро нуҷумшиносон дар миёнаи асри XIX кашф карданд. Одатан, силсиладавраҳоро 11-сола меноманд; онҳо бо афзоиши нисбатан босуръати фаъолияти офтобӣ, ки дар тӯли се-чор сол рух медиҳанд ва тадриҷан, тақрибан ҳафт сол коҳиш меёбанд, тавсиф мешаванд.

Аммо, тавре Наговитсин иброз намуд, давраҳои офтобӣ ба тақвими қатъӣ тобеъ нестанд ва дарозии онҳо аз ҳафт то ҳабдаҳ сол фарқ карда метавонад.

АКС аз манбаъҳои боз

Август 4, 2022 14:02

Хабарҳои дигари ин бахш

МАСЛИҲАТИ МУТАХАССИС. Истеъмоли равғани зард эҳтимоли гирифтор шудан ба сироятҳои гуногуни вирусиро коҳиш медиҳад
Вазири тандурустӣ ва ҳифзи иҷтимоии аҳолии Тоҷикистон бо фаъолияти марказҳои саломатӣ ва беморхонаҳои вилояти Хатлон шинос шуд
Бунафша Файзиддинзода дар доираи иштирок дар ҷаласаи 68-уми Комиссия оид ба мақоми зан бо занони тоҷики муқими Ню-Йорк мулоқот намуд
Бо мақсади пешгирии омилҳои коррупсионӣ дар муассисаҳои тандурустӣ дар шаҳри Хуҷанд ҳамоиш доир шуд
ҲУШДОР! Хатари фаромадани тарма то 18 март боқӣ мемонад
Ҳайати Тоҷикистон дар Форуми дуюми минтақавӣ оид ба масъалаҳои марбут ба татбиқи Паймони ҷаҳонии муҳоҷирати бехатар иштирок намуд
Бунафша Файзиддинзода дар Амрико дар ҷаласаҳои сатҳи баланд ба хотири дифои ҳуқуқу манфиатҳои занон иштирок намуд
Дар Душанбе мулоқоти роҳбарони ниҳодҳои ҳолатҳои фавқулодаи Тоҷикистон ва Эрон оид ба масъалаи ҳифзи пиряхҳо баргузор мегардад
Дар Мақомоти Ваколатдор масъалаи таҳияи нақшаи амал барои пешгирии зӯроварӣ нисбат ба кӯдакон баррасӣ гардид
Ҷаласаи Шурои ҳамоҳангсозии донорҳо ва шарикони рушд дар соҳаи меҳнат, муҳоҷират ва шуғли аҳолӣ баргузор гардид
Суҳайлӣ Қодирӣ: «Маърифати ҳуқуқӣ афзалияти сиёсати давлатӣ мебошад»
Сарвари давлат аз вазъи таассубу хурофот дар мамлакат изҳори нигаронӣ намуданд