Раиси иҷлоси 76-уми Маҷмаи Умумии СММ Абдулло Шоҳид: «Президенти Тоҷикистон масъалаҳои марбут ба обро дар сатҳи байналмилалӣ пеш мебаранд»
ДУШАНБЕ, 26.08.2022 /АМИТ «Ховар»/. Созмони Милали Муттаҳид саҳми Президенти Ҷумҳурии Тоҷикистонро дар амалисозии принсипҳои Оинномаи СММ ва пешбурди Ҳадафҳои рушди устувор дар сатҳи баланд арзёбӣ мекунад. Ин нуктаро имрӯз, 26 август дар Душанбе пас аз мулоқот бо Пешвои миллат муҳтарам Эмомалӣ Раҳмон Раиси иҷлоси 76-уми Маҷмаи Умумии СММ Абдулло Шоҳид иброз дошт.
Ба гуфтаи ӯ, Тоҷикистон дар доираи расидан ба Ҳадафҳои рушди устувор, хусусан бахшҳои 6 ва 13 дастовардҳои бузургро ба даст овардааст.
«Тоҷикистон дар пешбурди масъалаҳои ҷаҳонии марбут ба об кишвари пешсаф буда, чанде қабл дар шаҳри Душанбе Конфронси дуюми байналмилалии сатҳи баланд бахшида ба Даҳсолаи байналмилалии амал «Об барои рушди устувор, солҳои 2018-2028» баргузор гардид, ки ташабускори он Президенти Ҷумҳурии Тоҷикистон муҳтарам Эмомалӣ Раҳмон мебошанд», — тазаккур дод Абдулло Шоҳид.
Ба зикри Раиси иҷлоси 76-уми Маҷмаи Умумии СММ, Тоҷикистон барои кишварҳои Осиёи Марказӣ сарчашмаи об мебошад.
«Президенти Тоҷикистон таҳти роҳбарии худ масъалаҳои марбут ба обро дар сатҳи байналмилалӣ пеш мебаранд»,- таъкид намуд ӯ.
Абдулло Шоҳид зикр кард, ки дар мулоқот ҳамчунин масъалаҳои мубориза бар зидди терроризму ифротгароӣ, гардиши ғайриқонунии маводи мухаддир ва зуҳуроти ҷинояткории муташаккили фаромарзӣ баррасӣ шуданд.
АКС: Хадамоти матбуоти Президенти ҶТ/АМИТ «Ховар»
НУРИ ХУРШЕДИ ИСТИҚЛОЛ ТО АБАД РАВШАНГАРИ ҲАЁТИ ҶОМЕАИ МО БОД! Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛУ ОЗОДӢ — РАМЗИ ВОҚЕИИ ИФТИХОР АЗ ВАТАНУ ВАТАНДӮСТӢ. Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛИЯТ — МАРҲАЛАИ СИФАТАН НАВИ РУШДИ ТОҶИКИСТОН. Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛИЯТ — РАМЗИ БАРҶАСТАИ ПОЙДОРИИ ДАВЛАТ. Андешаҳои Президенти Ҷумҳурии Тоҷикистон муҳтарам Эмомалӣ Раҳмон доир ба Истиқлолияти давлатӣ
ҶОИЗАИ БАЙНАЛМИЛАЛИИ ПРЕЗИДЕНТИ ТОҶИКИСТОН ДАР СОҲАИ ОБ–ВАСИЛАИ ТАҲКИМИ ДИПЛОМАТИЯИ ОБ ДАР ҶАҲОН. Андешаҳо дар ин маврид
ТИРГОН ШЕБУ ФАРОЗИ САДСОЛАҲОРО ГУЗАШТА, ТО БА РӮЗГОРИ МО РАСИДААСТ. Иқтибосҳо аз суханрониҳои Президенти Тоҷикистон ба муносибати ин ҷашн
Соли 2027 дар Тоҷикистон Конфронси байналмилалӣ доир ба Даҳсолаи байналмилалӣ оид ба таҳкими сулҳ барои наслҳои оянда баргузор мешавад
Фиристодаи махсуси СММ: «Давлатҳо бояд сиёсатҳо ва амалҳоро тағйир дода, сармоягузорӣ ва татбиқи лоиҳаҳоро дар соҳаи идораи захираҳои обӣ ба роҳ монанд»
Ҷоизаи байналмилалии Президенти Ҷумҳурии Тоҷикистон дар соҳаи об таъсис дода шуд
Сарвазири Бурунди: «Тоҷикистон ба маркази муколамаи глобалӣ оид ба масъалаҳои об табдил ёфтааст»
Президенти Тоҷикистон: «Талаботи ҷаҳон ба оби ошомиданӣ то соли 2050 ҳадди ақалл 25 фоиз зиёд мешавад»
