Дар Донишгоҳи байналмилалии сайёҳӣ ва соҳибкории Тоҷикистон Рӯзи соҳибкорон таҷлил шуд

Октябрь 14, 2022 09:01

ДУШАНБЕ, 14.10.2022 /АМИТ «Ховар»/. Бахшида ба Рӯзи  соҳибкорон, ки ҳамасола 14 октбяр дар ҷумҳурӣ таҷлил мегардад, дар  Донишгоҳи байналмилалии сайёҳӣ ва соҳибкории Тоҷикистон таҳти унвони «Соҳибкории инноватсионӣ ва нақши он дар таъмини саноатикунонии босуръати иқтисодиёти Ҷумҳурии Тоҷикистон» ҳамоиши илмӣ-назариявии ҷумҳуриявӣ баргузор гардид, хабар доданд дар донишгоҳи мазкур. 

Дар ҳамоиш вакилони палатаи поёнии Парлумони мамлакат, Кумитаи давлатии сармоягузорӣ ва идораи амволи давлатӣ, Кумитаи рушди сайёҳӣ, Бонки миллии Тоҷикистон, Бонки давлатии амонатгузории Ҷумҳурии Тоҷикистон «Амонатбонк», ширкатҳои сайёҳӣ ва соҳибкорони муваффақ иштирок намуданд.

Қабл аз оғози ҳамоиш иштирокдорон аз намоишгоҳи дастовардҳои илмии омӯзгорони ин боргоҳи таълимӣ ва биноҳои нави таълимии Донишгоҳ, ки аз 17 озмоишгоҳи таълимӣ иборат мебошад, дидан намуда, ба пойгоҳи муосири таълимии муассиса ва дастовардҳои олимони Донишгоҳ баҳои баланд доданд.


Дар ҳамоиш муовини аввали ректори Донишгоҳи байналмилалии сайёҳӣ ва соҳибкории Тоҷикистон Мирзоҳид Раҳимов иброз намуд, ки «бо ибтикори Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳамасола 14 октябр дар Тоҷикистон Рӯзи соҳибкор таҷлил гардида, эътирофи хизматҳои шоёни соҳибкорон ва таҷлили ин рӯз дар мамлакат саривақтӣ мебошад».

Масъалаи рушди соҳибкорӣ аз ҷониби роҳбарияти давлат ва Ҳукумати Ҷумҳурии Тоҷикистон ҳамеша мавриди таваҷҷуҳи хос қарор дошта, сол ба сол бо дарёфти захираву имконияти мавҷуда тадбирҳои мухталиф анҷом дода мешаванд. Дастгирии соҳибкорӣ ва қабл аз ҳама, соҳибкории истеҳсолӣ,  аз ҷумлаи самтҳои афзалиятноки фаъолияти мақомоти давлатӣ маҳсуб мешавад.

Дар ҳамоиши илмӣ вакили Маҷлиси намояндагон Рустам  Раҳматзода, муовини Раиси Кумитаи рушди сайёҳии назди Ҳукумати Ҷумҳурии Тоҷикистон Камолиддин Муминзод, муовини Раиси раёсати Бонки давлатии амонатгузории Ҷумҳурии Тоҷикистон «Амонатбонк» Шаҳло Сайфзода, сардори раёсати дастгирии соҳибкории Кумитаи давлатии сармоягузорӣ ва идораи амволи давлатии Ҷумҳурии Тоҷикистон, раиси Иттифоқи соҳибкорони Тоҷикистон Некрӯй Забиров ва муовини сардори шуъбаи сиёсати қурби асъори Бонки миллии Тоҷикистон Беҳзод Ҷураев доир ба рушди соҳикборӣ дар кишвар маърӯза намуданд.

Дар интиҳои ҳамоиш   барои ҳамкории судманд дар самти омода намудани мутахассисони соҳибкасби соҳаи молия ва бонкдорӣ «Сипоснома»-и раёсати Донишгоҳи байналмилалии сайёҳӣ ва соҳибкории Тоҷикистон ба раёсати Бонки давлатии амонатгузории Ҷумҳурии Тоҷикистон «Амонатбонк» тақдим карда шуд.

АКС: Донишгоҳи байналмилалии сайёҳӣ ва соҳибкории Тоҷикистон

Октябрь 14, 2022 09:01

Хабарҳои дигари ин бахш

Дар павилиони миллии Тоҷикистон дар СОР 28 дар мавзуи «Шаҳри сабз» ҳамоиш баргузор гардид
СТРАТЕГИЯИ ДАВЛАТИИ МУҚОВИМАТ БА КОРРУПСИЯ ДАР ҶУМҲУРИИ ТОҶИКИСТОН БАРОИ ДАВРАИ ТО СОЛИ 2030». Дар Бонки миллӣ амалишавии онро баррасӣ намуданд
Дар Душанбе масъалаи содироти маҳсулоти аз ҷиҳати экологӣ тозаи Тоҷикистон ба Олмон баррасӣ шуд
Доир ба афзалияти рушди бахши молиявӣ дар давраи гузариш ба иқтисоди рақамӣ конференсияи байналмилалӣ доир шуд
Давлатҳои Осиёи Марказӣ механизми стратегияи ягонаи амалро дар музокирот оид ба тағйирёбии иқлим таҳия менамоянд
Дар Донишгоҳи байналмилалии сайёҳӣ ва соҳибкории Тоҷикистон конфронси байналмилалӣ доир шуд
Дар Москва дурнамои ҳамкорӣ байни Тоҷикистон ва Русия мавриди баррасӣ қарор дода шуд
Дар Душанбе татбиқи Барномаи кумаки техникии БАТР дар доираи Ёддошти тафоҳум оид ба танзими хавфҳои экологӣ оғоз ёфт
ИМРӮЗ-РӮЗИ КОРМАНДОНИ МАҚОМОТИ МОЛИЯ. Саҳми Президенти Тоҷикистон дар ташаккули низоми устувори молиявӣ дар мамлакат назаррас аст
Тоҷикистон Нақшаи маблағгузории Cаҳми дар сатҳи миллӣ муайяншудаи иқлимиро дар Павилиони миллӣ дар Дубай муаррифӣ намуд
Русия омода аст аз Тоҷикистон гӯшти мурғ, тухм, хушкмева ва маҳсулоти заргарӣ харидорӣ намояд
Вазирони энергетикаи Тоҷикистон, Покистон ва Қирғизистон ҷараёни татбиқи лоиҳаи CASA-1000-ро дар Дубай баррасӣ намуданд