ЭҲТИЁТ БОШЕД! ТУТ хуруҷи нави COVID-19-ро дар тирамоҳ пешгӯӣ мекунад

Август 31, 2022 12:15

ДУШАНБЕ, 31.08.2022 /АМИТ «Ховар»/. Хуруҷи навбатии гирифторӣ ба коронавирус дар тирамоҳ дар назар аст. Тавре АМИТ «Ховар» бо истинод ба ТАСС хабар медиҳад, дар ин бора роҳбари дафтари минтақавии Ташкилоти умумиҷаҳонии тандурустӣ дар Аврупо Ҳанс Клуге дирӯз, 30 август дар нишасти хабарӣ хабар дод.

«Бино ба пешгӯиҳо, чанд ҳафта пас дар минтақаи Аврупо 250 миллион ҳолати тасдиқшудаи гирифторӣ аз замони оғози пандемияи COVID-19 — дуюним сол пеш ба қайд гирифта мешавад»,-гуфт ӯ.

-Мо дар мубориза бар зидди пандемия ба муваффақияти калон ноил гардидем. Аммо вирус то ҳол ба таври васеъ паҳн мешавад, чун пештара аз таъсири он то ҳол одамон бистарии беморхонаҳо мешаванд, он то ҳол боиси марги аз ҳад зиёди пешгиришаванда мегардад — танҳо дар як ҳафтаи охир тақрибан 3 000 ҳолатро ташкил медиҳад, ки ин шумора тақрибан ба сеяки шумораи умумии қайдшудагон дар ҷаҳон баробар аст. Бо наздик шудани фасли тирамоҳу зимистон мо афзоиши сироятёбиро бо хуруҷи зукоми мавсимӣ дар Аврупо ва ё бидуни он интизор мешавем”.

Коршиносон даъват менамоянд, ки таваҷҷуҳи бештар ба назорати эпидемиявӣ, зарурати ошкорсозии барвақтӣ ва таъмини дастрасии кумаки аввалини тиббию санитарӣ ба доруҳои зиддивирусӣ барои беморони осебпазир равона гардад.

Тавре қаблан АМИТ «Ховар» хабар дода буд, дар Тоҷикистон, ки ба минтақаи аврупоии Ташкилоти умумиҷаҳонии тандурустӣ низ шомил аст, аз оғози маъракаи эмгузаронӣ бар зидди COVID-19 ба ҳолати 19 августи соли равон 5 миллиону 312 ҳазору 807 нафар (94,9 фоиз) бо вояи якум, 5 миллиону 221 ҳазору 534 нафар (93,3 фоиз) бо вояи дуюм, 4 миллиону 927 ҳазору 758 (88 фоиз) нафар бо вояи сеюм эм карда шудаанд.

Бо ибтикори Ҳукумати Ҷумҳурии Тоҷикистон бо мақсади фарогирии шаҳрвандони кишвар бо воя ба Тоҷикистон 18 миллиону 290 ҳазор вояи зидди COVID-19 ворид карда шудааст.

Бино ба иттилои АМИТ «Ховар», бо дарназардошти вазъи душвори бемории COVID-19 дар якчанд кишварҳои минтақа 16 август чорумин маъракаи эмгузаронии кормандони тибби кишвар алайҳи сироятёбӣ аз коронавирус оғоз гардид.

Ёдовар мешавем, ки аз моҳи феврали соли 2022 дар кишвар ягон ҳолати гирифторӣ ба COVID-19 ба қайд гирифта нашудааст.

АКС: grodnonews.by

Август 31, 2022 12:15

Хабарҳои дигари ин бахш

Президенти Тоҷикистон: «Ҷашни Наврӯз ва истиқлолу озодӣ – ин ду мафҳуми барои ҳар яки мо азизу муқаддас аст»
«КАЪБА ЧӢ МЕРАВӢ, ДИЛЕРО ДАРЁБ…». Андешаҳо дар ҳошияи мулоқоти Президенти Тоҷикистон бо фаъолону намояндагони ҷомеа ва ходимони дин
Пешвои миллат: «Боиси ифтихор аст, ки Наврӯз – калимаи асили тоҷикӣ, яъне «рӯзи нав» ҳоло барои миллионҳо аҳолии сайёра ҳамчун рӯзи ҷашни фархунда вирди забон аст»
Эмомалӣ Раҳмон: «Наврӯз аз ҷумлаи бузургтарин ва маҳбубтарин ҷашнҳои тоҷикон мебошад»
СИЁСИШАВИИ ДИН — ХАТАР БА ФАРҲАНГИ МИЛЛӢ ВА СУБОТИ ҶОМЕА. Андешаҳои профессор Нозим Маҳмадизода дар ин мавзуъ
Президенти Тоҷикистон: «Бо назардошти шароити замона анъанаи неки гузаштагон – сарфаю сариштакориро бояд риоя намоем»
Сулаймон Талбакзода: «Дарси хештаншиносӣ ва хизмат ба халқу Ватанро аз Пешвои миллат бояд омӯзем»
Президенти Тоҷикистон: «Мушкилоти таъмини аҳолии сайёра бо озуқаворӣ моро водор менамояд, ки ҳар қитъа заминро оқилонаву самаранок истифода барем»
Пешвои миллат Эмомалӣ Раҳмон: «Ойинҳои наврӯзӣ аҳли башарро ба таҳаммулгароӣ, бунёдкориву созандагӣ ҳидоят менамоянд»
Пешвои миллат: «Дар шароити кунунӣ зарур аст, ки ба кишти такрорӣ, гирифтани се – чор ҳосил аз заминҳои обӣ эътибори аввалиндараҷа дода шавад»
Наврӯз дар баробари забони тоҷикӣ бунёди худшиносии тоҷиконро низ ташаккул додааст
Пешвои миллат Эмомалӣ Раҳмон: «Мақому ҷойгоҳи Наврӯз он қадар баланд буд, ки ҳеҷ монеа ва қуввае онро натавонист аз байн барад»