Дар вилояти Хатлон беш аз 17 ҳазор нафар занони соҳибкор фаъолият мекунанд
ДУШАНБЕ, 22.10.2022 /АМИТ «Ховар»/. Дар вилояти Хатлон беш аз 17 ҳазор нафар занони соҳибкор фаъолият доранд, ки дар феҳристи мақомоти андози вилоят сабти ном гардидаанд. Аз ин шумора 12 ҳазору 425 нафарашон бо шаҳодатнома ва 5116 нафар тибқи патент кор мекунанд.Дар ин бора зимни Фестивали дониш ва навоварӣ барои занони деҳот, ки 21-22 октябр дар шаҳри Бохтар баргузор гардид, иттилоъ дода шуд.
Тавре дар шуъбаи иттилотӣ ва таҳлилии дастгоҳи Раиси вилояти Хатлон ба АМИТ «Ховар» иттилоъ доданд, дар Фестивали мазкур бонувони соҳибкор ва ҳунармандони деҳот лоиҳаҳои тиҷоратӣ ва намунаҳои ҳунари худро пешниҳод карда, бо ҳамкасбони худ табодули таҷриба намуданд.
Гуфта шуд, ки зимни ифтитоҳи фестивал ғолибони озмуни «Зани муваффақ» ва барандагони грантҳои Раиси вилояти Хатлон дар соли 2022 барои бонувони соҳибкор эълон гардид.
Муовини Раиси вилояти Хатлон Акрам Сулаймонзода иброз намуд, ки шумораи занон дар вилоят 1 миллиону 757 ҳазору 968 нафарро ташкил медиҳад, ки нисбат ба соли гузашта 37 ҳазору 968 нафар зиёд мебошад.
Тибқи қарори Раиси вилояти Хатлон «Дар бораи таъсис ва ҷудо намудани грантҳои раиси вилояти Хатлон оид ба дастгирӣ ва рушди фаъолияти соҳибкории занон барои солҳои 2021-2025», гранти Раиси вилоят ба маблағи умумии 250 ҳазор сомонӣ таъсис дода шудааст, ки ҳамасола ба 21 нафар занону бонувони ҳунарманду соҳибкор дода мешавад.
АКС: АМИТ «Ховар»
Соли 2025 аз ҳисоби андозҳо ва пардохтҳои дохилӣ ба буҷети давлатӣ 26,5 миллиард сомонӣ маблағ ворид гардид
Президенти Тоҷикистон Эмомалӣ Раҳмон: «Масъалаи захираи дусолаи маводи хӯрокворӣ дар ҳар оила нисбат ба ҳарвақта мубрамтар мегардад»
Дар Душанбе Конференсияи I байналмилалӣ оид ба масъалаҳои молия ва баҳисобгирӣ баргузор шуд
Соли 2025 табиати афсонавӣ ва чашмаҳои шифобахши Бадахшонро беш аз 51 ҳазор сайёҳ тамошо намуданд
Ҳайати Тоҷикистон дар Саммити зеҳни сунъӣ дар Деҳлии Нав иштирок менамояд
Агентии «Тоҷикстандарт»: «Ҳангоми хариди моеи зиддисардӣ — антифриз аз фурӯшанда сертификати мутобиқат талаб намоед!»
Ҳаҷми истеҳсоли маҳсулоти кишоварзии ноҳияи Мастчоҳ соли 2025 ба беш аз 1,6 миллиард сомонӣ расид
Бахшида ба Рӯзи таъсиси мақомоти гумрук дар Душанбе маҷлиси тантанавӣ баргузор гардид
Ширкати «ACWA Power» дар доираи татбиқи тарҳи энергетикӣ дар Тоҷикистон неругоҳи офтобӣ месозад
22 ЯНВАР — РӮЗИ КОРМАНДОНИ МАҚОМОТИ ГУМРУК. Таъмини амнияти иқтисодии Тоҷикистон рисолати асосии ин мақомот аст
Дар Форуми иқтисодии СПЕКА нишондиҳандаҳои гардиши савдои хориҷии Тоҷикистон муаррифӣ карда шуд
Ҳамкории Тоҷикистон ва Бонки аврупоии сармоягузорӣ дар соҳаи гидроэнергетика тақвият меёбад
