Намояндагони Тоҷикистон бо ҷараёни амалишавии раванди ғанисозии орди гандумӣ дар Узбекистон шинос шуданд
ДУШАНБЕ, 06.10.2022 /АМИТ «Ховар»/. Намояндагони ниҳодҳои давлатии Тоҷикистон, корхонаҳои истеҳсоли орд ва бахши хусусӣ зимни сафари чаҳоррӯзаи омӯзишӣ ба Узбекистон бо ҷараёни амалишавии раванди ғанисозии орди гандумӣ шинос гардиданд, хабар доданд ба АМИТ «Ховар» дар Барномаи озуқавории ҷаҳонӣ.
Ин сафар аз ҷониби Барномаи озуқавории ҷаҳонии /БОҶ/ Созмони Милали Муттаҳид /СММ/ дар ҳамкорӣ бо Ҳукумати Ҷумҳурии Тоҷикистон ташкил карда шуд. Дар ҷараёни сафари омӯзишӣ иштирокчиён вобаста ба заминаҳои ҳуқуқӣ, таҷриба, дастовардҳои корхонаҳои истеҳсоли орд оид ба ғанигардонии орди гандумӣ дар Узбекистон, хариди микроэлементҳо ва дастгирии корхонаҳои истеҳсоли орд маълумот гирифтанд. Узбекистон дар самти ғанигардонии ғизо бо минералҳо ва витаминҳо, аз ҷумла ордигандумӣ таҷрибаи назаррас дорад.
«Ин иқдом ба мо имкон медиҳад, ки бо дастовардҳо, асосҳои дастурӣ ва ҳуқуқӣ оид ба ғанисозии орди гандумӣ дар Узбекистон шинос гардем. Ин сафар татбиқи самараноки Қонуни Ҷумҳурии Тоҷикистон «Дар бораи таъмини аҳолӣ бо маҳсулоти хӯроквории ғанигардонидашуда» ва «Барномаи пешгирии норасоии микронутриентҳо ва бемориҳои вобаста ба он миёни аҳолии Ҷумҳурии Тоҷикистон барои солҳои 2022-2027»-ро тақвият хоҳад дод, гуфт намоянда ва директори БОҶ-и СММ дар Тоҷикистон Адҳам Мусаллам.
Ба таъкиди ӯ, БОҶ уҳдадор аст, ки ба ҳукумат, бахши хусусӣ ва вазорату идораҳои дахлдор ҷиҳати ғанигардонии орди гандумӣ дар Тоҷикистон кумаки техникӣ расонад.
Ғанигардонӣ яке аз воситаҳои камхарҷи мубориза бо норасоии микроэлементҳо мебошад, ки масъалаи ҳалаталаби тандурустӣ дар ҷомеа, бахусус миёни занону кӯдакон дар Тоҷикистон ба шумор меравад. Норасоии ғизоӣ метавонад ба авҷи бемориҳои гуногуни ба ғизо алоқаманд оварда расонад. Ҳукумати Тоҷикистон барои рафъи норасоии ғизоӣ якчанд стратегия ва барномаҳои давлативу соҳавиро қабул намуда, таъмини амнияти озуқавориро яке аз ҳадафҳои стратегӣ дар Стратегияи миллии рушди кишвар барои солҳои 2016-2030 муайян намудааст.
БОҶ ягона ташкилотест, ки ба кишвар ғизои ғанигардонидашуда, аз ҷумла орди ғанигардонидашуда ва равғани растанӣ дастрас менамояд. Тавассути Барномаи миллии ғизои мактабӣ тақрибан 450,000 хонандаи синфҳои ибтидоӣ дар 2000 мактаб ҳамарӯза хӯроки гарми бо анвои серғизо омодашуда истеъмол менамоянд.
АКС:Барномаи озуқавории ҷаҳонӣ
Дар Тоҷикистон низоми электронии E-PERMIT ба кор дароварда шуд
Дар хоҷагии деҳқонии «Ҳолиёр Қурбонов»-и Қубодиён дар 11 гектар меваю зироат парвариш мешавад
РУШДИ ПАРАНДАПАРВАРӢ. Дар Зафаробод сохтмони фабрикаи мурғпарварӣ идома дорад
МАСЛИҲАТИ МУТАХАССИС. Истеъмоли зардолу фаъолияти зеҳнӣ ва хотираро беҳтар мекунад
ИСТИФОДАИ САМАРАНОКИ ЗАМИН. Сокини ноҳияи Панҷ дар 2 гектар гармхонаҳои доимӣ бунёд намудааст
Дар Душанбе дурнамои тақвияти ҳамкории Тоҷикистон бо БАТР баррасӣ гардид
Дар Душанбе оид ба сохтмони корхонаи «энергия аз партовҳо» вохӯрӣ доир шуд
«САФЕДДАРА» — МАКОНЕ, КИ ҲАР САЙЁҲ ОРЗУИ ДУБОРА ДИДАНИ ОНРО ДОРАД! Иштирокдорони Конфронси чоруми оби Душанбе аз тамошои ин гӯшаи нотакрори Тоҷикистон эҳсоси хушҳолӣ намуданд
Дар мулоқоти вазирони энергетика ва оби Тоҷикистон ва Либия натиҷаҳои Конфронси сатҳи баланди оби Душанбе баррасӣ шуданд
Гурӯҳи кории Хадамоти зиддиинҳисорӣ барои танзими нархи семент дар бозорҳои ҷумҳурӣ санҷиш гузаронид
Ғолибони Озмуни ҷумҳуриявӣ таҳти унвони «Ҷавонон– муқобили коррупсия» қадрдонӣ карда шуданд
Дар Остона ҷаласаи 12-уми Шурои сиёсати саноатии кишварҳои аъзои ИДМ баргузор гардид
