ДАР НАТИҶАИ ФУРӮ РАФТАНИ ПУЛ ДАР ҲИНДУСТОН 90 НАФАР БА ҲАЛОКАТ РАСИДАНД. Зиёда аз 100 нафар бенишон шудаанд
ДУШАНБЕ, 31.10.2022 /АМИТ «Ховар»/. Дирӯз, 30 октябр, пули пиёдагард дар болои дарёи Мачҳу дар ғарби Ҳиндустон фурӯ рафт. Дар болои он тақрибан 500 нафар буданд. Зиёда аз 350 нафари онҳо ба об афтодаанд. Дар натиҷаи фурӯпошии пул қариб 90 нафар ба ҳалокат расида, 100 нафари дигар бенишон гардидаанд. Дар ин бора АМИТ «Ховар» бо истинод ба шабакаи NDTV хабар медиҳад.
Мақомот зиёд шудани теъдоди қурбониёнро истисно намекунанд ва амалиёти наҷот шабона низ идома хоҳад кард. Пул пас аз таъмир 26 октябр мавриди истифода қарор гирифт, аммо ҳамоно “шаҳодатномаи коршоямӣ”-и коммуналӣ нагирифтааст.
Ба гуфтаи ӯ, амалиёти наҷот бо сабаби торикӣ ҳам қатъ намешавад. Ба ҷои ҳодиса Вазири корҳои дохилии Ҳиндустон Амит Шоҳ ва сарвазири Гуҷарот Бҳупендра Пател рафтанд.
Тибқи маълумоти охирин, зимни фурӯрезии пул 91 нафар ҳалок шуда, 70 нафар ҷароҳат бардоштаанд. Аксари фавтидагон занону кӯдакон ва пиронсолонанд. Ҳангоми фурӯравӣ дар болои пул тақрибан 500 нафар будаанд. Бештари онҳо тавонистаанд мустақилона худашонро наҷот диҳанд.
«Вақте ки пул ногаҳон фурӯ рафт, дар болои он издиҳоми зиёди одамон буданд. Ман зинда мондам, зеро ресмони овезонро дошта, оҳиста ба боло баромадам. Аммо падар ва модарам бедараканд”,- нақл кард кӯдаки 10-сола ба хабарнигорони NDTV.
Фоҷиа дар пули пиёдагарди овезони Морби, ки беш аз 100 сол пеш сохта шуда буд, рух додааст. Аз моҳи март инҷониб он дар ҳоли навсозӣ қарор дошт ва ҳамагӣ чор рӯз пеш ба истифода дода шуд
Сарвазири Ҳиндустон Нарендра Модӣ аз пардохти 2 миллион рупий (ҳудуди 24 000 доллар) ба наздикони қурбониён ва 50 000 рупий (ҳудуди 600 доллар) ба шахсони ҷароҳатбардошта хабар дод. Ӯ изҳор дошт, ки амалиёти наҷотро шахсан таҳти назорат қарор додааст.
Гуҷарот иёлати насабии нахуствазири Ҳинд аст, ки фаъолияти сиёсии худро аз онҷо оғоз кардааст. Ӯ пас аз фурӯпошии пули Морби, ки дар сафари серӯза дар иёлатҳои Гуҷарот ва Раҷастан қарор дошт, тасмим гирифт ҳама чорабиниҳои оммавиеро, ки 31 октябр бо иштироки ӯ пешбинӣ шуда буданд, лағв намояд.
АКС: usatoday.com
АРТИШИ МИЛЛӢ-ОМИЛИ УСТУВОРИИ ДАВЛАТ. Эҳдо ба Рӯзи таъсиси Қувваҳои Мусаллаҳи Ҷумҳурии Тоҷикистон
33-СОЛАГИИ ҚУВВАҲОИ МУСАЛЛАҲИ ТОҶИКИСТОН. Ин неруи боэътимод имрӯз амнияти давлат ва оромии ҷомеаро ҳифз менамояд
Барои дарёфти «Ҷоми Вазири мудофиа» мусобиқаи тирпаронӣ баргузор шуд
Вазорати мудофиаи Тоҷикистон: «Ҳангоми таҳияи маводи таблиғотии низомӣ бо истифода аз «зеҳни сунъӣ» риояи оиннома ҳатмӣ аст»
Сабабҳои асосии рух додани садамаҳои нақлиётӣ кадомҳоянд? Ва ё чаро то ҳол ин вазъ нигаронкунанда боқӣ мемонад?
НИШАСТИ МАТБУОТӢ. Прокурори генералии Тоҷикистон аз паҳншавии моддаҳои психотропӣ, хусусан ҳабҳои синтетикӣ дар байни ҷавонон изҳори нигаронӣ намуд
Дар Конибодом оид ба даъвати баҳории ҷавонписарон ба сафи Қувваҳои Мусаллаҳи Тоҷикистон ҷаласаи ситоди шаҳрӣ доир шуд
Ҷаласаи сайёри Комиссияи байниидоравӣ оид ба муқовимат ба савдои одамон доир шуд
НИШАСТИ МАТБУОТӢ. Аз ҷониби мақомоти корҳои дохилӣ 111 гурӯҳи муташаккили ҷиноятӣ дастгир карда шуд
Раёсати Вазорати корҳои дохилӣ дар вилояти Хатлон: «Бар зидди паҳншавии воситаҳои нашъадор якҷоя мубориза барем!»
Изҳороти Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
