ҲАМЛАИ ТАҶОВУЗКОРОНАИ ҚИРҒИЗИСТОН. Ваколатдор оид ба ҳуқуқи инсон дар Тоҷикистон Умед Бобозода даъват кард, ки ба ҳодисаҳои охир бо чашми ҳақиқат ва аз рӯи воқеият баҳо дода шавад

Сентябрь 20, 2022 14:01

ДУШАНБЕ, 20.09.2022 /АМИТ «Ховар»/. Мо чун ниҳоди миллии ҳифзи ҳуқуқи инсони Тоҷикистон бо такя ба иттилои расмӣ ҷиҳати қурбон шудани одамон дар ин низоъ (41 нафар кушташуда аз ҷониби Тоҷикистон) аз созмонҳои байналмилалӣ, ниҳодҳои миллии ҳифзи ҳуқуқи инсон ва коршиносони  сатҳи ҷаҳонӣ даъват менамоем, ки ба ҳодисаҳои охир ба чашми ҳақиқат ва аз рӯи воқеият баҳо гузоранд, чунки Ҷумҳурии Тоҷикистон ҳамеша ба таври осоишта, бо роҳи гуфтушунидҳо ҳал намудани ҳама гуна баҳсҳо, хусусан баҳсҳои сарҳадиро дар мадди аввал мегузорад ва намегузорад, ки бо сиёсати иғвогаронаи баъзе шахсони мансабдори қирғиз аҳолии бегуноҳи осоишта ва сарҳадбонон қурбонӣ гарданд. Чунин изҳор доштааст ба АМИТ «Ховар» Ваколатдор оид ба ҳуқуқи инсон дар Ҷумҳурии Тоҷикистон Умед Бобозода дар робита ба ҳамлаи таҷовузкоронаи Қирғизистон.

Ӯ ёдовар шуд, ки дар амалиёти таҷовузкоронаи мусаллаҳонае, ки аз 14 то 17 сентябр дар минтақаҳои наздисарҳадии Тоҷикистон аз ҷониби низомиёни Қирғизистон сурат гирифт, ҳаёти афсарону аскарон, гурӯҳҳои осебпазири ҷомеа, аз ҷумла занону кӯдакон ва пирону маъюбон зери хатар монд.

Мавсуф зикр намуд, ки ҳама гуна муноқиша, махсусан муноқишаҳои мусаллаҳона миёни давлатҳо, пеш аз ҳама, барои инсонҳо фоҷеа буда, дар ин раванд ҳуқуқу озодиҳои инсон, аз ҷумла ҳуқуқ ба ҳаёт ва  саломатӣ ва дигар ҳуқуқҳои бунёдии шаҳрвандон поймол мегарданд.

«Тоҷикистон ҳамеша ҷонибдори тариқи гуфтушунид ва бо роҳҳои дипломатӣ ҳал намудани муноқишаи сарҳадӣ буда, барои ҳалли мусолиҳатомези масъалаҳои сарҳадӣ пайваста талош мекунад. Даъватҳои чандинкаратаи ҷониби Тоҷикистон оид ба оташбас бенатиҷа монда, ҷониби Қирғизистон аз роҳи ҳалли қазия тариқи гуфтушунид сарпечӣ намуда, муноқишаҳои мусаллаҳонаро идома дод. Тавре аз иттилоияи маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон бармеояд,  танҳо субҳи 16 сентябр ду маротиба ба оташбаси якҷонибаи Ҷумҳурии Тоҷикистон низомиёни қирғиз бо оташкушоии пуршиддат аз тамоми намудҳои силоҳ ба ҷониби нуқтаҳои аҳолинишин посух доданд»,- иброз дошт Ваколатдор оид ба ҳуқуқи инсон дар Ҷумҳурии Тоҷикистон..

Ин аз он дарак медиҳад, ки ҷониби Қирғизистон ғайр аз риоя накардани шартҳои оташбас кулли санадҳои байналмилалии ҳуқуқи инсон, аз ҷумла, принсипҳои бунёдии ҳуқуқи байналмилалӣ, ки дар як маврид онҳо дар Оиномаи СММ ба ҳайси принсипҳои асосӣ ҷой дода шудаанд, гузашта аз ин, Конвенсияи Женева аз соли 1949 ва дигар санадҳои ҳуқуқи байналмилалиро, ки узви онҳо мебошад, пайваста вайрон кардааст.

Ҳамчунин аз ҷониби Қирғизистон дар шабакаҳои иҷтимоӣ маълумоти беасос ва иғвоангезе паҳн гардида истодаанд, ки ба мураккабтар намудани вазъият дар хати сарҳади давлатии ду кишвар нигаронида шудаанд.

АКС: АМИТ «Ховар»/Хадамоти матбуоти вилояти Суғд

Сентябрь 20, 2022 14:01

Хабарҳои дигари ин бахш

ҲУКУМАТИ ТОҶИКИСТОН ОМӮЗГОРОНРО ДАСТГИРӢ МЕКУНАД. Ба онҳо хона, замин барои бунёди манзил ва боғдорӣ ҷудо гардида, қарзҳои имтиёзнок дода мешаванд
ДАР АРАФАИ СОЛИ НАВИ МИЛОДӢ. Вакили Маҷлиси вакилони халқи шаҳри Душанбе Маҳмудҷон Муродов аз номи Раиси Маҷлиси миллӣ Рустами Эмомалӣ ба сарбозону афсарон кумаки моддӣ ва туҳфаҳо расонид
СТАНИСЛАВ ЗАС СУХАНОНИ РУСТАМИ ЭМОМАЛИРО ДАСТГИРӢ КАРД. Созмони Аҳдномаи амнияти дастҷамъӣ таҳаддуди пайваста аз қаламрави Афғонистонро таъйид сохт
Jazeera Airlines Кувайтро бо Тоҷикистон мепайвандад
АСРОРИ АБРЕШИМ. Тоҷикон онҳоро ҳазорон сол пеш медонистанд ва аз он замон то ба имрӯз анъанаҳои бофтани атласи миллиро нигоҳ медоранд
КОРОНАВИРУС НЕ, ЗУКОМИ МАВСИМӢ. Вазорати тандурустӣ ва ҳифзи иҷтимоии аҳолии Тоҷикистон аз сокинон даъват мекунад, ки ба худтабобаткунӣ машғул нашаванд
Номинаи муштараки Тоҷикистон «Анъанаи нақли латифаҳои Хоҷа Насриддин» ба Феҳристи мероси фарҳанги ғайримоддии башарият ворид шуд
ХАБАРИ ХУШ! Номинатсияи муштараки Тоҷикистон «Кирмакпарварӣ ва истеҳсоли анъанавии абрешим барои бофандагӣ» ба Феҳристи мероси фарҳанги ғайримоддии башарият ворид шуд
НАРХИ ТУХМИ МУРҒ БА ЧӢ ВОБАСТА АСТ? Ба ин савол муовини якуми Вазири кишоварзии Тоҷикистон Музаффар Мирзозода посух дод
ЭҲТИЁТ ШАВЕД! Коронавирус дар Осиёи Марказӣ боз хуруҷ кард
БЛОГ ЧИСТ ВА БЛОГЕР КИСТ? Назари коршиносон оид ба танзими муносибатҳо дар фаъолияти корбарони интернетӣ
ДИҚҚАТ, ЭҲТИЁТ НАМОЕД! Миқёси маҳдудият дар Чин бар асари афзоиши COVID рекордӣ шудааст