Роҳбари Чин Си Ҷинпин изҳор намуд, ки муносибатҳои хуби корӣ ва дӯстии қарини шахсӣ бо Президенти Тоҷикистон Эмомалӣ Раҳмонро қадр менамояд
ДУШАНБЕ, 05.10.2022 /АМИТ «Ховар»/. Тоҷикистон бо сарварии Эмомалӣ Раҳмон бо назардошти шароити миллии худ роҳи рушдро боз кард ва дар кори бунёди давлатӣ ба комёбиҳои бузург муваффақ гардид. Чин ҳамчун ҳамсояи дӯст ва шарики стратегии ҳамаҷониба аз ин самимона шод аст. Дар ин бора Раиси Ҷумҳурии Мардумии Чин Си Ҷинпин дар барқияи шодбошии худ ба муносибати зодрӯзи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон Эмомалӣ Раҳмон навиштааст.
«Муҳтарам ҷаноби Президент, дӯсти азиз ва дерин!
Иҷозат диҳед ба муносибати 70-солагии рӯзи таваллудатон табрикоти самимӣ ва таманниёти неки худро ба Шумо расонам.
Муносибатҳои Чину Тоҷикистон ҳамеша суръати хуби рушдро нигоҳ медоранд. Мо аз аввали соли равон бо нигоҳ доштани ҳамкории зич бо Шумо доир ба муносибатҳои дуҷониба ва масъалаҳои мавриди таваҷҷуҳи тарафайн табодули афкор кардем, то равобити Чину Тоҷикистон ба марҳилаи нав бароянд», -афзуд Раиси Ҷумҳурии Мардумии Чин Си Ҷинпин.
Си Ҷинпин изҳор дошт, ки ба рушди муносибатҳои Чину Тоҷикистон аҳамияти хосса дода, «муносибатҳои хуби корӣ ва дӯстии қарини шахсиро қадр мекунад».
«Бо таъкид бар 30-юмин солгарди истиқрори равобити дипломатӣ омодаам, ки бо Шумо барои пешбурди ҳамкории ҳамаҷонибаи Чин ва Тоҷикистон дар арсаҳои мухталиф ба нафъи ду кишвар ва мардуми онҳо саъю кӯшиши муштарак ба харҷ диҳам», — омадааст дар барқия.
АКС аз бойгонии АМИТ «Ховар»
НУРИ ХУРШЕДИ ИСТИҚЛОЛ ТО АБАД РАВШАНГАРИ ҲАЁТИ ҶОМЕАИ МО БОД! Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛУ ОЗОДӢ — РАМЗИ ВОҚЕИИ ИФТИХОР АЗ ВАТАНУ ВАТАНДӮСТӢ. Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛИЯТ — МАРҲАЛАИ СИФАТАН НАВИ РУШДИ ТОҶИКИСТОН. Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛИЯТ — РАМЗИ БАРҶАСТАИ ПОЙДОРИИ ДАВЛАТ. Андешаҳои Президенти Ҷумҳурии Тоҷикистон муҳтарам Эмомалӣ Раҳмон доир ба Истиқлолияти давлатӣ
ҶОИЗАИ БАЙНАЛМИЛАЛИИ ПРЕЗИДЕНТИ ТОҶИКИСТОН ДАР СОҲАИ ОБ–ВАСИЛАИ ТАҲКИМИ ДИПЛОМАТИЯИ ОБ ДАР ҶАҲОН. Андешаҳо дар ин маврид
ТИРГОН ШЕБУ ФАРОЗИ САДСОЛАҲОРО ГУЗАШТА, ТО БА РӮЗГОРИ МО РАСИДААСТ. Иқтибосҳо аз суханрониҳои Президенти Тоҷикистон ба муносибати ин ҷашн
Соли 2027 дар Тоҷикистон Конфронси байналмилалӣ доир ба Даҳсолаи байналмилалӣ оид ба таҳкими сулҳ барои наслҳои оянда баргузор мешавад
Фиристодаи махсуси СММ: «Давлатҳо бояд сиёсатҳо ва амалҳоро тағйир дода, сармоягузорӣ ва татбиқи лоиҳаҳоро дар соҳаи идораи захираҳои обӣ ба роҳ монанд»
Ҷоизаи байналмилалии Президенти Ҷумҳурии Тоҷикистон дар соҳаи об таъсис дода шуд
Сарвазири Бурунди: «Тоҷикистон ба маркази муколамаи глобалӣ оид ба масъалаҳои об табдил ёфтааст»
Президенти Тоҷикистон: «Талаботи ҷаҳон ба оби ошомиданӣ то соли 2050 ҳадди ақалл 25 фоиз зиёд мешавад»
