БА ОСИЁБИ ДУШМАНОНИ МИЛЛАТ ОБ НАРЕЗЕД! Изҳороти Мақомоти иҷроияи ҳокимияти давлатии вилояти Суғд ба гузориши иғвоангези Радиои «Озодӣ»

Сентябрь 23, 2022 08:30

ДУШАНБЕ, 23.09.2022 /АМИТ «Ховар»/. Мақомоти иҷроияи ҳокимияти давлатии вилояти Суғд гузориши Радиои «Озодӣ»-ро аз 22 сентябри соли равон дар бораи он ки гӯё роҳбарияти олии кишвари мо ба оилаҳои дар натиҷаи ҳамлаи таҷовузкоронаи  Қирғизостон осебдида таъзия баён нанамуд ва  беэтиноӣ зоҳир мекунанд,  мавриди баррасӣ қарор дода,  онро дурӯғи маҳз ва таҳрифи рӯирости асли воқеа арзёбӣ намуд, менависад  хабарнигори АМИТ «Ховар» бо истинод ба Хадамоти матбуоти Раиси вилояти Суғд.

«Бо оғози муноқишаҳои ахири марзӣ бинобар ҳуҷуми таҷовузкоронаи низомиёни Қирғизистон масъалаи таъмини амнияти сокинони наздисарҳадӣ ва ҳифзи марзу буми Ватан таҳти таваҷҷуҳи Ҳукумати Ҷумҳурии Тоҷикистон қарор гирифта, барои таъмини субот дар минтақа аз тамоми имконият истифода гардид», — зикр намуданд дар хадамоти матбуот.

Бинобар суханони намояндаи хадамот, сокинон хуб медонанд, ки роҳбарияти олии мамлакат ҳамеша дар паҳлӯи мардум буда, ҳимояи амният ва дастгирии аҳолиро дар рӯзҳои сахт вазифаи ҷонии худ меҳисобад.

«Бо супориши махсуси Пешвои миллат муҳтарам Эмомалӣ Раҳмон худи ҳамон рӯз Сарвазири мамлакат Қоҳир Расулзода, Раиси вилояти Суғд Раҷаббой Аҳмадзода, Фармондеҳи Қушӯнҳои сарҳадии КДАМ Ҷумҳурии Тоҷикистон Раҷабалӣ Раҳмоналӣ, раисони шаҳру ноҳияҳо ба манзили шаҳидон рафта, фотеҳа хондаву изҳори ҳамдардии амиқи Президенти мамлакатро ба аҳли оила ва пайвандони онҳо расониданд», — иттилоъ доданд ба хабарнигори АМИТ «Ховар» дар хадамоти матбуоти Раиси вилоят.


Таъкид гардид, ки нашри чунин гузоришҳои иғвоангез дар лаҳзаҳои ҳассос ба манфиати кор  нахоҳад буд.  «Чунин гузоришҳо ба осиёби душманони миллат ваа олами ҷиноӣ об мерезад. Воситаҳои ахбори омма баръакс бояд ба беҳбуди вазъият ва суботи ҷомеа мусоидат намоянд. Бинобарин, аз онҳо даъват менамоем, ки дар ин рӯзҳои сахт дар канори мардум бошанд», — гуфтанд дар хадамот.

АКС: Хадамоти матбуоти Раиси вилояти Суғд

Сентябрь 23, 2022 08:30

Хабарҳои дигари ин бахш

Президенти Тоҷикистон: «Ҷашни Наврӯз ва истиқлолу озодӣ – ин ду мафҳуми барои ҳар яки мо азизу муқаддас аст»
«КАЪБА ЧӢ МЕРАВӢ, ДИЛЕРО ДАРЁБ…». Андешаҳо дар ҳошияи мулоқоти Президенти Тоҷикистон бо фаъолону намояндагони ҷомеа ва ходимони дин
Пешвои миллат: «Боиси ифтихор аст, ки Наврӯз – калимаи асили тоҷикӣ, яъне «рӯзи нав» ҳоло барои миллионҳо аҳолии сайёра ҳамчун рӯзи ҷашни фархунда вирди забон аст»
Эмомалӣ Раҳмон: «Наврӯз аз ҷумлаи бузургтарин ва маҳбубтарин ҷашнҳои тоҷикон мебошад»
СИЁСИШАВИИ ДИН — ХАТАР БА ФАРҲАНГИ МИЛЛӢ ВА СУБОТИ ҶОМЕА. Андешаҳои профессор Нозим Маҳмадизода дар ин мавзуъ
Президенти Тоҷикистон: «Бо назардошти шароити замона анъанаи неки гузаштагон – сарфаю сариштакориро бояд риоя намоем»
Сулаймон Талбакзода: «Дарси хештаншиносӣ ва хизмат ба халқу Ватанро аз Пешвои миллат бояд омӯзем»
Президенти Тоҷикистон: «Мушкилоти таъмини аҳолии сайёра бо озуқаворӣ моро водор менамояд, ки ҳар қитъа заминро оқилонаву самаранок истифода барем»
Пешвои миллат Эмомалӣ Раҳмон: «Ойинҳои наврӯзӣ аҳли башарро ба таҳаммулгароӣ, бунёдкориву созандагӣ ҳидоят менамоянд»
Пешвои миллат: «Дар шароити кунунӣ зарур аст, ки ба кишти такрорӣ, гирифтани се – чор ҳосил аз заминҳои обӣ эътибори аввалиндараҷа дода шавад»
Наврӯз дар баробари забони тоҷикӣ бунёди худшиносии тоҷиконро низ ташаккул додааст
Пешвои миллат Эмомалӣ Раҳмон: «Мақому ҷойгоҳи Наврӯз он қадар баланд буд, ки ҳеҷ монеа ва қуввае онро натавонист аз байн барад»