ИМРӮЗ-РӮЗИ БАЙНАЛМИЛАЛИИ ҶАВОНОН. Бахшида ба ин сана дар Тоҷикистон Анҷумани VIII маҳфили «Ҷавононе, ки дар хориҷи кишвар таҳсил мекунанд» оғоз меёбад

Август 12, 2022 10:12

ДУШАНБЕ, 12.08.2022. /АМИТ «Ховар»/. Бахшида ба Рӯзи байналмилалии ҷавонон аз 12 то 15 август дар Тоҷикистон Анҷумани VIII маҳфили «Ҷавононе, ки  дар хориҷи кишвар таҳсил мекунанд» баргузор гардида, инчунин баргузории барномаҳои гуногуни фарҳангию фароғатӣ ва форуму мусобиқаҳои гуногуни варзишӣ дар назар аст.

Ёдовар мешавем, ки ҳамасола 12 август Рӯзи байналмилалии ҷавонон  (International Youth Day) таҷлил карда мешавад. Ин ҷашн аз ҷониби Маҷмаи Умумии СММ 17 декабри соли 1999 бо пешниҳоди Конфронси умумиҷаҳонии вазирон оид ба умури ҷавонон, ки 8-12 августи соли 1998 дар Лиссабон (Португалия) баргузор гардид, таъсис дода шудааст.

Мувофиқи таҳлилҳои оморӣ, то имрӯз шумораи умумии ҷавонон дар Тоҷикистон 2,9 миллион нафар мебошад, ки 31 фоизи шумораи умумии аҳолиро ташкил медиҳад. Шумораи ҷавонони аз 14 то 30-сола 2,9 миллион буда, синни миёнаи аҳолӣ дар мамлакат 26 ва синни медиалӣ 23 солро дар бар мегирад. Аз соли 2015 то 2020 шумораи ҷавонон 27 ҳазор нафар ё 1 фоиз зиёд шудааст.

Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон  аз рӯзҳои нахустини Истиқлолияти давлатӣ масъалаи ҷавононро дар маркази диққат қарор доданд.

Ба зикри муовини якуми Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон, номзади илмҳои сиёсӣ Шабнам Раҳимзода, маҳз талошу дастгириҳои Пешвои миллат буданд, ки имрӯз нақши ҷавонон дар сиёсат, рушди соҳаҳои иҷтимоӣ, иқтисодӣ ва фарҳангӣ  баръало эҳсос мегардад. Ҷавонон имрӯз соҳиби саводи баланд, касбу кори гуногун буда, дар пешрафти илму техника, ихтироъкориву навоварӣ саҳми арзанда мегузоранд.

Тоҷикистон миёни Иттиҳоди Давлатҳои Мустақил яке аз аввалинҳо шуда, қонуни асосии ҷавононро қабул кард. Дар заминаи Қонуни Ҷумҳурии Тоҷикистон «Дар бораи сиёсати давлатии ҷавонон»  «Консепсияи миллии сиёсати давлатии ҷавонон», «Стратегияи сиёсати давлатии ҷавонон то соли 2020» ва барномаҳои дигар қабул гардиданд.

Ҳамчунин барои дастгирӣ ва ҳавасмандии ҷавонону наврасон аз 26 феврали соли  1998  бо Фармони Президенти Ҷумҳурии Тоҷикистон Стипендияи Президенти Ҷумҳурии Тоҷикистон барои хонандагони мактабҳои таҳсилоти умумӣ, литсейҳо, гимназияҳо, омӯзишгоҳҳои касбӣ-техникӣ, омӯзишгоҳҳо ва коллеҷҳо таъсис дода шуд.

Аз 20 марти соли 2021 Ҷоизаи Исмоили Сомонӣ доир ба корҳои намоён дар соҳаи илму техника барои олимони ҷавон таъсис ёфт.


Пешвои миллат муҳтарам Эмомалӣ Раҳмон зимни ҳар мулоқот бо зиёиён ва аҳолии кишвар дар масъалаи ҷавонон даъват менамоянд, ки  ба масъалаи илмомӯзӣ ва касбомӯзии ҷавонон диққати  ҷиддӣ дода шавад. Зеро ҷавонони бетаҷрибаву ноогоҳро ҳама гуна қувваҳои ифротӣ метавонанд ба худ моил сохта, онҳоро барои амалӣ намудани ҳадафҳои ғаразноки сиёсии худ истифода баранд.

