Президенти Тоҷикистон иброз доштанд, ки чӣ гуна террористон фаъолияти худро густариш медиҳанд
ДУШАНБЕ, 19.10.2022 /АМИТ «Ховар»/. Президенти Ҷумҳурии Тоҷикистон муҳтарам Эмомалӣ Раҳмон зикр намуданд, ки гурӯҳҳои террористӣ фаъолияти худро густариш медиҳанд ва зимни роҳандозии ҳадафҳои нопоки худ аз зарфияти технологияи иттилоотии пешрафта фаровон истифода мебаранд. Дар ин бора Пешвои миллат дирӯз, 18 октябр зимни суханронӣ дар Конфронси байналмилалии сатҳи баланд зери унвони «Ҳамкории байналмилалӣ ва минтақавӣ оид ба амният ва мудирияти сарҳад ҷиҳати муқовимат ба терроризм ва пешгирӣ аз таҳарруки террористон» иброз намуданд. Конфронс дирӯз дар қароргоҳи ҳукуматии «Кохи Сомон» дар Душанбе оғоз гардида, имрӯз низ идома меёбад.
«Гурӯҳҳои террористӣ бо суиистифода аз чунин вазъи баамаломада ба фаъолияти ифротгароӣ, ҷалби бештари ҷавонон ба он, ҳавасмандкунӣ ва анҷом додани ҳамлаҳои террористӣ, аз ҷумла бо истифода аз технологияҳои иттилоотиву коммуникатсиониро густариш мебахшанд»,-зикр карданд Сарвари давлат.
Эмомалӣ Раҳмон таъкид намуданд, ки имрӯз созмону гурӯҳҳои ифротгароӣ зимни роҳандозии ҳадафҳои «нопоки худ» аз зарфияти технологияи иттилоотии пешрафта фаровон истифода мебаранд.
Ба гуфтаи Пешвои миллат, фаъолияти «Давлати исломӣ»* ва «Ал-Қоида»* густариш меёбад ва бинобар ин барои ҳалли ин мушкилӣ, ҳамчунин барои пешгирии ифротгароӣ ҳамаи кишварҳо бояд талошҳояшонро ҳамоҳанг созанд.
Ёдовар мешавем, ки чорабинӣ дар пойтахти Тоҷикистон аз ҷониби Ҳукумати Ҷумҳурии Тоҷикистон дар ҳамбастагӣ бо Раёсати СММ оид ба мубориза бо терроризм, Маркази минтақавии дипломатияи пешгирикунанда барои Осиёи Марказӣ, САҲА ва Иттиҳоди Аврупо ташкил шудааст.
Дар конфронс вазирон, намояндагони кишварҳои узви СММ, сохторҳои СММ, ташкилоти байналхалқӣ ва минтақавӣ, институтҳои ҷомеаҳои шаҳрвандӣ, коршиносон оид ба амнияти сарҳадӣ иштирок доранд.
Аз рӯи натиҷаҳо Эъломияи Душанбе оид ба амният ва мудирияти сарҳад ҷиҳати муқовимат ба терроризм ва пешгирӣ аз ҳаракати террористҳо қабул карда мешавад.
________________________
*Ташкилоти террористие, ки дар Тоҷикистон мамнӯъ мебошанд
АКС: Хадамоти матбуоти Президенти ҶТ/АМИТ «Ховар»
35 тавсифи пурарзиши Президенти Тоҷикистон дар ситоиши Истиқлолияти давлатӣ
ИСТИҚЛОЛИЯТ — РАМЗИ САОДАТ ВА АСОЛАТИ МИЛЛАТ. Тавсифҳои истиқлолият аз суханҳои пурарзиши Президенти Тоҷикистон
НУРИ ХУРШЕДИ ИСТИҚЛОЛ ТО АБАД РАВШАНГАРИ ҲАЁТИ ҶОМЕАИ МО БОД! Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛУ ОЗОДӢ — РАМЗИ ВОҚЕИИ ИФТИХОР АЗ ВАТАНУ ВАТАНДӮСТӢ. Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛИЯТ — МАРҲАЛАИ СИФАТАН НАВИ РУШДИ ТОҶИКИСТОН. Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛИЯТ — РАМЗИ БАРҶАСТАИ ПОЙДОРИИ ДАВЛАТ. Андешаҳои Президенти Ҷумҳурии Тоҷикистон муҳтарам Эмомалӣ Раҳмон доир ба Истиқлолияти давлатӣ
ҶОИЗАИ БАЙНАЛМИЛАЛИИ ПРЕЗИДЕНТИ ТОҶИКИСТОН ДАР СОҲАИ ОБ–ВАСИЛАИ ТАҲКИМИ ДИПЛОМАТИЯИ ОБ ДАР ҶАҲОН. Андешаҳо дар ин маврид
ТИРГОН ШЕБУ ФАРОЗИ САДСОЛАҲОРО ГУЗАШТА, ТО БА РӮЗГОРИ МО РАСИДААСТ. Иқтибосҳо аз суханрониҳои Президенти Тоҷикистон ба муносибати ин ҷашн
Соли 2027 дар Тоҷикистон Конфронси байналмилалӣ доир ба Даҳсолаи байналмилалӣ оид ба таҳкими сулҳ барои наслҳои оянда баргузор мешавад
Фиристодаи махсуси СММ: «Давлатҳо бояд сиёсатҳо ва амалҳоро тағйир дода, сармоягузорӣ ва татбиқи лоиҳаҳоро дар соҳаи идораи захираҳои обӣ ба роҳ монанд»
Ҷоизаи байналмилалии Президенти Ҷумҳурии Тоҷикистон дар соҳаи об таъсис дода шуд
Сарвазири Бурунди: «Тоҷикистон ба маркази муколамаи глобалӣ оид ба масъалаҳои об табдил ёфтааст»
