Дар Кӯлоб Пленуми чоруми Шӯрои собиқадорони ҷангу меҳнати ин минтақа баргузор шуд
КӮЛОБ, 29.10.2022 /АМИТ «Ховар»/. 27 октябр дар Китобхонаи вилоятии ба номи Садриддин Айнӣ дар шаҳри Кӯлоб Пленуми чоруми Шӯрои собиқадорони ҷангу меҳнати минтақаи Кӯлоб (ШСҶМ) баргузор шуд, иттилоъ доданд ба хабарнигори минтақавии АМИТ «Ховар» Сулаймон ХОЛЗОДА дар Шӯрои мазкур.
Раиси Шӯрои собиқадорони ҷангу меҳнати минтақаи Кӯлоб Саймурод Исмоилзода ба ҳозирин рӯзномаи Пленумро шинос намуд. Дар Пленуми навбатӣ 6 масъала мавриди баррасӣ қарор гирифт. Саймурод Исмоилзода доир ба 2 масъалаи аввал- дар бораи ворид намудани тағйиру иловаҳо ба ҳайати Шӯрои собиқадорони ҷангу меҳнати минтақаи Кӯлоб ва ҷашни 35-солагии ШСҶМ-и Ҷумҳурии Тоҷикистон сухан гуфта, таклифу пешниҳодоти аъзоро ироа намуд.
Зикр шуд, ки Шӯрои собиқадорони ҷангу меҳнати Ҷумҳурии Тоҷикистон 10 марти соли 1987 бо қарори Конференсияи якуми Шӯрои собиқадорони ҷангу меҳнати ҶШС Тоҷикистон, ки дар кори он аз 614 вакили интихобшуда 581 нафарашон иштирок намуда буданд, таъсис ёфтааст. Давоми 35 соли фаъолияти босамари худ шӯроҳои собиқадорони ҷангу меҳнати ҷумҳурӣ дар ҳаёти сиёсӣ, иқтисодӣ, иҷтимоӣ ва фарҳангии ҷумҳурӣ фаъолона иштирок намуда, барои пойдории сулҳу ваҳдати миллӣ, ободу зебо гардонидани Ватани азизамон, дар амал татбиқ намудани сиёсати роҳбарияти давлату ҳукумати Ҷумҳурии Тоҷикистон саҳми арзанда гузошта, имрӯз низ ба корҳои ободонӣ машғуланд.
Раиси Шӯрои собиқадорони ҷангу меҳнати шаҳри Кӯлоб Давлат Амиров доир ба ҳамкории Шӯро бо Мақомоти иҷроияи ҳокимияти давлатии шаҳр ва роҳбарони ташкилоту муассисаҳо ҷиҳати беҳтар намудани шароити манзил, хизматрасонии маишӣ, тиббӣ, истироҳат, сари вақт додани нафақа ва дигар имтиёзҳо ба собиқадорон ҷангу меҳнат гузориш дод. Мавсуф афзуд, ки «самти фаъолияти Шӯрои собиқадорони ҷангу меҳнати шаҳри Кӯлоб ба яке аз масъалаҳои дигари мубрами рӯз – тарбияи насли ҷавон дар рӯҳияи ватандӯстию хештаншиносӣ, арҷгузорӣ ба арзишҳои миллӣ ва умумибашарӣ, дӯстии халқҳо, садоқат ба Ватан, ҳурмату эҳтироми калонсолон, муносибати бошуурона ба меҳнат, таълим, хизмати ҳарбӣ ва ҳамеша омода будан ба муҳофизати Ватан нигаронида шудааст.
Дар ҷаласа оид ба тасдиқ намудани нақшаи чорабиниҳои Шӯрои собиқадорони ҷангу меҳнати минтақаи Кӯлоб, омодагӣ ба 80 – солагии Ғалаба дар Ҷанги дуюми ҷаҳонӣ, солҳои 1941 -1945 ва тасдиқи нақшаи кории ШСҶМ-и минтақаи Кӯлоб гузориш дода шуд.
Дар ҷамъбасти Пленум як зумра собиқадорон ва раисони Шӯрои собиқадорони ҷангу меҳнати шаҳру ноҳияҳои Кӯлоб бо ифтихорнома ва туҳфаҳои хотиравӣ қадрдонӣ карда шуданд.
АКС: Шӯрои собиқадорони ҷангу меҳнати минтақаи Кӯлоб
3 ДЕКАБР -РӮЗИ БАЙНАЛМИЛАЛИИ МАЪЮБОН. Давоми се соли охир дар Тоҷикистон нишондиҳандаи маъюбӣ 7 фоиз паст фароварда шуд
«БЕҲТАРИН ХИЗМАТЧИИ ДАВЛАТӢ АЗ ҲИСОБИ ЗАНОН». Имрӯз маросими ҷоизасупорӣ ба ғолибони озмуни ҷумҳуриявӣ баргузор гардид
Дохил шудан ба низоми хизмати давлатӣ ва фаъолият дар он барои ҳар хизматчии давлатӣ шараф ва ифтихор аст
ХУШҲОЛОНА ЗИНДАГӢ НАМО – АЗ ВАЗЪИ СОЛИМИИ ХУД ОГОҲ БОШ! Дар Академияи идоракунии давлатӣ вохӯрӣ баргузор гардид
ТАДБИРҲОИ БАЛАНД БАРДОШТАНИ МАҚОМИ ЗАН ДАР ҶОМЕА. Аз тасвиби ин Фармони таърихии Президенти Тоҷикистон 24 сол сипарӣ гашт
1 ДЕКАБР- РӮЗИ ҶАҲОНИИ МУБОРИЗА БО ВИРУСИ НОРАСОИИ МАСУНИЯТИ ОДАМ (ВНМО-ВИЧ/СПИД). Соли 2023 дар ҷаҳон тақрибан 1,7 миллион сирояти нав ба қайд гирифта шудааст
«БЕҲТАРИН ХИЗМАТЧИИ ДАВЛАТӢ АЗ ҲИСОБИ ЗАНОН». 77 довталаб аз ҳисоби занон ба даври ниҳоии озмуни ҷумҳуриявӣ роҳхат гирифтанд
ЗИМИСТОН ФАРО РАСИД. Дар моҳи аввали ин фасл Тоҷикистонро чӣ гуна ҳаво интизор аст?
Дар Донишгоҳи давлатии тиббии Тоҷикистон бо мақсади пешгирии бемориҳои ғайрисироятӣ конференсияи байналмилалӣ доир шуд
Намояндаи Тоҷикистон дар ҷаласаи нахустини Комиссия оид ба ҳуқуқи инсони Иттиҳоди Давлатҳои Мустақил дар Минск иштирок намуд
Дар Душанбе бо мақсади баланд бардоштани ҳамкорӣ дар соҳаи тандурустӣ ҷаласа доир гардид
Бонки Осиёи Рушд бо мақсади фарогирии хизматрасонии босифати тиббӣ ба ноҳияҳои таҷрибавӣ — Дарвоз, Данғара ва Айнӣ маблағи иловагӣ ҷудо менамояд
