«РЕЙТИНГИ ДОНИШГОҲИ АВРУОСИЁИИ IAAR (IAAR-EUR) — 2022». Донишгоҳи миллии Тоҷикистон дар зинаи 4-ум ҷой гирифт
ДУШАНБЕ, 11.10.2022 /АМИТ «Ховар»/. Донишгоҳи миллии Тоҷикистон дар рейтинги байналмилалии «Рейтинги Донишгоҳи АвруОсиёии IAAR (IAAR-EUR) — 2022» мақоми 4-умро ишғол намуда, бо ҷоизаи бонуфузи «Эътироф дар саросари ҷаҳон» мушарраф гардид.
Рейтингро Агентии мустақили аккредитатсия ва рейтинг (IAAR) анҷом дода, дар Форуми VI байналмилалии Осиёи Марказӣ оид ба таъмини сифати таҳсилот натиҷаҳои Рейтинги байналмилалии Донишгоҳи АвруОсиёии IAAR (IAAR-EUR)»-2022 (IAAR Eurasian University Ranking (IAAR — EUR)-2022) ҷамъбаст гардиданд.
Аз рӯи натиҷаҳои таҳлилшудаи коршиносон, Донишгоҳи миллии Тоҷикистон дар Рейтинги байналмилалии Донишгоҳи АвруОсиёии IAAR (IAAR-EUR) — 2022» мақоми 4-умро гирифт. Инчунин Донишгоҳи миллии Тоҷикистон бо ҷоизаи бонуфузи «Эътироф дар саросари ҷаҳон IAAR EUR» (IAAR EUR Worldwide recognition) сарфароз гардид.
Агентии мустақил оид ба аккредитатсия ва рейтинг (IAAR) аввалин агентии аккредитатсия аз кишварҳои ИДМ мебошад, ки мақоми баланди эътирофи Федератсияи умумиҷаҳонии таълими тиббии WFME/WFME-ро гирифтааст.
Фаъолияти Агентии мустақил оид ба аккредитатсия ва рейтинг (HAAR/IAAR) ба стандартҳои таъмини сифат дар Минтақаи таҳсилоти олии аврупоии «ESG» ва Федератсияи ҷаҳонии таҳсилоти тиббии «WFME» мувофиқат мекунад.
Агентии мустақил оид ба аккредитатсия ва рейтинг (IAAR) аккредитатсияи байналмилалии махсусгардонидашуда (барномавӣ) буда, дар сатҳи ҷаҳонӣ эътироф шудааст. Агентӣ, аз ҷумла дар Қазоқистон, Тоҷикистон, Молдова, Россия, Руминия, Узбекистон санҷишҳои байналмилалӣ анҷом медиҳад.
Ёодовар мешавем, ки Агентии мустақили аккредитатсия ва рейтинг (HAAR/IAAR) — узви комилҳуқуқи шабакаҳои Аврупо, Осиё ва Амрико ва агентиҳои сифати таҳсилот: INQAAHE — Шабакаи байналмилалии агентиҳои таъмини сифат дар таҳсилоти олӣ; CHEA/CIQG — Гурӯҳи байналмилалии сифат, Шӯрои аккредитатсияи таҳсилоти олӣ дар ИМА; CEENQA — Шабакаи агентиҳои таъмини сифат дар таҳсилоти олӣ дар Аврупои Марказӣ ва Шарқӣ; APQN — Шабакаи таъмини сифат дар Осиё ва Уқёнуси Ором мебошад.
Агентӣ намояндагии худро дар Иттиҳоди Аврупо дар Рига (Латвия) низ дорад.
Хотиррасон мешавем, ки соли 2019 миёни Агентии мустақил оид ба аккредитатсия ва рейтинг (IAAR) ва Вазорати маориф ва илми Ҷумҳурии Тоҷикистон Созишнома ба имзо расидааст.
Донишгоҳи миллии Тоҷикистон ҳамчун муассисаи пешқадами таҳсилоти олии ватанӣ дар партави дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон вобаста ба такмили ихтисосҳо ва баланд бардоштани сифати таълим иқдом намуда, соҳиби мақоми ифтихорӣ гардид.
Акс: ДМТ
ИЛМУ МАОРИФ БА ОЯНДАИ БОСАОДАТИ ДАВЛАТУ МИЛЛАТ ТАВЪАМ АСТ. Андешаҳо дар ҳошияи Паёми Президенти Тоҷикистон ба Маҷлиси Олӣ
Ҷаласаи гурӯҳи кории Озмуни ҷумҳуриявии «Илм – фурӯғи маърифат» баргузор шуд
Дар Душанбе дар нуҳ сол беш аз 54 мактаб ва 42 муассисаи томактабӣ сохта шудааст
Оид ба тамоюлҳои рушди психологияи муосир ва татбиқи он дар низоми таҳсилоти рақамӣ конференсияи байналмилалӣ доир шуд
«ИЛМ – ФУРӮҒИ МАЪРИФАТ». Барои баргузории ин озмуни ҷумҳуриявӣ зиёда аз 9 миллион сомонӣ ҷудо гардид
Дар Донишгоҳи давлатии молия ва иқтисоди Тоҷикистон бахшида ба Рӯзи байналмилалии ҳадяи китоб ҳамоиш доир гардид
Бахшида ба «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» дар Душанбе конференсияи илмӣ доир шуд
Дар оянда дар маҳали Донишкадаи инноватсионии Душанбе шаҳраки донишҷӯён сохта мешавад
РУШДИ САНОАТИ ФАРМАТСЕВТИИ ВАТАНӢ. Дар Парки технологии Донишгоҳи миллии Тоҷикистон аз пӯсти меваи анор дору тайёр мекунанд
НИШАСТИ МАТБУОТӢ. Филиали Донишгоҳи энергетикии Москва дар шаҳри Душанбе соҳиби ду таҷҳизоти лабораторӣ аз фанни физика гардид
Байни Маркази барномаҳои байналмилалӣ ва King’s College London Ёддошти тафоҳум ба имзо расид
Дар Филиали Донишкадаи рушди менеҷменти Сингапур дар шаҳри Душанбе шумораи донишҷӯён меафзояд
