Абдураҳмон Аламшозода бо кормандони Консулгарии генералии Тоҷикистон ва намояндагони ҷамъиятҳо дар Алмаато мулоқот намуд

ДУШАНБЕ, 10.09.2022 /АМИТ «Ховар»/. Имрӯз, 10 сентябр муовини якуми Вазири корҳои дохилии Ҷумҳурии Тоҷикистон Абдураҳмон Аламшозода, ки бо сафари корӣ дар шаҳри Алмаато қарор дошт, аз Консулгарии генералии Тоҷикистон дар ин шаҳр дидан карда, бо намояндагони ҷамъиятҳо мулоқот намуд. Дар ин ба АМИТ «Ховар» дар Консулгарии генералии Тоҷикистон дар Алмаато хабар доданд.

Зимни вохӯрӣ муовини якуми Вазири корҳои дохилӣ Абдураҳмон Аламшозода оид ба дастовардҳои даврони Истиқлолият, корҳои азими бунёдкориву созандагии мамлакат таҳти сарварии Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ёдовар шуд.

А. Аламшозода ҳамчунин кормандони Консулгарии генералиро бо ҷашни асосии кишвар – 31-умин солгарди Истиқлолияти давлатии Ҷумҳурии Тоҷикистон табрик гуфта, ба онҳо дар роҳи созандагиву ободкорӣ, садоқат ба Ватан, инчунин гузоштани саҳми худ дар таҳкими амнияти миллӣ, ҳифзи манфиатҳои давлат баҳри шукуфоии Тоҷикистони азиз барору комёбиҳо таманно намуд.

АКС: Консулгарии генералии Тоҷикистон дар Алмаато