То охири моҳи октябр сохтмони хонаҳои зарардида дар минтақаҳои наздисарҳадии Исфара ба анҷом мерасанд
ДУШАНБЕ, 08.10.2022 /АМИТ «Ховар» /. Дар минтақаҳои наздисарҳадии шаҳри Исфара айни замон корҳои бунёду барқарорсозии хонаҳои истиқоматии сокинон, ки дар натиҷаи муноқишаҳои марзӣ хароб гардида буданд, бо суръати баланд идома доранд. Масъулин ва ҳашарчиён тасмим гирифтаанд, ки то охири моҳи октябр сохтмони хонаҳоро ба анҷом расонанд. Дар ин бора АМИТ «Ховар» бо истинод ба Хадамоти матбуоти Раиси вилояти Суғд хабар медиҳад.
Раиси вилояти Суғд Раҷаббой Аҳмадзода дар шаҳри Исфара бо ҷараёни бунёди хонаҳои истиқоматии сокинон шинос шуда, зикр кард, ки мардуми тоҷик ҳамеша дар рӯзҳои зарурӣ дар канори ҳамдигар қарор дошта, мушкилоти пешомадаро дар ҳамбастагӣ ҳал мекунанд.
«Бо кӯмакҳои моддии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки барои сохтмони манзилҳо ҷудо шуда буд, рӯзҳои наздик хонаҳои истиқоматӣ пурра омода карда мешаванд»- тазаккур дод Раҷаббой Аҳамадзода.
Сокинони шаҳри Исфара ва ҳашарчиён аз минтақаҳои гуногун, аз ҷумла донишҷӯёни муассисаҳои таълимӣ ба таври ихтиёрӣ ба кумаки зарардидагон омада, аҳлона барои сари вақт бо сарпаноҳ таъмин шудани сокинон меҳнат намуда истодаанд.
Сокинон аз вусъати корҳои сохтмонӣ изҳори хушнудӣ карда, барои кӯмакҳои доимӣ ба Пешвои муаззами миллат муҳтарам Эмомалӣ Раҳмон миннатдорӣ баён карданд.
Мавриди зикр аст, ки ҷараёни сохтмони хонаҳои мазкур зери назорати Сарвари давлат қарор додар. Бо дастури Пешвои миллат муҳтарам Эмомалӣ Раҳмон роҳбари вилоят борҳо аз маҳалли бунёди ин манзилҳои истиқоматӣ дидан карда, барои бо сифати баланд ба анҷом расонидани корҳои сохтмонӣ аз тамоми имкониятҳо истифода бурда мешавад.
АКС: Хадамоти матбуоти Раиси вилояти Суғд
Фиристодаи махсуси СММ: «Давлатҳо бояд сиёсатҳо ва амалҳоро тағйир дода, сармоягузорӣ ва татбиқи лоиҳаҳоро дар соҳаи идораи захираҳои обӣ ба роҳ монанд»
Ҷоизаи байналмилалии Президенти Ҷумҳурии Тоҷикистон дар соҳаи об таъсис дода шуд
Сарвазири Бурунди: «Тоҷикистон ба маркази муколамаи глобалӣ оид ба масъалаҳои об табдил ёфтааст»
Пешвои миллат: ««Чаҳорчӯби Душанбе барои об» муҳаррики пешбурди Рӯзномаи ҷаҳонии об пас аз соли 2030 хоҳад шуд»
Президенти Тоҷикистон: «Талаботи ҷаҳон ба оби ошомиданӣ то соли 2050 ҳадди ақалл 25 фоиз зиёд мешавад»
РАВАНДИ ОБИ ДУШАНБЕ. Ба Конфронси чоруми оби Душанбе беш аз 150 волонтёри ҷавон ҷалб гардидааст
ТАЪРИХ ГУВОҲ АСТ… Эҳдо ба 35-солагии Истиқлоли давлатии Ҷумҳурии Тоҷикистон
Стратегияи рушди соҳаи алоқа, барномаҳои давлатӣ ва омодагӣ ба 35-солагии Истиқлоли давлатӣ дар маҷлиси Ҳукумат баррасӣ гардид
Президенти Тоҷикистон аз афзоиши тӯфонҳои чанголуд дар минтақаи Осиёи Марказӣ изҳори нигаронӣ намуданд
ТАШАББУСҲОИ МОНДАГОРИ ПЕШВОИ МИЛЛАТ ДАР ШИНОХТ ВА МУАРРИФИИ ТАЪРИХУ ТАМАДДУНИ ОРИЁӢ
Меҳрномаи як ҳамзабон ба Пешвои тоҷикони ҷаҳон Эмомалӣ Раҳмон
ПАРЧАМИ НАНГУ НОМИ МО. Аз барафрохтани Парчами давлатии Тоҷикистон дар шаҳри Душанбе 14 сол сипарӣ гардид
