Абдураҳмон Аламшозода дар ҷаласаи Шӯрои вазирони корҳои дохилии кишварҳои узви ИДМ ширкат варзид
ДУШАНБЕ, 09.09.2022 /АМИТ «Ховар»/. Дирӯз, 8 сентябр дар шаҳри Чолпон-Отаи вилояти Иссиқкӯли Қирғизистон ҷаласаи Шӯрои вазирони корҳои дохилии кишварҳои узви ИДМ баргузор шуд. Дар он ҳайатҳои Озарбойҷон, Арманистон, Беларус, Қазоқистон, Қирғизистон, Русия, Тоҷикистон, Туркманистон, Узбекистон, инчунин намояндагони Кумитаи иҷроияи ИДМ, Бюрои ҳамоҳангсозии мубориза бо ҷиноятҳои муташаккил ва дигар намудҳои ҷинояткорӣ ва Маркази зиддитеррористии ИДМ иштирок намуданд. Ҳайати Тоҷикистонро муовини якуми Вазири корҳои дохилии ҶТ, генерал-лейтенант Абдураҳмон Аламшозода роҳбарӣ кард.
Тавре ба АМИТ «Ховар» дар хадамоти матбуоти Кумитаи иҷроияи ИДМ иттилоъ доданд, дар кори ҷаласа Вазири корҳои дохилии Ҷумҳурии Қирғизистон Улан Ниязбеков, Котиби Шӯрои амнияти Ҷумҳурии Қирғизистон Марат Иманқулов, Вазири корҳои дохилии Федератсияи Русия Владимир Колоколтсев, Вазири корҳои дохилии Ҷумҳурии Узбекистон Пӯлат Бобоҷонов, Вазири корҳои дохилии Ҷумҳурии Қазоқистон Марат Ахметжанов, Вазири корҳои дохилии Ҷумҳурии Беларус Иван Кубраков, Вазири корҳои дохилии Ҷумҳурии Озарбойҷон Эйвазов Вилаят Сулейман оглу, сардори полиси Ҷумҳурии Арманистон Ваге Казарян, муовини якуми Вазири корҳои дохилии Ҷумҳурии Тоҷикистон Абдураҳмон Аламшозода, директори Бюрои ҳамоҳангсозии мубориза бо ҷиноятҳои муташаккил ва дигар намудҳои ҷинояткорӣ ва Маркази зиддитеррористии ИДМ Олег Коновалов, сардори Маркази зиддитеррористии ИДМ Евгений Сисоев ва намояндаи Шӯрои вазирони корҳои дохилӣ дар Кумитаи иҷроияи ИДМ Валерий Дубровский ширкат варзиданд.
Иштирокчиёни ҷаласа доираи васеи масъалаҳоро оид ба андешидани чораҳои муштарак дар самти мубориза бо ҷинояткорӣ, аз ҷумла вазъи ҷинояткорӣ дар давлатҳои Иттиҳод, татбиқи барномаҳои байнидавлатии мубориза бо ҷиноятҳои махсусан хавфнок – гардиши ғайриқонунии маводи мухаддир, қочоқи аслиҳа, мубориза бо гурӯҳҳои ҷиноии фаромиллӣ, терроризм ва экстремизм муҳокима карданд.
Ҳамчунин масъалаҳои ҳамкории мақомоти корҳои дохилии кишварҳои ИДМ дар мубориза бар зидди ҷиноятҳои киберӣ, ҷустуҷӯи ҷинояткорони махсусан хавфнок, муомилоти ғайриқонунии моддаҳои нави психоактивӣ, психотропӣ ва нашъадор мавриди баррасӣ қарор гирифтанд.
Аз рӯйи натиҷаҳои ҷаласа қарорҳои дахлдор ба имзо расиданд.
Дар назар аст, ки ҷаласаи навбатии Шӯрои вазирони корҳои дохилии кишварҳои узви ИДМ соли 2023 дар Қазоқистон баргузор шавад.
АКС: Хадамоти матбуоти Кумитаи иҷроияи ИДМ
Ҳайати Тоҷикистон дар Форуми Осиё ва Уқёнуси Ором дар Филиппин иштирок намуд
Дар Кӯлоб ҷаласаи Шурои ҳамоҳангсозии фаъолияти мақомоти ҳифзи ҳуқуқ баргузор гардид
ҲАР АМАЛИ НОДУРУСТ ҶАВОБГАРӢ ДАР ПАЙ ДОРАД! Дар Душанбе паҳнкунандагони доруи психотропии «Прегабалин» дастгир шуданд
Ҳайати Тоҷикистон дар Вена дар конфронси Созмони Милали Муттаҳид оид ба мубориза бо қаллобӣ иштирок дорад
Дар Вена ҳамкории Тоҷикистон ва Британияи Кабир дар соҳаи ҳифзи ҳуқуқ баррасӣ гардид
14 МАРТ — РӮЗИ КОРМАНДОНИ МАҚОМОТИ ПРОКУРАТУРА. Бо назардошти вазъи геополитикии ҷаҳон дар назди кормандони он масъулияти баланд меистад
Агентии назорати маводи нашъаовари Тоҷикистон ва Раёсати СММ оид ба маводи нашъаовар ва ҷинояткорӣ ҳамкориро тақвият медиҳанд
Ҷаласаи навбатии Комиссияи даъвати ҷумҳуриявӣ оид ба омодагӣ ба даъвати баҳории соли 2026 ба хизмати ҳарбӣ доир гардид
Нозирони мизҳои ҳарбӣ дар шаҳри Бохтар ба машғулияти такмили ихтисос фаро гирифта шуданд
Дар Хатлон ҳамкории милитсия, омӯзгорон ва волидайн дар самти пешгирии ҷинояткорӣ байни ноболиғон тақвият меёбад
Ташаккул ва рушди фарҳанги киберамният дар низоми таълиму тарбия аҳамияти аввалиндараҷа касб мекунад
Ҳайати Тоҷикистон дар иҷлосияи Комиссияи СММ оид ба воситаҳои нашъадор иштирок дорад
