ОМОДАГӢ БА ДАЪВАТИ ТИРАМОҲӢ. Дар Истаравшан ҷаласаи ситоди шаҳрӣ гузаронида шуд

Август 21, 2022 11:58

СУҒД, 21.08.2022. /АМИТ «Ховар»/. Дар мақомоти иҷроияи ҳокимияти давлатии шаҳри Истаравшан бо иштироки роҳбарияти шаҳр, роҳбарони воҳидҳои сохторӣ, раисони ҷамоатҳои деҳот, кумитаҳои маҳалла, кормандони комиссариати ҳарбии шаҳр, роҳбарияти шуъбаи ВКД, намояндагони соҳаи тандурустӣ, маориф, дин, танзими анъана ва ҷашну маросим, Шӯрои собиқадорони меҳнат ва дигар шахсони масъул ҷаласаи васеи ситоди шаҳрӣ оид ба омодагиҳо ба даъвати тирамоҳии наваскарон ба сафи Қувваҳои мусаллаҳи Ҷумҳурии Тоҷикистон доир гардид. Дар ин бора ба АМИТ «Ховар» дар дафтари матбуоти Раиси шаҳри Истаравшан хабар доданд.

Раиси шаҳри Истаравшан Адҳам Маъмурзода дар ҷаласа иброз дошт, ки «мавсими даъват ба сафи Қувваҳои мусаллаҳ яке аз маъракаҳои муҳими сиёсию ташкилӣ буда, барои сари вақт иҷро кардани нақшаи пешбинишуда, ҷалби ҷавонон ба адои хизмати ҳарбӣ, ба роҳ мондани корҳои тарғиботиву ташвиқотӣ, баланд бардоштани ҳисси ватандӯстиву ватанпарастии ҷавонон, дар рӯҳияи худшиносию худогоҳӣ тарбия кардани онҳо ҳар яки мо масъулем».

Зикр шуд, ки ҳамаи масъулинро зарур аст бо истифода аз имконияти мавҷудаи шаҳр барои сари вақт ва босифат иҷро кардани нақшаи даъвати наваскарон тадбирҳои зарурӣ андешанд.

Бояд зикр намуд, ки Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон, Сарфармондеҳи Олии Қувваҳои Мусаллаҳи Ҷумҳурии Тоҷикистон муҳтарам Эмомалӣ Раҳмон бамаврид таъкид менамоянд, ки «тайи солҳои сипаришуда даҳҳо ҳазор нафар ҷавонони бонангу номуси Ватан аз тарбияи ин мактаби далериву шуҷоат, яъне хизмат дар сафи Қувваҳои Мусаллаҳ гузашта, қарзи муқаддаси фарзандӣ ва рисолати мардонагии худро адо намуда, борҳо собит сохтаанд, ки барои ҳимояи манфиатҳои миллӣ, муқаддасоти давлати соҳибистиқлол ва таъмини амнияти давлат ва ҷомеа сарбаландона хизмат карда метавонанд».

АКС: Дафтари матбуоти Раиси шаҳри Истаравшан

Август 21, 2022 11:58

Хабарҳои дигари ин бахш

«Паём — ҳуҷҷати раҳнамо дар фаъолияти минбаъдаи ҳар як сокини Тоҷикистон»,- бардошт аз вохӯрӣ бо сокинони ноҳияи Абдураҳмони Ҷомӣ
Дар Душанбе масъалаи татбиқи Саҳмҳои Муайяншудаи Миллӣ ва таҳияи нақшаи маблағгузории иқлим дар Тоҷикистон баррасӣ карда шуд
Дар ҷаласаи Шӯрои ҷамъиятӣ Паёми Президенти Тоҷикистон ба Маҷлиси Олии Ҷумҳурии Тоҷикистон тавзеҳ дода шуд
Истеъмоли аз ҳад зиёди равғани зард боиси дилбеҳузурии 48 нафар сокинони ноҳияи Шамсиддини Шоҳин шуд
ВАҲШОНИЯТИ ТОЛИБОН*. Низоме, ки зан-модарро таҳқир мекунад ва бо рафтори ҷоҳилонааш тамаддуни башариро аз байн мебарад, мубтало ба фаност
Хадамоти алоқаи Тоҷикистон барои беҳтар намудани сифати хизматрасонии алоқаи мобилӣ ва интернет тадбир меандешад
Ваколатдор оид ба ҳуқуқи инсон ҳодисаҳои фоҷиабори зери ях мондани ноболиғонро аз беназоратии волидон медонад
ПЕШГӮИИ АГЕНТИИ ОБУҲАВОШИНОСӢ: Дар Тоҷикистон рӯзҳои охири моҳи январ ҳавои тағйирёбандаи бебориш мешавад
ТАЪМИНИ АМНИЯТИ МАФКУРАВӢ-АСОСИ СУБОТИ ҶОМЕА. Андешаҳои узви КМИР Махфират Хидирзода дар ҳошияи Паёми Президенти Тоҷикистон ба Маҷлиси Олии Ҷумҳурии Тоҷикистон
Дар Тоҷикистон Озмуни ҷумҳуриявии мақолаи беҳтарин оид ба ҳифзи пиряхҳо баргузор карда мешавад
«СОЛИ 2023-СОЛИ ҲИФЗИ МЕҲНАТ». 25 январ дар Тоҷикистон Рӯзи кормандони соҳаи меҳнат ва ҳифзи иҷтимоии аҳолӣ таҷлил карда мешавад
Дар натиҷаи сангрезӣ дар Рӯшон се манзили истиқоматии сокинон хароб гардидааст