Ширкати «Фармасинтез» — и Россия дар Тоҷикистон коргоҳи истеҳсоли маводи доруворӣ месозад
ДУШАНБЕ, 21.10.2022 /АМИТ «Ховар»/. Ширкати дорусозии «Фармасинтез» — и Федератсияи Россия нақша дорад маводи дорувории худро бо нархҳои арзон ба Тоҷикистон ворид сохта, минбаъд истеҳсолоти онро ба роҳ монад. Дар ин хусус имрўз, 21 октябр зимни мулоқоти Раиси вилояти Суғд Раҷаббой Аҳмадзода бо директори бахши содироти ширкати дорусозии «Фармасинтез» — и Федератсияи Россия Григорий Демидов хабар дода шуд.
Тавре ба АМИТ «Ховар» дар Хадамоти матбуоти Раиси вилояти Суғд иттилоъ доданд, зимни мулоқот ҷонибҳо масоили тақвияти ҳамкорӣ дар бахши дорусозӣ ва татбиқи лоиҳаи нав дар самти бунёди коргоҳи истеҳсоли дорувориро баррасӣ карданд.
Раиси вилоят ба меҳмонон доир ба вазъи соҳаи саноат ва нигаҳдории тандурустӣ маълумот дода, таъкид кард, ки аз ҷониби Ҳукумати Ҷумҳурии Тоҷикистон ба рушди соҳаи тиб ва дорусозӣ таваҷҷуҳи хосса зоҳир гардида, дар мамлакат коргоҳҳои истеҳсоли доруворӣ фаъолият доранд.
Григорий Демидов зимнан таъкид дошт, ки ширкати «Фармасинтез» барои ҳамкорӣ бо ҳамтоёни худ аз вилояти Суғд омода мебошад. Ҷамъияти саҳомии кушодаи «Фармасинтез» яке аз панҷ бузургтарин ширкати дорусозӣ дар Россия буда, беш аз 500 номгӯй доруворӣ истеҳсол менамояд. Ширкат дар панҷ минтақаи Россия коргоҳҳои истеҳсолии худро дошта, дар онҳо 4000 нафар шаҳрвандон ба шуғли доимӣ фаро гирифта шудаанд.
Зимни мулоқот ҷонибҳо омодагии худро барои густариши ҳамкорӣ, татбиқи лоиҳаҳо ва ба роҳ мондани хати истеҳсолӣ баён доштанд.
АКС: Хадамоти матбуоти Раиси вилояти Суғд
Арзиши байналмилалии металлургияи миллӣ ва рушди истеҳсоли металлҳои сиёҳ дар Тоҷикистон
25 ИЮЛ — РӮЗИ КОРМАНДОНИ НАҚЛИЁТИ АВТОМОБИЛӢ. Дар Тоҷикистон ин нақлиёт дар самти боркашонӣ ва интиқоли мусофирон нақши калидӣ дорад
«ПОМИРИНВЕСТ-2026». Дар Форуми байналмилалии сармоягузорӣ 57 тафоҳумнома ба маблағи беш аз 6,5 миллиард сомонӣ ба имзо расид
Дар «Помиринвест-2026» иқтидори истеҳсолию саноатии Бадахшон муаррифӣ гардид
Ширкати ҳавопаймоии «Shohin Airlines» чор ҳавопаймои Airbus A320neo дастрас менамояд
Дар Душанбе ҷаласаи гурӯҳи кории техникӣ оид ба татбиқи Стратегияи рушди соҳаи алоқа доир шуд
«Стратегияи идоракунии партовҳои сахти маишӣ дар Ҷумҳурии Тоҷикистон барои давраи то соли 2040» ва «Маркази минтақавии идоракунии партовҳо дар шаҳри Душанбе» муаррифӣ гардид
Дар шаш моҳ ба Тоҷикистон дар ҳаҷми беш аз 5 миллиард доллар молу маҳсулот ворид гардидааст
Ҳаҷми умумии даромади буҷети давлатии Тоҷикистон 114,3 фоиз иҷро гардидааст
Ҳайати Тоҷикистон дар Форуми ҳамкорӣ ва рушди тиҷорати электронии Роҳи абрешим иштирок намуд
Тоҷикистон ҳамкориро дар соҳаи саноат бо шаҳри Чонгчини Чин густариш медиҳад
Дар Хадамоти зиддиинҳисорӣ оид ба танзими нархи молу маҳсулоти аз ҷиҳати иҷтимоӣ зарурӣ ҷаласаи Ситоди доимӣ доир шуд
