ИСТЕҲСОЛИ ҚУВВАИ БАРҚ ДАР ТОҶИКИСТОН АФЗУД. Зиёда аз 93,5 фоизи онро неругоҳҳои барқи обӣ истеҳсол намудаанд

Сентябрь 3, 2022 15:30

ДУШАНБЕ, 03.09.2022 /АМИТ «Ховар»/. Ҳаҷми умумии истеҳсоли неруи барқ ​​дар Тоҷикистон дар ҳафт моҳи соли равон 12 миллиарду 502,7 миллион кВт/соатро ташкил дод, ки нисбат ба ҳамин давраи соли 2021 360,9 миллион кВт/соат ё 3 фоиз зиёд аст. Дар ин бора ба АМИТ «Ховар» дар Вазорати энергетика ва захираҳои оби Ҷумҳурии Тоҷикистон хабар доданд.

Вазорати энергетика ва захираҳои оби кишвар ҳамзамон иттилоъ медиҳад, ки беш аз 93,5 фоизи неруи барқ дар неругоҳҳои барқи обӣ истеҳсол шуда, дар ин давра 11 миллиарду 697,5 миллион кВт/соат неруи барқ ​​тавлид шудааст. Ин рақам беш аз 93,5 фоизи ҳаҷми умумии неруи барқро ​​дар саросари кишвар ташкил медиҳад. Дар марказҳои гармидиҳии электрикӣ бештар аз 1,1 миллиард киловатт-соат энергияи гармӣ ҳосил гардидааст. Ҳаҷми энергияи гармӣ дар ин давра 675,8 ҳазор Гкалро ташкил дод. Ин нисбат ба 7 моҳи аввали соли 2021-ум 5,8 % камтар мебошад. Дар баробари ин неругоҳҳои офтобӣ ҳамагӣ 2000 киловатт-соат неруи барқ истеҳсол намудаанд.

Аз вазорат таъкид намуданд, ки дар зарфи каме бештар аз шаш моҳ Тоҷикистон барои фурӯши неруи барқ ​​ба дигар кишварҳо беш аз 64 миллион доллар дарёфт кардааст. Чунин рақамҳо нисбат ба ҳамин давраи соли 2021 17% бештар аз содирот мебошанд.

Охирҳои моҳи август маълум шуд, ки Тоҷикистон фурӯши неруи барқро ба хориҷи кишвар афзоиш додааст. Афгонистон ва Узбекистон харидорони асосии неруи барқ гардиданд.

Ширкати «Барқи тоҷик» ҳамчунин аз афзоиши истеҳсол ва фурӯши неруи барқ ​​хабар додааст. Ҳаҷми захираҳои тавлидшуда дар 6 моҳи соли 2022 беш аз 7 миллиард кВт/соатро ташкил дод.

Марзия САИДЗОДА,
АМИТ «Ховар»

АКС аз манбаъҳои боз

Сентябрь 3, 2022 15:30

Хабарҳои дигари ин бахш

МАСЛИҲАТИ МУТАХАССИС. Қулфинай сарчашмаи асосии витамини С мебошад
Дар Тоҷикистон дар заминҳои лалмӣ шолӣ парвариш карда мешавад
Муносиботи Тоҷикистон ва Чин бар руҳияи дӯстӣ, робитаҳои неки ҳамсоягию таърихӣ ва шарикии стратегӣ асос ёфтаанд
Роҳбарони ниҳодҳои ҳифзи муҳити зисти Созмони Ҳамкории Шанхай дар Остона масъалаҳои экологӣ ва тағирёбии иқлимро баррасӣ намуданд
Президенти Тоҷикистон аз он изҳори нигаронӣ намуданд, ки соли 2023 дар Хатлон 900 гектар замини корами обӣ аз гардиши кишоварзӣ берун мондааст
Дар Душанбе бахшида ба Рӯзи кормандони соҳаи стандартизатсия ва метрология конфронси ҷумҳуриявӣ доир шуд
25 МАЙ-РӮЗИ КОРМАНДОНИ СОҲАИ СТАНДАРТИЗАТСИЯ ВА МЕТРОЛОГИЯ. «Тоҷикстандарт» ташхиси сифати молу маводро тибқи меъёрҳои замонавӣ таъмин менамояд
АЗ ИФТИТОҲИ ГУЗАРГОҲИ САРҲАДИИ «КУЛМА ҚАРОСӮ» 20 СОЛ СИПАРӢ ШУД. Нақши он дар тақвияти робитаҳои тиҷоратии Тоҷикистон ва Чин муассир аст
РӮЗИ БАЙНАЛМИЛАЛИИ МОРХӮР. Бахшида ба рӯзи ин ҳайвони нодир конференсия доир шуд
24 МАЙ- РӮЗИ БАЙНАЛМИЛАЛИИ БУЗИ МОРХӮР. Шумораи бузи кӯҳии пармашох–Морхӯр дар Тоҷикистон беш аз 6000 сарро ташкил медиҳад
Бонки ҷаҳонӣ талошҳои Тоҷикистонро дар самти тавсеаи ҳисоббаробаркунии ғайринақдӣ ҷонибдорӣ менамояд
Таваҷҷуҳи соҳибкорони Чин ба бунёди коргоҳ ва корхонаҳои истеҳсолӣ дар вилояти Хатлон меафзояд