БА ИСТИҚБОЛИ ҶАШНИ 35-СОЛАГИИ ИСТИҚЛОЛИЯТИ ДАВЛАТӢ. Дар ноҳияи Рашт 5 бунгоҳи тиббӣ мавриди истифода қарор гирифт
РАШТ, 24.09.2022. /АМИТ «Ховар»/. Соли равон дар ноҳияи Рашт ба ифтихори ҷашни 35-солагии Истиқлолияти давлатӣ 5 бунгоҳи тиббӣ мавриди баҳрабардорӣ қарор дода шуданд, хабар медиҳад хабарнигори минтақавии АМИТ «Ховар» Субҳониддини МАҲМУД.
Тибқи иттилои сардори КАТС-и ноҳияи Рашт Муҳсиддин Мирзоқурбонов, биноҳҳои тиббии деҳаҳои Ғарми боло, Қалъаи шайх, Кочон, Нишриён ва Истиқлоли ноҳия садамавию ба талаботи имрӯза мувофиқ набуданд. Аз ин рӯ бо дастгирии Мақомоти иҷроияи ҳокимияти давлатии ноҳияи Рашт, Вазорати тандурустӣ ва ҳифзи иҷтимоии аҳолии ҷумҳурӣ ва соҳибкорони бонанги диёр биноҳои нав сохта, ба истифода дода шуданд, ки ин бо таҷҳизоти муосири соҳаи тандурустӣ ва мизу курсиҳои замонавӣ таъмин гардидаанд.
Дар доираи нақшаи чорабиниҳои ҷашни 35-солагии Истиқлолияти давлатӣ дар Ҷамоати деҳоти Ҳоити ноҳия бинои маркази саломатии деҳот ояндаи наздик ба истифода дода мешавад. Сохтмони бинои мазкур ба анҷом расида, дар айни замон корҳои рангубори бино идома доранд. Ҳамчунин дар деҳаи Болошаҳри Ҷамоати деҳоти Оби меҳнати ноҳия аз тарафи соҳибкорони маҳаллӣ нуқтаи тиббӣ ба истифода дода мешавад.
Муҳсиддин Мирзоқурбонов иброз дошт, ки «таҳти сиёсати бунёдкоронаи Пешвои миллат муҳтарам Эмомалӣ Раҳмон давра ба давра биноҳои кӯҳнаю садамавии бунгоҳҳои тиббӣ ва марказҳои саломатии деҳот дар ноҳияи Рашт таҷдид ва аз нав сохта мешаванд. Бо дарназардошти зиёдшавии аҳолӣ ва бунёди маҳаллаҳои нав бо дастгирии Раиси ноҳияи Рашт Раҳимҷон Муқимӣ қитъаҳои замин ҷудо гардида, биноҳои нави бунгоҳҳои тиббӣ ба истифода дода шуда истодаанд, ки чунин иқдоми бунёдкорона минбаъд низ амалӣ карда мешавад».
АКС: Мақомоти иҷроияи ҳокимияти давлатии ноҳияи Рашт
Дар Хуҷанд Боғи фарҳангӣ-фароғатии ба номи Абулқосим Фирдавсӣ бунёд карда мешавад
Дар Душанбе бахшида ба Рӯзи кормандони мақомоти назорати давлатии молиявӣ ва мубориза бо коррупсия ҷамъомад баргузор шуд
Дар ноҳияи Мастчоҳ корҳои ободонию созандагӣ вусъат меёбанд
ИМРӮЗ — РӮЗИ КОРМАНДОНИ МАҚОМОТИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯ. Аз таъсиси Агентии назорати давлатии молиявӣ ва мубориза бо коррупсия 19 сол пур шуд
АМАЛИ САВОБ. Сокини 80-солаи ноҳияи Тоҷикобод 50 ҳазор сомонияшро барои кашидани хати оби нӯшокӣ дар деҳаашон сарф намуд
Неругоҳи барқи обии «Себзор» давоми фаъолият беш аз 21 миллион кВт-соат неруи барқ истеҳсол намудааст
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
Агентии «Тоҷикстандарт»: «Аз маҳсулоти ширкати «Nestle» бо тамғаи NAN дар марҳилаи муайяншуда истифода набаред!»
Тоҷикистон ҳамкориро бо Бонки осиёии сармоягузории инфрасохторӣ тақвият медиҳад
Бонки миллии Тоҷикистон: иттилои паҳншуда дар бораи он, ки Бонки миллӣ бо 1 фоиз қарз медиҳад, воқеият надорад
Дар Ишкошим зеристгоҳи барқии «Қозидеҳ» ба истифода дода мешавад
Дар Вазорати рушди иқтисод ва савдо оид ба иҷрои супоришҳои Президенти Тоҷикистон дар Паём ба Маҷлиси Олӣ ҷаласа доир шуд
