«30 СОЛИ СОЗАНДАГӢ БО ПЕШВОИ МИЛЛАТ». «Албом-Эстафета» ба ноҳияи Мир Сайид Алии Ҳамадонӣ расид
ДУШАНБЕ, 22.10.2022 /АМИТ «Ховар»/. 20 октябр Раиси ноҳияи Восеъ Ҷамшед Шарифзода ва Раиси КИ ҲХДТ дар ин ноҳия Ҳафиза Раззоқ «Албом Эстафета»-ро, ки бо ибтикори Кумитаи иҷроияи Ҳизби Халқии Демократии Тоҷикистон бахшида ба 30-солагии Иҷлосияи ХVI Шӯрои Олии Ҷумҳурии Тоҷикистон таҳти унвони «30 соли созандагӣ бо Пешвои миллат» дар шаҳру ноҳияҳои вилояти Хатлон баргузор гардида истодааст, дар даромадгоҳи ба ноҳияи Мир Сайид Алии Ҳамадонӣ бо иштироки садҳо нафар аъзои ҲХДТ, намояндагони Ташкилоти ҷамъиятии ҷавонон «Созандагони Ватан” ба Раиси ноҳия Бозоралӣ Одиназода ва Раиси КИ ҲХДТ дар ноҳияи Мир Сайид Алии Ҳамадонӣ Аббос Сайидмуъминзода тақдим намуданд. Дар ин бора ба АМИТ «Ховар» дар шуъбаи иттилоот ва матбуоти КИ ҲХДТ дар вилояти Хатлон хабар доданд.
Мавриди зикр аст, ки дар ин ҳамоиши бошукӯҳ вакилони Иҷлосияи 16-уми Шӯрои Олии Ҷумҳурии Тоҷикистон Рафиқа Мусоева ва Адолат Раҳмонова, Раиси КИ ҲХДТ дар вилояти Хатлон Қиёмиддин Миралиён ва дигар меҳмонони расмӣ ширкат доштанд.
Нахуст меҳмонон ва иштирокчиёни Аксияи ҷумҳуриявии “Албом — Эстафета” аз Корхонаи истеҳсоли халтаҳои полипропиленӣ дидан намуданд. Зимни суҳбат меҳмонон коргарон, бавижа хусусан ҷавононро ба заҳмати софдилона ва саъю кӯшиш баҳри рушди иқтисодиёти кишвар даъват намуданд.
Дар идомаи Аксияи “Албом-Эстафета” бо иштироки зиёда аз 1000 нафар сокинони ноҳия роҳпаймоӣ доир гардид. Баъдан меҳмонон аз намоиши дастовардҳои ҳунарӣ, маҳфилҳои эҷодии наврасону ҷавонон ва машғулияти варзишгарони ноҳияи Мир Сайид Алии Ҳамадонӣ дидан намуданд. Баъдан дар толори Филармонияи мардумии ба номи Одина Ҳошим идомаи чорабинӣ баргузор гардид.
Зикр гардид, ки Иҷлосияи 16-уми Шӯрои Олии Ҷумҳурии Тоҷикистон аз муҳимтарин рӯйдоди даврони Истиқлолияти давлатӣ арзёбӣ гардида, ба таҳкими сулҳу субот, бунёдгузории давлатдории навини тоҷикон заминаи воқеӣ гузошт. Ҳама пешрафту дастовардҳои Тоҷикистони соҳибистиқлол маҳз аз Иҷлосияи тақдирсоз маншаъ мегиранд.
Дар идомаи вохӯрӣ вакилони Иҷлосияи 16-уми Шӯрои Олии Ҷумҳурии Тоҷикистон, КИ ҲХДТ дар вилоят ва раиси ноҳия дар вазъияти тантанавӣ ба якчанд нафар ҷавонони ноҳия, ки ба сафи ҲХДТ пайвастаанд, шаҳодатномаҳои ҳизбӣ ва туҳфаҳои хотиравӣ супориданд.
АКС: КИ ХХДТ дар вилояти Хатлон
Наваскарони қисмҳои ҳарбии Вазорати мудофиаи Тоҷикистон савганди садоқат ёд намуданд
Дар Муассисаи давлатии «Боғи Ирам» даври сеюми Фестивал-озмуни «Беҳтарин армуғон» баргузор мешавад
Дар Хатлон ба иштирокчии Ҷанги дуюми ҷаҳонӣ туҳфаҳои моддию молиявӣ тақдим карда шуд
Зулфиқор Гулаҳмадзода: «Ба тарбияи ватандӯстии шаҳрвандон бояд ба тарзи бефосила, бетанаффус ва доимӣ машғул шавем»
ҲИФЗИ ВАТАН ВА ҲИМОЯИ ҲАЁТИ ОСОИШТАИ МАРДУМ. Ин амал барои ҳар шаҳрванди огоҳу соҳибватан вазифаи муқаддас аст
Дар Душанбе чорабинии сиёсӣ – фарҳангӣ таҳти унвони «Фарзанди Тоҷикистонам!» доир карда шуд
ГУЛЕ, КИ ТАРБИЯТ АЗ ДАСТИ БОҒБОН НАГИРИФТ. Чаро баъзе аз падару модарон ба таълиму тарбияи фарзандон беаҳамиятӣ зоҳир мекунанд?
Президенти Тоҷикистон: «50 фоизи аҳолии қобили меҳнати Тоҷикистон ба Ҷанги дуюми ҷаҳон ҷалб шуда буд»
Дар Душанбе пайвастшавии 3300 иншоот ба шабакаҳои гармдиҳӣ ба нақша гирифта шудааст
Дар Хатлон бо иштироки 25 оилаи намунавӣ даври вилоятии озмуни «Оилаи беҳтарин» ҷамъбаст гардид
Эмомалӣ Раҳмон: «Дар Ҷанги дуюми ҷаҳонӣ 55 нафар афсарону сарбозони тоҷик ба унвони баланди «Қаҳрамони Иттиҳоди Шуравӣ» мушарраф гардиданд»
Туҳфаи Президенти Тоҷикистон ба ду иштирокчии Ҷанги дуюми ҷаҳонӣ дар Ҳисор расонида шуд
