ҲАМЛАИ ТАҶОВУЗКОРОНАИ ҚИРҒИЗИСТОН. Тибқи қисми 2-и моддаи 11-и Конститутсияи Ҷумҳурии Тоҷикистон ташвиқоти ҷанг манъ аст

Сентябрь 23, 2022 10:58

ДУШАНБЕ, 23.09.2022. /АМИТ «Ховар»/. Мутобиқи қисми 2-и моддаи 11-и Конститутсияи Ҷумҳурии Тоҷикистон ташвиқоти ҷанг манъ аст. Яъне, мо тарғиб ва ташвиқи ҷангро дар дохил ва хориҷ аз сарҳади давлатӣ қабул надорем, ҳангоми муайян намудани сиёсати дохилӣ ва берунӣ ба меъёрҳо ва принсипҳои ҳуқуқи байналмилалӣ бартарӣ дода (қисми 3-и моддаи 10-и Конститутсияи Ҷумҳурии Тоҷикистон), онҳоро ба таври шоиста иҷро менамоем. Дар асоси моддаи 51-и Оинномаи СММ давлат ҳуқуқи худмудофиаро доро мебошад, дар сурате, ки давлати дигар ба сарҳади он ҳуҷуми мусаллаҳона анҷом диҳад. Ин матлабро ҳуқуқшинос, устоди Донишгоҳи миллии Тоҷикистон Некруз САФАРЗОДА баён намуд.

Ба зикри ҳуқуқшинос, ҳуҷуми таҷовузкорона ва ғайриинсонии низомиёни Қирғизистон ба қаламрави Ҷумҳурии Тоҷикистон 14-17 сентябр бори дигар шаҳодат аз он медиҳад, ки Қирғизистон ба таври ошкоро меъёрҳои муқаррарнамудаи конвенсияҳои Женева ва ду протоколи иловагӣ ба онҳоро комилан риоя накарда, меъёрҳои ҳуқуқи байналмилалии инсондӯстиро дағалона вайрон кард.

«Зеро дар моддаи 56 Оинномаи СММ пешбинӣ мегардад, ки давлатҳои аъзои созмон вазифадоранд санадҳои дар доираи мақомоти асосии Созмон қабулгардидаро ба таври қатъӣ риоя ва иҷро намоянд, ки онҳо ба таъмин намудани сулҳу амнияти байналмилалӣ ва риояи ҳуқуқу озодиҳои инсон равона шудаанд», — гуфт ӯ.

Аз  ҷониби Ҷумҳурии Тоҷикистон тамоми принсипҳо ва меъёрҳои ҳуқуқи байналмилалӣ риоя ва амалӣ мешаванд. Ин аст, ки Тоҷикистон бо 180 давлати дунё муносибати дипломатӣ ва робитаҳои дӯстӣ барқарор намудааст. Инчунин зиёда аз 57 ташкилоти байналмилалӣ моро ҳамчун давлати соҳибихтиёр, демократӣ, ҳуқуқбунёд, дунявӣ ва ягона ба узвияти худ пазируфтаанд.

Ҷомеаи байналмилалӣ аз ибтикор ва ташаббусҳои ҷаҳонии Ҷумҳурии Тоҷикистон дар роҳи таъмини сулҳи ҷаҳонӣ, амнияти минтақавӣ, решакан намудани терроризм ва ифротгароӣ, қочоқи инсон ва пешгирӣ аз гардиши ғайриқонунии маводи мухаддир комилан огоҳ аст.

Зарангези ЛАТИФ,
АМИТ «Ховар»

АКС: АМИТ «Ховар»

Сентябрь 23, 2022 10:58

Хабарҳои дигари ин бахш

ХИЗМАТ БА ВАТАН ШАРАФ АСТ! Дар Тоҷикистон барои даъвати тирамоҳии шаҳрвандон ба хизмати ҳарбӣ корҳои омодагӣ ҷараён доранд
Пешвои миллат Эмомалӣ Раҳмон дастур доданд, ки Маркази миллии тарҷумаи назди Ҳукумати Тоҷикистон таъсис дода шавад
Пешвои миллат Эмомалӣ Раҳмон беэътиборӣ ё беэҳтиромиро нисбат ба забон қотеътарин далели надоштан ё гум кардани ҳисси миллӣ номиданд
Шумораи қурбониёни тирпаронӣ дар Ижевски Россия ба 17 нафар расид
БОҒИ ДӮСТИИ ТОҶИКОНУ УЗБЕКҲО ДАР СИМОИ ПРЕЗИДЕНТОНИ ДУ ДАВЛАТ БОҒБОНҲОИ АСИЛИ ХУДРО ДОРАД. Ё чӣ гуна Шароф Рашидов ва пайравони ӯ решаҳои нахли дӯстиро мустаҳкамтар намуданд
БА ИСТИҚБОЛИ 30-СОЛАГИИ ИҶЛОСИЯИ XVI ШӮРОИ ОЛӢ. Адолат Раҳмонова: «Бузургӣ ва марди худодод будани Эмомалӣ Раҳмон аз ҳамон лаҳзаҳо аллакай ҳувайдо буд»
ҲАМЛАИ ТАҶОВУЗКОРОНАИ ҚИРҒИЗИСТОН. Имрӯз Раиси вилояти Суғд бо намояндагони ВАО мулоқот намуд
ПАС, ТАҶОВУЗКОР КИСТ? Сироҷиддин Муҳриддин аз минбари СММ натиҷаҳои ҳамлаи таҷовузкоронаи Қирғизистонро ба самъи ҷомеаи ҷаҳонӣ расонид
Фарҳод Раҳимӣ ҳамлаи таҷовузкоронаи Қирғизистонро ба шеваи таҳоҷуми гурӯҳҳои террористии байналмилалие, чун «Ал-Қоида»* ва «ДОИШ»* шабоҳат дод
БА ОСИЁБИ ДУШМАНОНИ МИЛЛАТ ОБ НАРЕЗЕД! Изҳороти Мақомоти иҷроияи ҳокимияти давлатии вилояти Суғд ба гузориши иғвоангези Радиои «Озодӣ»
НЕК АНДЕША КУНЕД! Муроҷиат ба мардуми Қирғизистон
Кумакҳои моддии Пешвои миллат ба оилаҳои аз низоъҳои наздисарҳадӣ зарардидаи вилояти Суғд дастрас гардиданд