СЕМЕНТИ СИФАТИ ОЛӢ. Тоҷикистон содиркунандаи асосии ин маҳсулот ба Узбекистон гардид

Август 24, 2022 12:20

ДУШАНБЕ, 24.08.2022 /АМИТ «Ховар»/. Тоҷикистон содиркунандаи асосии семент ба Узбекистон гардидааст. Дар ин бора дар маркази матбуоти Кумитаи омори Узбекистон хабар доданд. Тибқи ҳисоботи кумита, дар моҳҳои январ-июли соли 2022 ба Узбакистон 1,3 миллион тонна семент ба маблағи умумии 52,5 миллион доллар ворид шудааст.

Дар 7 моҳи соли 2022 Узбекистон аз Тоҷикистон 533 ҳазор тонна семент харидааст.

Дар маҷмӯъ интиқоли ин маҳсулот ба кишвари ҳамсоя хеле кам шудааст, таъкид карданд дар вазорат. Ҳамин тариқ, аз моҳи январ то июл фиристодани семент нисбат ба ҳамин давраи соли 2021 421 ҳазор тонна кам шудааст.

Ҳамагӣ ҷумҳурӣ ба маблағи 52,5 миллион доллар 1,3 миллион тонна семент харидааст.

Кумитаи давлатии омор ҳамчунин аз содиркунандагони дигари ин маҳсулот ба Узбекистон ном бурд. Баъд аз Тоҷикистон Қирғизистон қарор дорад. Аз ин ҷумҳурӣ ба мамлакати ҳамсоя 385 ҳазор тонна семент фиристода шудааст.


Дар сегонаи аввал Қазоқистон, ки дар 7 моҳи соли 2022 ба Узбекистон 353 ҳазор тонна ин намуди маҳсулот ворид кардааст, қарор дорад. Туркманистон ҷои чорумро ишғол намуда, Тошканд аз ин кишвар ҳамагӣ 11,5 ҳазор тонна семент гирифтааст. Узбекистон аз Эрон 6,7 ҳазор тонна ва аз Чин 1,4 ҳазор тонна семент ворид кардааст. Рӯйхати содиркунандагони сементро Русия анҷом додааст. Дар муҳлати муайяншуда аз ФР ба Узбекистан 782 тонна маҳсулот расидааст.

Давлатҳои асосие, ки дар 7 моҳи соли 2022 ба Узбекистон семент содирот намудаанд:

Тоҷикистон – 533 ҳаз. тонна;
Қирғизистон – 385 ҳаз. тонна;
Қазоқистон — 353 ҳаз. тонна;
Туркманистон – 11,5 ҳаз. тонна;
Эрон – 6,7 ҳаз. тонна;
Чин – 1,4 ҳаз. тонна;
Русия — 782 тонна.

Тоҷикистон интиқоли семент ба Узбекистонро фаъолона идома медиҳад, вале истеҳсоли ин маҳсулот дар ҷумҳурӣ дар 6 моҳи соли 2022 нисбат ба ҳамин давраи соли гузашта 7,3% (ё қариб 157 ҳазор тонна) кам шудааст.

Мувофиқи маълумоти бахши саноатии мамлакат, дар шашмоҳаи аввали соли равон ҷумҳурӣ қариб 2 миллион тонна семент дастрас намуд.

Пештар Тоҷикистон ҳар сол ба хориҷи кишвар беш аз 1,5 миллион тонна семент интиқол медод. Харидорони анъанавии он- Афғонистон, Узбекистон ва Қирғизистон мебошанд.

АКС аз манбаъҳои боз

Август 24, 2022 12:20

Хабарҳои дигари ин бахш

Соли 2022 дар вилояти Суғд беш аз 2,2 ҳазор километр роҳ таъмир карда шуд
«Саноатсодиротбонк» ва Актиф Бонки Туркия масъалаҳои ҳамкории дуҷонибаро баррасӣ намуданд
Бонки миллии Тоҷикистон ва Дафтари Швейтсария оид ба ҳамкории иқтисодӣ самтҳои афзалиятнокро баррасӣ карданд
НИШАСТИ МАТБУОТӢ. Дар ноҳияи Тоҷикобод соли гузашта 51 лоиҳа мавриди амал қарор гирифт
Раёсати кишоварзии ноҳияи Мурғоб имсол ба соҳаҳои қутоспарварӣ, моҳидорию боғпарварӣ афзалият медиҳад
Дар Душанбе татбиқи лоиҳаҳои давлатии сармоягузорӣ баррасӣ шуд
Хадамоти зиддиинҳисорӣ: Соли 2022 зимни санҷишҳо ба маблағи 6,1 млн сомонӣ қонунвайронкунии зиддиинҳисорӣ ошкор карда шуд
НИШАСТИ МАТБУОТӢ. Соли 2022 аз ҷониби Cуди Олии иқтисодии Ҷумҳурии Тоҷикистон 3 568 парвандаи иқтисодӣ баррасӣ карда шуд
Тоҷикистон ва Русия фонди сармоягузорӣ таъсис медиҳанд
«Амонатбонк» ба муштариён беш аз 10 миллион сомонӣ қарзҳои ипотекӣ пешниҳод намудааст
Палатаи ҳисоби Тоҷикистон ва Идораи аудитори генералӣ ва назорати Ҳиндустон Ёддошти тафоҳум ба имзо расониданд
Дар хоҷагии ҷангали «Шӯрообод»-и ноҳияи Шамсиддини Шоҳин ниҳолхонаи нав ташкил карда шуд