Яке аз тадбирҳои Кумитаи кор бо ҷавонон ва варзиши назди Ҳукумати Ҷумҳурии Тоҷикистон доир ба муттаҳид гардонидани ҷавонони мамлакат — ин баргузории меҳмонии ҷавонон таҳти унвони «Дӯст ояд, гарм дар оғӯш гир!» мебошад, ки ҳадафи асосии он васеъ намудани ҷаҳонбинии ҷавонон, шинос шудан  бо фарҳанги ниёгон, урфу одат ва меҳмоннавозии халқи тоҷик, маданияти шаҳрдорӣ, дӯстии ҷавонон, тарбия намудани ҷавонон дар рӯҳияи ватандӯстӣ ва арҷгузорӣ ба арзишҳои миллию таҳкими сулҳу суботи кишвар мебошад.

Зарангези ЛАТИФ,
АМИТ «Ховар»

АКС: АМИТ «Ховар»

Август 12, 2022 10:12

Хабарҳои дигари ин бахш

ХИЗМАТ БА ВАТАН ШАРАФ АСТ! Дар Тоҷикистон барои даъвати тирамоҳии шаҳрвандон ба хизмати ҳарбӣ корҳои омодагӣ ҷараён доранд
Пешвои миллат Эмомалӣ Раҳмон дастур доданд, ки Маркази миллии тарҷумаи назди Ҳукумати Тоҷикистон таъсис дода шавад
Пешвои миллат Эмомалӣ Раҳмон беэътиборӣ ё беэҳтиромиро нисбат ба забон қотеътарин далели надоштан ё гум кардани ҳисси миллӣ номиданд
Шумораи қурбониёни тирпаронӣ дар Ижевски Россия ба 17 нафар расид
БОҒИ ДӮСТИИ ТОҶИКОНУ УЗБЕКҲО ДАР СИМОИ ПРЕЗИДЕНТОНИ ДУ ДАВЛАТ БОҒБОНҲОИ АСИЛИ ХУДРО ДОРАД. Ё чӣ гуна Шароф Рашидов ва пайравони ӯ решаҳои нахли дӯстиро мустаҳкамтар намуданд
БА ИСТИҚБОЛИ 30-СОЛАГИИ ИҶЛОСИЯИ XVI ШӮРОИ ОЛӢ. Адолат Раҳмонова: «Бузургӣ ва марди худодод будани Эмомалӣ Раҳмон аз ҳамон лаҳзаҳо аллакай ҳувайдо буд»
ҲАМЛАИ ТАҶОВУЗКОРОНАИ ҚИРҒИЗИСТОН. Имрӯз Раиси вилояти Суғд бо намояндагони ВАО мулоқот намуд
ПАС, ТАҶОВУЗКОР КИСТ? Сироҷиддин Муҳриддин аз минбари СММ натиҷаҳои ҳамлаи таҷовузкоронаи Қирғизистонро ба самъи ҷомеаи ҷаҳонӣ расонид
Фарҳод Раҳимӣ ҳамлаи таҷовузкоронаи Қирғизистонро ба шеваи таҳоҷуми гурӯҳҳои террористии байналмилалие, чун «Ал-Қоида»* ва «ДОИШ»* шабоҳат дод
ҲАМЛАИ ТАҶОВУЗКОРОНАИ ҚИРҒИЗИСТОН. Тибқи қисми 2-и моддаи 11-и Конститутсияи Ҷумҳурии Тоҷикистон ташвиқоти ҷанг манъ аст
БА ОСИЁБИ ДУШМАНОНИ МИЛЛАТ ОБ НАРЕЗЕД! Изҳороти Мақомоти иҷроияи ҳокимияти давлатии вилояти Суғд ба гузориши иғвоангези Радиои «Озодӣ»
НЕК АНДЕША КУНЕД! Муроҷиат ба мардуми Қирғизистон