ИШТИРОК КУНЕД, ДАЛЕРОНА КӮШЕД ВА ҒАЛАБА НАМОЕД! Озмуни Ҷоизаи ИДМ дар самти дастовардҳо дар соҳаи сифати маҳсулот ва хизматрасонӣ барои соли 2023 эълон гардид

Август 9, 2022 13:31

ДУШАНБЕ, 09.08.2022 /АМИТ «Ховар»/. Бо мақсади ҳавасмандгардонии сифат ва рақобатпазирии маҳсулоту хизматрасонӣ, имконияти содиротии онҳо, ҷорӣ намудани технологияҳои инноватсионӣ ва усулҳои самараноки идоракунӣ дар ташкилоти давлатҳои аъзои ИДМ дар ҷаласаи 61-уми Шӯрои байнидавлатӣ оид ба стандартизатсия, метрология ва сертификатсияи ИДМ, ки 14 июли соли 2022 баргузор гардид, ки дар он озмуни навбатии нуҳуми Ҷоизаи ИДМ барои дастовардҳо дар соҳаи сифати маҳсулот ва хизматрасонӣ дар соли 2023 эълон гардид. Дар ин бора ба АМИТ «Ховар» дар хадамоти матбуоти Кумитаи иҷроияи ИДМ хабар доданд.

Озмуни мазкур дар ду сол як маротиба тибқи Низомномаи озмуни дарёфти Ҷоизаи ИДМ барои дастовардҳо дар соҳаи сифати маҳсулот ва хизматрасонӣ, ки бо Қарори Шӯрои сарони кишварҳои ИДМ (дар таҳрир аз 29 майи соли 2020) тасдиқ шудааст, гузаронида мешавад.

Довталабони Ҷоиза метавонанд ташкилоте бошанд, ки маҳсулот истеҳсол мекунанд ва (ё) хизмат мерасонанд, ба шарте ки онҳо дар марҳилаи якуми (миллии) озмун ба финал баромада бошанд;

тасдиқи дараҷаи сифатнокии маҳсулот ва (ё) хизматрасонӣ дар давоми на камтар аз ду соли пеш аз озмун;

амалисозии содироти маҳсулот ва (ё) хизматрасонӣ ба як давлат — аъзои ИДМ ва беш аз ин.

Мукофот ба ташкилоте дода мешавад, ки ба миқдори зерин коргар доранд:

то 250 нафар; аз 250 то 1500 нафар; аз 1500 нафар ва бештар аз он; дар чор самти фаъолият: истеҳсоли маҳсулоти таъйиноти саноатӣ; истеҳсоли молҳои истеъмоли халқ; истеҳсоли маҳсулоти озуқаворӣ ва маҳсулоти кишоварзӣ;

хизматрасонӣ.

Иштирок дар озмун ихтиёрист.

Ғолибон дар ду марҳила муайян карда мешаванд: аз рӯи натиҷаҳои баҳодиҳии иштирокчиён аз ҷониби мақомоти миллӣ оид ба стандартизатсия, метрология ва сертификатсия ва бо роҳи гузаронидани ташхиси маводи пешниҳодшуда ва дар маҳал бо истифода аз баҳодиҳӣ тавассути холҳо.

Барои иҷрои корҳо дар марҳилаи дуюми озмуни Шӯрои байнидавлатӣ комиссияҳои экспертӣ иборат аз ду коршиноси давлати дигар (баробар) бо назардошти ҷойгиршавии ҷуғрофии онҳо тасдиқ карда мешаванд.

Қарор дар бораи додани Ҷоиза бо пешниҳоди раиси ҳакамон дар ҷаласаи Шӯрои иқтисодии ИДМ қабул карда мешавад.

Маросими супоридани ҷоизаҳо ба мукофотгирандагон, дипломгирандаҳо, инчунин ташкилоте, ки бо ҷоизаи махсуси «Эътироф намудани дастовардҳои тиҷоратӣ» сарфароз гаштаанд, дар вазъияти тантанавӣ бо иштироки намояндагони Кумитаи иҷроияи ИДМ баргузор мегардад.

