Дар даврони соҳибистиқлолии Тоҷикистон рушди миёнасолонаи иқтисодиёт дар сатҳи беш аз 7 фоиз таъмин гардид

Сентябрь 6, 2022 09:02

ДУШАНБЕ, 06.09.2022 /АМИТ «Ховар»/. Дар натиҷаи андешидани тадбирҳои саривақтии Ҳукумати Ҷумҳурии Тоҷикистон дар даврони соҳибистиқлолӣ рушди миёнасолонаи иқтисодиёт дар сатҳи беш аз 7 фоиз таъмин гардида, ҳаҷми воқеии маҷмӯи маҳсулоти дохилӣ 4,6 маротиба зиёд шуд. Ин нукта дирӯз, 5 сентябр зимни вохӯрии Вазири рушди иқтисод ва савдо, мудири кишварии Бонки исломии рушд аз Тоҷикистон Завқӣ Завқизода бо роҳбари Фонди «Зиндагӣ ва рӯзгордорӣ»-и Бонки исломии рушд Валид Аддас зикр гардид.

Тавре ба АМИТ «Ховар» дар Вазорати рушди иқтисод хабар доданд, дар мулоқот ҳамчунин 19 аъзову мутасаддиёни фонд ва Директори минтақавии Бонки исломии рушд дар Осиёи Марказӣ Иброҳим Шукрӣ иштирок намуданд.

З. Завқизода ба ҳайати Бонки исломии рушд ва Фонди «Зиндагӣ ва рӯзгордорӣ»-и Бонки исломии рушд барои дастгирии рушди иқтисодию иҷтимоии кишвар минатдорӣ баён карда, иброз намуд, ки Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар сиёсати пешгирифтаи худ ба рушди соҳаҳои иҷтимоӣ, аз ҷумла соҳаи тандурустӣ афзалияти аввалиндараҷа зоҳир менамоянд.

Дар замони соҳибистиқлолӣ дар кишвар 2723 муассисаи тандурустӣ  ба истифода супорида шудаанд, ки шумораи онҳо то имрӯз ба 5116 муассисаи тиббӣ расонида шуд. Сатҳи камбизоатии аҳолӣ аз 83 фоизи соли 1999 ба 26,3 фоиз дар соли 2020 коҳиш дода шуд. Соли 2020 дарозумрии аҳолӣ ба 75,1 сол баробар шуд, ки ин нишондиҳанда нисбат ба соли 1991-ум 5 сол зиёд мебошад. Нишондиҳандаҳои фавти умумӣ дар ин давра 40 фоиз, фавти модарон ҳангоми таваллуд 73 фоиз ва фавти кӯдакони то 5-сола 85 фоиз паст гардид.

Фонди «Зиндагӣ ва рӯзгордорӣ» соли 2016 таъсис дода шуда, дар айни замон ба 33 кишвари аъзои Бонки исломии рушд хизмат мерасонад. Он дар Ҷумҳурии Тоҷикистон лоиҳаи «Беҳтар намудани хизматрасонии тиббӣ барои модар ва кӯдак дар 4 ноҳияи вилояти Хатлони Ҷумҳурии Тоҷикистон»-ро бо маблағи 27 млн доллари ИМА татбиқ дорад.

Дар вохӯрӣ масъалаҳои ҷараёни иҷрои лоиҳаи «Беҳтар намудани хизматрасонии тиббӣ барои модар ва кӯдак дар 4 ноҳияи вилояти Хатлони Ҷумҳурии Тоҷикистон», беҳтар намудани хизматрасонии тиббӣ, беҳдошт ва таъмини оби нӯшокӣ дар ноҳияҳои дурдасти кишвар мавриди муҳокима қарор гирифтанд.

Дар идомаи мулоқот З. Завқизода аз ҷониби ҳайати Бонки исломии рушд даъват ба амал овард, ки бо назардошти таъсири буҳронҳои ҷаҳонии имрӯза маблағгузориро ба дастгирии соҳаҳои афзалиятноки иқтисоди миллӣ, бахусус ҳалли масъалаҳои иҷтимоӣ бештар намоянд. Даъвати мазкур аз ҷониби меҳмонон хуш пазируфта шуд.

АКС: Вазорати рушди иқтисод ва савдои ҶТ

Сентябрь 6, 2022 09:02

Хабарҳои дигари ин бахш

Дар Эстония Хонаи савдои Тоҷикистон таъсис дода мешавад
Намояндагони Тоҷикистон дар «Аirspace world 2024» дар Женева иштирок намуданд
Роҳбари хоҷагии деҳқонии «Бобои Носир»: «Истифодаи оқилонаи 7,5 гектар замин ва даромад аз он дар баланд гардидани сатҳи зиндагии 5 оила мусоидат намуд»
Деҳқонони ноҳияи Мастчоҳ имсол дар майдони зиёда аз 23 ҳазор гектар кишту парвариши зироати кишоварзиро ба нақша гирифтаанд
Дар шаҳри Хуҷанд Намоишгоҳи X байналмилалии савдо «Суғд-2024» доир мегардад
«РОҲ БА СӮИ ТИЁНШОН». Душанбе охири моҳи май мизбони конфронси байналмилалӣ мегардад
Соли 2023 ба буҷети шаҳри Гулистон аз ҳисоби хизматрасонии сайёҳӣ ва табобатӣ зиёда аз 40 миллион сомонӣ ворид шуд
Ҳоҷагидорони Кооперативи истеҳсолии «Сомон-Бохтар»-и ноҳияи Кӯшониён майдони парвариши лимӯро васеъ менамоянд
Сардхонаи муосири деҳоти «Файзи Истиқлол»-и ноҳияи Кӯшониён ба аҳолӣ хизмат мерасонад
«ТОҶИКИСТОН-2024». Дар Душанбе Намоишгоҳи байналмилалии универсалӣ доир мешавад
120 гектар замини канори деҳаи Ғӯсари шаҳри Панҷакент бо оби полезӣ таъмин мегардад
Масъалаи тезонидани корҳо оид ба тармим ва навсозии нақби «Истиқлол» дар Душанбе баррасӣ гардид