Раиси вилояти Суғд Раҷаббой Аҳмадзода собиқадорони меҳнати ноҳияи Спитаменро аёдат намуд
СУҒД, 31.08.2022 /АМИТ «Ховар»/. Зимни сафари корӣ дар ноҳияи Спитамен Раиси вилояти Суғд Раҷаббой Аҳмадзода собиқадорони меҳнатро аёдат карда, ба онҳо кумаки моддӣ расонид, хабар доданд ба АМИТ «Ховар» дар Хадамоти матбуоти Раиси вилояти Суғд.
Раҷаббой Аҳмадзода аз ҳоли собиқадори соҳаи кишоварзӣ, дорандаи ордени Шараф Ҳайдарҷон Неъматҷонов ва собиқадори соҳаи маориф Турсунбой Эргашев хабар гирифта, ба онҳо саломатӣ ва хушиҳои рӯзгор таманно намуд.
Роҳбарияти вилоят дар асоси дастуру ҳидоятҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мунтазам собиқадорони меҳнатро дастгирӣ менамояд.
Зимни сафар ба ноҳияи Спитамен Раиси вилоят бо фаъолияти корхонаҳои истеҳсолии ҶДММ «Спитамен-текстайлз» ва ҶДММ «Ганҷи ҳилол» шинос шуда, барои зиёд намудани ҳаҷми истеҳсоли маҳсулот супориш дод.
Иттилоъ дода шуд, ки дар ҶДММ «Спитамен-текстайлз» ришта истеҳсол шуда, аз ашёи хоми ватанӣ маҳсулот тайёр ва ба кишварҳои Туркия, Олмон ва Лаҳистон содирот карда мешавад. Корхона имкон дорад дар як моҳ 120 тонна маҳсулот истеҳсол намояд. Дар айни замон 80 нафар дар ин корхона соҳиби ҷойи коранд.
Дар ҶДММ «Ганҷи ҳилол» истеҳсоли равған ба роҳ монда шуда, маҳсулот ба бозорҳои вилоят пешниҳод мегардад. Раиси вилоят барои захира намудани ашёи хом ва беҳтар намудани вазъи кунунии корхона ба масъулин супоришҳо дод.
Дар идомаи сафар Раҷаббой Аҳмадзода ҳамзамон дар хоҷагии деҳқонии «Оқтеппа» аз майдони ҷуворимакка, ки кишти такрорӣ мебошад, боздид карда, бо нашъунамои пахта шинос гардид.
АКС: Хадамоти матбуоти Раиси вилояти Суғд
Муовини Сарвазири Тоҷикистон дар ноҳияи Ёвон бо ҷараёни корҳои бартарафсозии оқибатҳои офати табиӣ шинос шуд
Ҷаласаи ташкилоти ибтидоии «Оморчиён»-и Ҳизби Халқии Демократии Тоҷикистон баргузор гардид
Сафири Тоҷикистон бо Раиси Суди иқтисодии ИДМ мулоқот намуд
Имрӯз дар баъзе ноҳияҳои Тоҷикистон боридани боронҳои сел пешгӯӣ мешавад
Имсол кирмакпарварони ноҳияи Хуросон беш аз 10 ҳазор килограмм пилла месупоранд
Дар Тоҷикистон Мусобиқаи ҷумҳуриявии «МегаФон Life бо сабки футбол» оғоз ёфт
Имрӯз дар баъзе ноҳияҳои Тоҷикистон борони кӯтоҳмуддат меборад
Дар озмуни вилоятии «Барномасози ҷавон» 34 довталаб аз муассисаҳои таълимии Бадахшон иштирок намуд
Дар ноҳияи Ёвон Дави миллӣ ва марафони велосипедронӣ баргузор шуд
Бахшида ба 70-солагии таъсиси шаҳри Бӯстон Озмуни шаҳрии «Китобхонаи беҳтарин» баргузор гардид
Кирмакпарварони ноҳияи Панҷ беш аз 78 фоизи нақшаи пилласупориро иҷро намуданд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Даври якуми озмуни ҷумҳуриявӣ дар муассисаҳои таҳсилоти миёна ва олии касбӣ оғоз гардид