Ба ғолибон ва ҷоизагирандагони озмун дипломҳо ва туҳфаҳо, инчунин ҳуқуқи истифодаи тасвири логотипи Ҷоиза давоми се сол ҳангоми тамғагузории маҳсулот ва бастаи онҳо, бо мақсади реклама ва ҳуҷҷатгузорӣ супорида мешавад.

Маълумот дар бораи ғолибон дар сомонаи Шӯрои байнидавлатӣ ҷойгир карда шуда, дар ВАО маводи иттилоотӣ ва маълумотнома интишор гардида, ба ҳукуматҳои кишварҳои узви ИДМ фиристода мешавад.

Ёдовар мешавем, ки аз соли 2006 дар ин озмун беш аз 140 корхона аз Беларус, Озарбойҷон, Арманистон, Қазоқистон, Қирғизистон, Молдова, Русия, Тоҷикистон ва Украина ширкат намуданд. Якбора ду ширкат аз Тоҷикистон – ҶДММ «Ваҳдат Текстил» (корхонае, ки аз ҷониби Ҷамъияти дорои масъулияташ маҳдуди «Ваҳдат» ва Гурӯҳи корхонаҳои «Ғаюр», соҳибкорон Акбар Ғуломов ва Илҳом Мирзоев дар доираи дастгирии доимии Ҳукумати Ҷумҳурии Тоҷикистон таъсис дода шудаанд) ва ширкати «Silkcoat boya» (корхонаи муштараки Тоҷикистону Туркия) барандаи Ҷоизаи ИДМ дар соли 2019 барои дастовардҳо дар соҳаи сифати маҳсулот ва хизматрасонӣ гардиданд.

АКС: хадамоти матбуоти КИ ИДМ

 

Август 9, 2022 13:31

Хабарҳои дигари ин бахш

Соли 2022 «Тоҷиксуғурта» ба буҷети ҷумҳурӣ қариб 7 миллион сомонӣ маблағ ворид намуд
БАХШИДА БА СОЛҲОИ РУШДИ САНОАТ. Корхонаҳои саноатии Хуҷанд соли 2022 ба маблағи беш аз 1,7 миллиард сомонӣ маҳсулот истеҳсол намуданд
Дар Душанбе дурнамои ҳамкории тиҷоративу иқтисодии Тоҷикистон ва Русияро баррасӣ намуданд
НАМОИШГОҲИ БАЙНАЛМИЛАЛИИ САЙЁҲИИ ITB BERLIN 2023. Ҳайати Тоҷикистон барои иштирок дар он омодагӣ мебинад
БА ИСТИҚБОЛИ 35-СОЛАГИИ ИСТИҚЛОЛИ ДАВЛАТӢ. Дар вилояти Суғд бунёди зиёда аз 700 корхонаву коргоҳи нави саноатӣ ба нақша гирифта шудааст
Соли 2022 Агентии «Тоҷикстандарт» наздик ба 888 ҳазор кг маҳсулоти гуногуни ба талабот ҷавобгӯ набударо ба қайд гирифт
ИСТИФОДАИ САМАРАНОКИ ЗАМИН. Деҳқони соҳибтаҷрибаи ноҳияи Қубодиён Азамат Абдураҳмонов ба ҳамдеҳагонаш ташкили дурусти гармхонаҳоро меомӯзонад
Соли 2022 яке аз солҳои рекордии болоравии нархҳои озуқа дар ҷаҳон гардид
Робитаҳои байналмилалии Хадамоти назорати давлатии бехатарии корҳо дар саноат ва соҳаи кӯҳкорӣ тақвият меёбанд
Бонки ҷаҳонӣ омода аст, ки ҳамкориро бо «Амонатбонк» густариш диҳад
«ТОҶИКИСТОН-ГАВҲАРИ КАШФНОШУДА ДАР САМОИ САЙЁҲӢ». Дар Душанбе Форум ва Намоишгоҳи байналмилалиии сайёҳӣ доир карда мешаванд
Дар Тоҷикистон дар доираи «Барномаи ҳамкорӣ дар соҳаи омӯзиши геологии қаъри замин барои солҳои 2023-2025» корҳо оғоз ёфтаанд